ທຳນຽບຂາວສະຫຼອງວັນ St. Patrick’s Day ໃນວັນອັງຄານ
ວານນີ້ ດ້ວຍການຍ້ອມນ້ຳ ໃນນ້ຳພຸ ຢູ່ເດີ່ນຫຍ້າເບື້ອງໃຕ້ ຫຼື
South Lawn ຂອງທຳນຽບຂາວ ເປັນສີຂຽວເຫຼື້ອມ.
ປະເພນີ ທີ່ເລີ້ມຂຶ້ນ ໃນປີ 2009 ເວລາທ່ານນາງ Michelle
Obama ສະຕີໝາຍເລກນຶ່ງ ໄດ້ທຳການສະເຫຼີມສະຫຼອງວັນ
St. Patrick’s Day ຕາມແບບນະຄອນ Chicago ບ້ານເກີດ
ເມືອງນອນຂອງທ່ານນາງ ບ່ອນທີ່ແມ່ນ້ຳສາຍນຶ່ງໃນເມືອງດັ່ງ
ກ່າວ ຖືກຍ້ອມໃຫ້ເປັນສີຂຽວ.
ຕໍ່ມາໃນຕອນເຊົ້າວານນີ້ ປະທານາທິບໍດີບາຣັກ ໂອບາມາໄດ້
ຕ້ອນຮັບນາຍົກລັດຖະມົນຕີ Enda Kenny ແຫ່ງ Ireland ທີ່ທຳນຽບຂາວ ສຳລັບການ
ຢ້ຽມຢາມຂອງທ່ານ ໃນວັນ St. Patrick’s Day.
ໃນຂະນະດຽວກັນ ນະຄອນ Chicago ໄດ້ປະຕິບັດຕາມປະເພນີມາ 53 ປີ ໂດຍຍ້ອມສີ
ນ້ຳ ໃນແມ່ນ້ຳ Chicago ໃຫ້ເປັນສີຂຽວ. ການດຳເນີນຂັ້ນຕອນດັ່ງກ່າວ ໄດ້ເລີ້ມຂຶ້ນໃນ
ວັນເສົາຜ່ານມາ ເວລາການສະຫຼອງວັນ St. Patrick’s Day ເລີ້ມຂຶ້ນ.
ປະທານາທິບໍດີ ໂອບາມາ ແລະນາຍົກລັດຖະມົນຕີ Kenny ມີໝາຍກຳນົດທີ່ຈະເຂົ້າ
ຮ່ວມໃນງານລ້ຽງອາຫານທ່ຽງປະຈຳປີຂອງເພື່ອນມິດຂອງ Ireland ທີ່ຕຶກລັດຖະສະພາ
ພາຍໃຕ້ການເປັນເຈົ້າພາບຂອງທ່ານ John Boehner ປະທານສະພາຕ່ຳສະຫະລັດ.
ຮອງປະທານາທິບໍດີ Joe Biden ແລະພວກສະມາຊິກສະພາ Congress ອື່ນໆ ກໍມີ
ໝາຍກຳນົດຈະເຂົ້າຮ່ວມນຳເຊັ່ນກັນ.