ລິ້ງ ສຳຫລັບເຂົ້າຫາ

logo-print

ປ. ໂອບາມາ ຈະບໍ່ພົບປະກັບ ນາຍົກອິສຣາແອລ ຜູ້ທີ່ ຖືກເຊື້ອເຊີນ ມາລັດຖະສະພາ ໂດຍປະທານສະພາຕ່ຳ


ເບິ່ງວີດີໂອ ລາຍງານກ່ຽວກັບເລື້ອງນີ້

ທຳນຽບຂາວ​ກ່າວ​ວ່າ ປະທານາທິບໍດີ ບາຣັກ ​ໂອ​ບາ​ມາ ຈະ​ບໍ່​ພົບ
​ປະ​ກັບ ນາ​ຍົກ​ລັດຖະມົນຕີອິສຣາ​ແອ​ລ ທ່ານ Benjamin
Netanyahu ​ໃນ​ເວລາ​ທ່ານ​ມາ​ຢ້ຽມຢາມ​ວໍ​ຊິ​ຕັນ ​ໃນ​ເດືອນ​ມີນາ
​ຈະມາ​ເຖິງນີ້ ເພື່ອ​ກ່າວ​ຄຳ​ປາ​ໄສ ຢູ່ໃນກອງ​ປະ​ຊຸມ​ຮ່ວມ ຂອງ​ລັດ
ຖະສະພາ​ສະຫະລັດນັ້ນ. ປະທານ​ສະພາ​ຕ່ຳ​ ທ່ານ John
Boehner ສັງກັດ​ພັກຣີພັບ​ບລີກັນ ​ໄດ້​ປະກາດ​ການ​ເຊື້ອ​ເຊີນຕໍ່
ທ່ານ Netanyahu ​ແລະ ກ່າວວ່າ ທ່ານ ບໍ່​ໄດ້​ປຶກສາ​ຫາ​ລື​ກັບ​
ທຳນຽບຂາວ ລ່ວງ​ໜ້າ. ຫຼາຍໆ​ຄົນ​ເຫັນ​ວ່າ ການ​ເຊື້ອ​ເຊີນ​ນັ້ນ
​ແມ່ນ​ເປັນ​ການຕອບໂຕ້ ​ນະ​ໂຍບາຍການ​ທູດສາກົນ ຂອງປະທາ
ນາທິບໍດີ ໂອ​ບາ​ມາ ​ເພື່ອ​ຫັນປ່ຽນ​ໂຄງການ​ນິວ​ເຄລຍ ຂອງ​ອີຣ່ານ
​ໂດຍ​ສະມາຊິກສະພາ​ສັງກັດ​ພັກຣີພັບ​ບລີກັນ. ຜູ້​ສື່​ຂ່າວວີ​ໂອ​ເອ
Cindy Saine ມີ​ລາຍ​ງານ​ ຈາກລັດຖະສະພາ ຊຶ່ງໄຊຈະເລີນສຸກ ຈະນຳມາສະເໜີທ່ານ
ໃນອັນດັບຕໍ່ໄປ.

ປະທາ​ນາທິບໍດີ​ໂອ​ບາ​ມາ ​ແ​ລະ ນາຍົກລັດຖະມົນຕີອິສຣາ​ແອ​ລ ບໍ່​ເຫັນ​ດີ​ນຳ​ກັນ ​ໃນ​ວິທີ
ທາງ​ທີ່​ດີ​ທີ່​ສຸດ ທີ່​ຈະຢັບຢັ້ງອີຣ່ານ ບໍ່​ໃຫ້​ໄດ້​ມາ​ຊຶ່ງ​ອາວຸດ​ນິວ​ເຄລຍ. ທ່ານ Netanyahu ມີ
​ຄວາມ​ບໍ່​ແນ່​ໃຈ ກ່ຽວ​ກັບ​ການ​ແນຈຸດ​ເພັ່ງ​ເລັງໃສ່ການ​ທູດສາກົນ ຂອງ​ທ່ານ ​ໂອ​ບາ​ມາ.

