ປະທານາທີບໍດີສະຫະລັດ ທ່ານບາຣັກ ໂອບາມາ ໄດ້ຮ້ອງຂໍງົບ
ປະມານສຸກເສີນຈາກລັດ ຖະສະພາ ໃນຈຳນວນເງິນຫຼາຍກວ່າ
1 ພັນ 8 ຮ້ອຍລ້ານໂດລ່າ ໃນການຮັບມືກັບການລະບາດຂອງ
ເຊື້ອໄວຮັສ Zika ໃນສະຫະລັດ ແລະປະເທດອື່ນໆ.
ເຈົ້າໜ້າທີ່ສະຫະລັດສະຫະລັດ ກ່າວວ່າກອງທຶນດັ່ງກ່າວ ຈະເປັນ
ປັດໄຈສຳຄັນ ໃນການພັດທະນາວັກຊີນ ການວິນິດໄສໂຣກທີ່ມີ
ປະສິດທິຜົນຫຼາຍຂຶ້ນ ແລະການຄົ້ນຄວ້າກ່ຽວກັບກໍລະນີທີ່ສົງໄສ
ວ່າ ມີເຊື່ອມໂຍງລະຫວ່າງເຊື້ອໄວຣັສ Zika ແລະໂຣກຫົວລີບ
ຫຼື microcephaly ຊຶ່ງເປັນສະພາບທີ່ເດັກນ້ອຍທາຣົກມີຫົວ
ກະໂຫລກແລະການ ພັດທະນາທາງສະໝອງທີ່ຜິດປົກກະຕິນັ້ນ.
ໃນຖະແຫຼງການທີ່ນຳອອກເຜີຍແຜ່ໃນວັນຈັນວານນີ້ ທຳນຽບຂາວກ່າວວ່າ ເງິນທຶນດັ່ງກ່າວນີ້
ຍັງຈະສາມາດ “ສົ່ງເສີມຍຸດທະສາດທີ່ສຳຄັນໃນການຕໍ່ສູ້ກັບໄວຣັສ” ຕົວຢ່າງເຊັ່ນ ໂຄງການ
ຕ່າງໆໃນການຄວບຄຸມຍຸງ ແລະໃຫ້ບໍລິການໃນດ້ານອະມາໄມ ແລະໃຫ້ການອູ້ຊູແກ່ພວກແມ່
ມານທີ່ທຸກຍາກນັ້ນ.
ສູນກາງຄວບຄຸມແລະປ້ອງກັນພະຍາດຂອງສະຫະລັດ ໄດ້ມີລາຍງານເຖິງ 50 ກໍລະນີທີ່ໄດ້ຮັບການໄດ້ຢືນຢັນຈາກຫ້ອງທົດລອງແລ້ວ ໃນບັນດາພວກທີ່ເດີນທາງ ໃນຮອບ 2 ເດືອນ
ຜ່ານມາ.
ເຊື້ອໄວຣັສ Zika ແມ່ນຕິດແປດ ໂດຍຖືກຍຸງກັດ ຂອງພວກຍຸງລາຍຊະນິດຕ່າງໆແລະພວກ
ນັກວິໄຈໄດ້ຄົ້ນພົບຫຼັກຖານຂັ້ນຕົ້ນທີ່ສະແດງໃຫ້ເຫັນວ່າ ມັນສາມາດຕິດແປດຜ່ານ ການມີ
ເພດສຳພັນນຳ ຊຶ່ງມັນບໍ່ໄດ້ສະແດງອາການອອກແຕ່ຢ່າງໃດ ໃນ 80 ເປີເຊັນຂອງພວກທີ່
ຕິດແປດນີ້.
ເຊີນຊົມ ດຣ. Fauci ເວົ້າເຖິງໄວຣັສ ໃນການແຂ່ງຂັນ ໂອລິມປິກ ຢູ່ນະຄອນ Rio:
ເຖິງຢ່າງໃດກໍຕາມ ການແຜ່ລະບາດຢ່າງໃຫຍ່ຂອງໄວຣັສ ໃນອາເມຣິກາລາຕິນ ແລະເຂດທະເລ Caribbean ພ້ອມກັບການກຳເນີດຂອງທາຣົກທີ່ມີຫົວລີບນັ້ນ ໄດ້ນຳໄປສູ່ການ
ຖົກຖຽງກັນທາງດ້ານວິທະຍາສາດຢ່າງແຜ່ກວ້າງວ່າເຊື້ອໄວຣັສນີ້ ຈະສົ່ງຜົນໃຫ້ມີການ
ພັດທະ ນາຂອງເດັກທາລົກ ທີ່ບໍ່ສົມປະກອບ ຊຶ່ງຈະພາໃຫ້ພວກເດັກທາລົກມີຮູບຮ່າງບໍ່ສົມປະກອບ ແລະພິການ. ແລະພໍ່ແມ່ຂອງພວກເຂົາເຈົ້າກໍຈະສິ້ນຫວັງ.
ທຳນຽບຂາວຂ່າວກ່າວໃນການຮ້ອງຂໍວ່າ “ພວກເຮົາຕ້ອງໄດ້ດຳເນີນງານຢ່າງຈິງຈັງແລະ
ຮີບດ່ວນ ເພື່ອສືບສວນການແຜ່ລະລາດຂອງໂຣກນີ້ ແລະຫລຸດຜ່ອນການລະບາດໃຫ້ໄດ້ຜົນທີ່ດີທີ່ສຸດເທົ່າທີ່ເປັນໄປໄດ້ ເພື່ອຮັບມືກັບການແຜ່ລາມຂອງເຊື້ອໄວຮັສນີ້.”
