ລິ້ງ ສຳຫລັບເຂົ້າຫາ

ວັນພະຫັດ, ໑໘ ເມສາ ໒໐໒໔

ສຫລ ເປີດ​​​ເຜີຍ​ ໃຈຄວາມ ຂໍ້ຕົກລົງ ນິວເຄລຍ ກັບ ອີຣ່ານ (ວີດີໂອ)


ປະທານາທິບໍດີ ອິຣ່ານ ທ່ານ Hassan Rouhani ເຂົ້າຮ່ວມ ກອງປະຊຸມ ອົງການສາມັກຄີອິສລາມນາໆຊາດ ຄັ້ງທີ 27th ທີ່ກຸງເຕຫະຣານ ວັນທີ 17 ເດືອນມັງກອນ.
ປະທານາທິບໍດີ ອິຣ່ານ ທ່ານ Hassan Rouhani ເຂົ້າຮ່ວມ ກອງປະຊຸມ ອົງການສາມັກຄີອິສລາມນາໆຊາດ ຄັ້ງທີ 27th ທີ່ກຸງເຕຫະຣານ ວັນທີ 17 ເດືອນມັງກອນ.
ລັດຖະບານສະຫະລັດໄດ້ນຳອອກເຜີຍ​ແຜ່ໃຈຄວາມສຳຄັນຂອງ
ຂໍ້ຕົກລົງທີ່​ໄດ້ບັນລຸ​ໃນ​ຕົ້ນ​ເດືອນ​ມັງກອນ ທີ່​ໄດ້ແນ​ໃສ່​ເພື່ອຫລຸດ
ຜ່ອນໂຄງການ​ນິວ​ເຄລຍ ຂອງອີຣ່ານນັ້ນ.

ຂໍ້ມູນ​ທີ່​ນຳອອກເຜີ​ຍແຜ່ໂດຍທໍາ​ນຽບຂາວ ​ໃນ​ວັນ​ພະຫັດ​ວານ​ນີ້
ແມ່ນຮວມ​ທັງ​ກຳນົດເວລາໃນການ​ເຂົ້າໄປກວດກາເບິ່ງ ​ໂຮງໄຟ
ຟ້າ​ນິວ​ເຄລຍ ແຫ່ງຕ່າງໆ ຂອງອີຣ່ານ ​ໂດຍອົງການຄຸ້ມຄອງນິວ
ເຄລຍສະຫະ​ປະຊາ​ຊາດ ຄື ອົງການ​ພະລັງ​ງານ ປະລະມະນູສາ
ກົນຫລື IAEA.

ນອກນັ້ນຂໍ້ຕົກລົງດັ່ງກ່າວ ຍັງ​ໄດ້​ໃຫ້​ລາຍ​ລະ​ອຽດຫຼາຍສົມຄວນ ​ກ່ຽວກັບການ​ຜ່ອນຜັນ​ການ
​ລົງ​ໂທດ​ຕໍ່ອີຣ່ານເພື່ອ​ແລກປ່ຽນກັບການໂຈະ​ເປັນ​ບາງ​ສ່ວນຂອງ​ໂຄງການ​ນິວ​ເຄລຍອີຣ່ານ.

ຂໍ້ຕົກລົງ​ເປັນ​ເວລາ​ຫົກ​ເດືອນ ລະຫວ່າງອີຣ່ານ ກັບສະຫະລັດ ອັງກິດ ​ເຢຍຣະ​ມັນຝຣ່ງ ຣັດ​
ເຊຍ ແລະຈີນ ​ເລີ້ມ​ມີຜົນບັງຄັບໃຊ້ໃນ​ວັນ​ທີ 20 ​ເດືອນ​ມັງ​ກອນ ​ແລະ​ແນໃສ່ການຄໍ້າ​ປະກັນ
ຕໍ່ປະຊາ​ຄົມນາໆ​ຊາດວ່າ ອີຣ່ານບໍ່​ໄດ້ພະຍາຍາມ​ທີ່​ຈະ​ສ້າງອາວຸດນິວ​ເຄລຍ. ​ໃນ​ລະຫວ່າງ
​ນີ້ ຄະນະເຈລະຈາ ​ຈະ​ດຳເນີນ​ງານ ເພື່ອຮ່າງ​ຂໍ້​ຕົກລົງ ໃນຂອບເຂດທີ່ກວ້າງຂວາງ ຂັ້ນສຸດ ທ້າຍ.

ທໍານຽບຂາວໄດ້​ນຳເອົາເນື້ອໄນໃຈຄວາມຂອງຂໍ້ຕົກລົງອອກເຜີຍ​ແຜ່ເພື່ອເປັນ​ການສະໜອງ
ຕອບ ຕໍ່​ການຮຽກ​ຮ້ອງ​ຮຽນ​ ຂອງລັດຖະສະພາສະຫະລັດ ​ແລະ​ບັນດາ​ກຸ່ມຕ່າງໆ ​ເພື່ອ​ໃຫ້ມີ
ຄວາມໂປ່ງໃສຫຼາຍຂຶ້ນ ກ່ຽວ​ກັບ​ວ່າ ຂໍ້​ຕົກລົງ​ດັ່ງກ່າວນີ້ ປະກອບ​ດ້ວຍ​ຫຍັງ​ແດ່​.

ວີດີໂອ: ຝ່າຍຕາເວັນຕົກ ກຽມຫລຸດຜ່ອນການລົງໂທດ ຕໍ່ອິຣ່ານ:

West Prepares To Ease Sanctions as Iran Nuclear Deal Approaches
please wait

No media source currently available

0:00 0:03:03 0:00
ລິງໂດຍກົງ
XS
SM
MD
LG