​ໂດຍການ​ເຈລະຈາ​ຂັ້ນ​ສາກົນ ກັບ​ອີຣ່ານ ຊຶ່ງ​ກຳນົດ​ຈະ​ເລີ້ມ​ຄືນ​ອີກ ​ໃນ​ເດືອນກຸມພາ ​ທີ່
​ຈະ​ມາ​ເຖິງນີ້ ພວກ​ຜູ້ນຳ​ລັດຖະສະພາ​ສະຫະລັດ​ບາງ​ທ່ານ ກໍ​ເກີດໝົດ​ຄວາມອົດທົນ
ເຊັ່ນກັນ. ປະທານ​ສະພາ​ຕ່ຳ​ທ່ານ John Boehner ສັງກັດ​ພັກຣີພັບ​ບລີກັນ ​ໄດ້​ສ້າງ​ຄວາມ​ຕົກຕາ​ລຶງ ​ໃຫ້​ແກ່ຫຼາຍໆ​ທ່ານ ​ໂດຍ​ເຊື້ອ​ເຊີນ​ຜູ້ນຳ​ອິສຣາ​ແອ​ລ ມາ​ກ່າວ​ຄຳ​ປາ​ໄສ​ຕໍ່​ ລັດຖະສະພາ ຊຶ່ງ​ທ່ານກ່າວ​ວ່າ ກ່ຽວ​ກັບ​ການ​ຂົ່ມຂູ່​ ຈາກໂຄງການ​ນິວເຄລຍ ຂອງອີຣ່ານ
​ແລະ ພວກຫົວ​ຮຸນ​ແຮງ​ອິສລາມ.

ນາຍົກລັດຖະມົນຕີອິສຣາແອລ ທ່ານ Benjamin Netanyahu, ວັນທີ 14 ທັນວາ 2014.
ນາຍົກລັດຖະມົນຕີອິສຣາແອລ ທ່ານ Benjamin Netanyahu, ວັນທີ 14 ທັນວາ 2014.

ທ່ານ Boehner ​ເວົ້າວ່າ “ຂ້າພະ​ເຈົ້າບໍ່​ໄດ້​ປຶກສາ​ຫາລື​ ກັບ
​ທຳນຽບຂາວ. ລັດຖະສະພາ ສາມາດ​ຕັດສິນ​ໃຈເລື້ອງ​ນີ້​ໄດ້
ດ້ວຍ​ຕົນ​ເອງ. ມັນມີການ​ຂົ່ມຂູ່​ ທີ່​ຮ້າຍແຮງ​ປາກົດ​ຢູ່​ໃນ​ໂລກ
​ແລະ ເມື່ອ​ຄ່ຳ​ຄືນ​ທີ່​ຜ່ານ​ມາ​ ປະທານາທິບໍດີ ບໍ່ໃຫ້​ຄວາມ​ສຳ
ຄັນ​ເລີຍ ພຽງ​ແຕ່​ເບິ່ງໄປ​ເປັນ​ພຽງເຜີນ​ໆ​ຊື່ໆ.”

​ໂຄສົກ​ທຳນຽບຂາວ ກ່າວ​ວ່າ ປະທານາທິບໍດີ ຈະ​ບໍ່​ພົບ​ປະ​ກັບ
ທ່ານ Nethanyahu ​ເພາະວ່າ ມັນ​ເປັນ​ເວລາ​ໃກ້ໆ​ກັບໄລຍະ
ການ​ເລືອກຕັ້ງຂອງ​ອິສຣາ​ແອ​ລ ​ໃນ​ທ້າ​ຍ​ເດືອນ​ມີນານີ້.

ທ່ານ​ນາງ Nancy Pelosi ຜູ້ນຳ​ສະພາ​ຕ່ຳ​ສຽງ​ສ່ວນ​ນ້ອຍ ສັງກັດ
ພັກເດ​ໂມ​ແຄຣັດ ກໍຍັງ​ມີ​ຂໍ້​ສົງ​ໄສ ກ່ຽວ​ກັບວາລະຂອງ​ການ​ຢ້ຽມຢາມນີ້ເຊັ່ນ​ກັນ.

ທ່ານ​ນາງ Pelosi ​ເວົ້າວ່າ “ການກ່າວ​ຄຳ​ປາ​ໄສທີ່​ວ່າ​ນີ້ ຈະ​ມີ​ຂຶ້ນ​ພາຍ​ໃນ​ສອງ​ອາທິດ​
ກ່ອນການ​ເລືອກ​ຕັ້ງ​ໃນ​ອິສຣາ​ແອ​ລ. ຂ້າພະ​ເຈົ້າ ບໍ່​ຄິດ​ວ່າ ​ມັນເປັນ​ການ​ເໝາະສົມ​ ສຳ​ຫລັບ​ປະ​ເທດ​ໃດໆ​ກໍ​ຕາມ.”

ລັດຖະມົນຕີ​ຕ່າງປະ​ເທດສະຫະລັດ ທ່ານ John Kerry ຫາ​ທາງ​ທີ່​ຈະ​ເຮັດ​ໃຫ້ເຫັນ​ວ່າ
ເລື້ອງ​ນີ້​ເປັນ​ເລື້ອງ​ບໍ່​ສຳຄັນ ຊຶ່ງຫຼາຍ​ຄົນ​ເຫັນ​ວ່າ ​ເປັນ​ການ​ບໍ່​ເຫັນ​ພ້ອມກັບປະທານາທິບໍດີ
​ໂອ​ບາ​ມາ.

ປະທານ​ສະພາ​ຕ່ຳ​ ທ່ານ John Boehner ສັງກັດ​ພັກຣີພັບ​ບລີກັນ ​ໄດ້​ປະກາດ​ການ​ເຊື້ອ​ເຊີນຕໍ່ ທ່ານ Netanyahu ມາລັດຖະສະພາ ໂດຍບໍ່ປຶກສາຫາລືກັບ ທຳນຽບຂາວ.
ປະທານ​ສະພາ​ຕ່ຳ​ ທ່ານ John Boehner ສັງກັດ​ພັກຣີພັບ​ບລີກັນ ​ໄດ້​ປະກາດ​ການ​ເຊື້ອ​ເຊີນຕໍ່ ທ່ານ Netanyahu ມາລັດຖະສະພາ ໂດຍບໍ່ປຶກສາຫາລືກັບ ທຳນຽບຂາວ.

ທ່ານ Kerry ​ເວົ້າວ່າ “ພວກ​ເຮົາ​ຍິນ​ດີ​ຕ້ອນຮັບ ນາຍົກ
ລັດຖະມົນຕີ​ອິສຣາ​ແອ​ລ ທີ່​ຈະ​ມາ ​ແລະ​ກ່າວ​ຄຳ​ປາ​ໄສ
​ໃນ​ອາ​ເມຣິກາ ​ເວລາ​ໃດ​ກໍ​ໄດ້. ເປັນ​ທີ່​ຈະ​ແຈ້ງວ່າ ມັນ​ຜິດ
​ປົກກະຕິ​ໜ້ອຍ​ນຶ່ງ ທີ່​ໄດ້​ຮຽນ​ຮູ້ວ່າ ການ​ເຊື້ອ​ເຊີນ ​ໄດ້​ໄປ
ຈາກຫ້ອງການ ຂອງ​ປະທານສະພາ​ຕ່ຳ. ​ນັ້ນໝາຍ​ຄວາມ​
ວ່າ ຜູ້​ໃດ​ກໍຮູ້​ວ່າ ​ເລື້ອ​ງຂອງ​ອີຣ່ານ ​ມັນແມ່ນຢູ່​ໃນ​ຈິດ​ໃຈ
ຂອງທຸກໆຄົນ​.”

ທ່ານ​ນາງ Pelosi ກ່າວ​ວ່າ ປະທານາທິບໍດີ ​ມີ​ແຜນ​ທີ່​ຈະຢັບຢັ້ງ
ອີຣ່ານ ບໍ່​ໃຫ້​ພັດທະນາອາວຸດ​ນິວ​ເຄລຍ ​ແລະ ລັດຖະສະພາ
ຕ້ອງ​ໄດ້ໂຈະ​ໄວ້ ການ​ລົງ​ຄະ​ແນນ​ສຽງ ທີ່​ສະ​ເໜີ​ໄປ ​ເພື່ອ​ວາງ​ມາດ
​ຕາ​ການ​ລົງ​ໂທດ​ ໃສ່​ອີຣ່ານຕື່ມ​ອີກ.

ທ່ານ​ນາງ Pelosi​ ​ເວົ້າວ່າ “ການ​ເຈລະຈາ ອາດ​ເປັນ​ຜົນສຳ​ເລັດ ຫຼື ບໍ່​ກໍ​ເປັນ​ໄດ້. ​
ແຕ່​ວ່າ​ພວກ​ເຮົາກໍ​ບໍ່​ຢາກ​ໃຫ້​ມັນລົ້ມ​ແຫລວ ຍ້ອນວ່າ​ລັດຖະສະພາ ຢາກ​ຈະ​ເບັ່ງ​
ກ້າມຂອງ​ຕົນ ຊຶ່ງບໍ່ມີ​ຄວາມ​ຈຳ​ເປັນ​ເລີຍ.”

ແຕ່​ຜູ້​ແທນ​ສະພາ​ສູງ​ສັງກັດ​ພັກ​ເດ​ໂມ​ແຄຣັດ ທ່ານ Robert Menendez ​ແມ່ນບໍ່​ເຫັນ​ດີ​ນຳ.

ທ່ານ Menendez ​ເວົ້າວ່າ “ອີຣ່ານ ຕ້ອງ​ຮັບ​ຮູ້​ວ່າ ຈະ​ມີ​ຜົນ​ສະທ້ອນຕ່າງໆ ​ຖ້າວ່າມີ​
ການລົ້ມ​ແຫລວ ບັດ​ນີ້ ມີ​ບາງ​ສ່ວນຂອງ​ພວກ​ເຮົາ ​ເຊື່ອ​ວ່າ ຜົນ​ສະທ້ອນ​ເຫຼົ່ານັ້ນ​
ແຫຼ໊ະ ຄວນຈະ​ແມ່ນການ​ລົງໂທດເພີ້​ມຕື່ມ​ອີກ.”

ທ່ານ Steve Billet ຈາກ​ມະຫາວິທະຍາ​ໄລ George Washington ກ່າວ​ວ່າ ລັດຖະ
ສະພາ ມີ​ບົດບາດ​ໃນ​ການ​ສ້າງ​ນະ​ໂຍບາຍ​ຕ່າງປະ​ເທດ ​ແຕ່​ຫາກ​ວ່າ ການ​ກ່ຽວ​ພັນ​ຂອງ​ລັດຖະສະພາ​ນັ້ນ ອາດເຮັດ​ໃຫ້ການ​ພົວພັນ​ ທາງ​ການ​ທູດ​ທີ່​ດຳເນີນ​ຢູ່​ນັ້ນ ມີ​ຄວາມຫຍຸ້ງຍາກ​.

ທ່ານ Billet ​ເວົ້າ​ວ່າ “ຂ້າພະ​ເຈົ້າບໍ່​ແນ່​ໃຈ​ວ່າ ໝົດ​ທຸກ​ສິ່ງ​ນີ້ ຈະ​ອອກ​ມາ​ໃນ​ຮູບ​ໃດ ​
ເວລາມີການ​ເຈລະຈາ​ກັນ ມັນ​ເປັນ​ທີ່​ຈະ​ແຈ້ງ​ແລ້ວ​ວ່າ ​ເງື່ອນ​ໄຂອັນ​ປ່ຽນ​ແປງ​
ເລື້ອຍໆ​ ທີ່​ສັບສົນ​ ສຳລັບ​ພວກ​ຄົນ​ຜູ້​ທີ່ ກ່ຽວ​ພັນ​ກັບ​ການ​ເຈລະຈານັ້ນ ​ໃຫ້​ມີ​ເລື້ອງ​
ບັນຫາ​ສະ​ເພາະນີ້​ ປົກ​ຄຸມການ​ເຈລະຈາ​. ​ເວລາ​ລັດຖະສະພາ ນຳ​ເອົາ​ຕົນ​ເຂົ້າ​
ໄປຢູ່​ໃນ​ສະຖານະ​ການ ຄື​ກັບ​ເລື້ອງ​ນີ້​ແລ້ວ ມັນຍິ່ງ​ຈະເພີ້​ມຄວາມ​ບໍ່​ແນ່ນອນຂຶ້ນ​
ຕື່ມ.”

​ຢູ່ໃນທັດສະນະ​ຄວາມ​ຄິດ​ທີ່​ຜິດ​ປົກກະຕິ​ອັນນຶ່ງ​ໃນ ໜັງສື​ພິມ The Washington Post
ທີ່​ມີ​ຂໍ້ຄວາມ​ວ່າ ບັນດາລັດຖະມົນຕີຕ່າງປະ​ເທດ ຂອງສະຫະພາບ​ຢູ​ໂຣບ​ ເຢຍຣະມັນ
ຝຣັ່ງ ​ແລະ ອັງກິດ ກ່າວ​ວ່າ ການ​ລົງ​ໂທດເພີ້​ມ​ຕື່ມ​ໃດໆ​ ຕໍ່​ອີຣ່ານ​ໃນ​ຂະນະ​ນີ້ ຈະ​ເປັນ​
ອັນຕະລາຍ​ຕໍ່​ຄວາມ​ພະຍາຍາມ​ຂອງ​ນາໆ​ຊາດ ​ໃນ​ຊ່ວງ​ຈຸດ​ເຊື່​ອມຕໍ່​ທີ່ສຳຄັນ​ນີ້. ພວກ​
ເຂົາ​ເຈົ້າ ຂໍ​ຮ້ອງ​ໃຫ້​ໝົດ​ທຸກ​ຄົນ ຈົ່ງ​ໃຫ້​ໂອກາດ​ທາງ​ການ​ທູດຕື່ມເສຍກ່ອນ.

The White House says President Barack Obama will not meet with Israeli Prime Minister Benjamin Netanyahu when he visits Washington in March to address a joint meeting of the U.S. Congress.Republican House Speaker John Boehner announced the invitation to Mr. Netanyahu, and said that he did not consult with the White House in advance.Many see the invitation as a rebuke by congressional Republicans to President Obama's policy of international diplomacy to curb Iran's nuclear program. VOA's Cindy Saine has the story from Capitol Hill.

President Obama and Israeli Prime Minister Netanyahu do not agree on the best way to keep Iran from obtaining a nuclear weapon. Mr. Netanyahu is skeptical of Mr. Obama's focus on international diplomacy.

With the international talks with Iran set to resume in February, some U.S. congressional leaders also are growing impatient.Republican House Speaker John Boehner surprised many by inviting the Israeli leader to speak to Congress, as he said, about the threats posed by Iran's nuclear program and radical Islam.

(JOHN BOEHNER, SPEAKER, HOUSE OF REPRESENTATIVES)
"I did not consult with the White House.The Congress can make this decision on its own.There is a serious threat that exists in the world, and the president last night kind of papered over it."

A White House spokesman said the president will not meet with Mr. Netanyahu because of the proximity of Israeli elections, later in March.

Democratic House Minority leader Nancy Pelosi also questioned the timing of the visit.

(NANCY PELOSI, HOUSE DEMOCRATIC MINORITY LEADER)
"This presentation will take place within two weeks of the election in Israel.I don't think that is appropriate for any country."

Secretary of State John Kerry sought to play down what many view as a snub to President Obama.

(JOHN KERRY, US SECRETARY OF STATE)
"We welcome the prime minister of Israel to come and speak in America any time. Obviously, it is a little unusual to learn of an invitation from the speaker's office. That said, everybody knows that the subject of Iran is much on people's minds."

The president has a plan to keep Iran from developing a nuclear weapon, Pelosi said, and Congress needs to hold off on proposed votes to impose additional sanctions on Iran.

(NANCY PELOSI, HOUSE DEMOCRATIC MINORITY LEADER)
"It (negotiations) may or may not succeed.But we cannot have it fail because Congress wants to flex its muscle unnecessarily."

But Democratic Senator Robert Menendez disagrees.

(SENATOR ROBERT MENENDEZ, DEMOCRAT)
"Iran needs to know that there will be consequences for failure - now some of us believe those consequences should be additional sanctions."

Steve Billet of George Washington University says Congress has a role to play in shaping U.S. foreign policy, but its involvement could complicate ongoing diplomacy.

(STEVE BILLET, GEORGE WASHINGTON UNIVERSITY)
"I'm not quite sure how all of this plays out when it comes to the negotiations - it's clearly a confounding variable for the people who are involved in the negotiations to have these particular issues overhanging the negotiations. When the Congress insinuates itself into a situation like this, it really increases the sort of the uncertainty."

In an unusual opinion piece for The Washington Post, the foreign secretaries of the European Union, Germany, France and Britain said any additional sanctions on Iran now would jeopardize international efforts at a critical juncture.They appealed to everyone to give diplomacy a chance.

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG