ABIDJAN —
ລັດຖະມົນຕີຕ່າງປະເທດຝຣັ່ງເວົ້າວ່າ ມັນເຖິງເວລາແລ້ວທີ່ກໍາລັງຂອງອາຟຣິກາ ຈະເປັນ ຜູ້ນໍາພາການສູ້ລົບຢູ່ໃນມາລີ ເພື່ອໂຄ່ນລົ້ມພວກຫົວຮຸນແຮງມຸສລິມ ອອກຈາກພາກເໜືອ ຂອງປະເທດນັ້ນ.
ທ່ານ Laurent Fabius ລັດຖະມົນຕີຕ່າງປະເທດຝຣັ່ງ ໄດ້ກ່າວຢູ່ທີ່ກອງປະຊຸມສຸດຍອດສຸກເສີນຂອງບັນດາຜູ້ນໍາອາຟຣິກາຕາເວັນຕົກ ເມື່ອວັນ ເສົາວານນີ້ ທີ່ Abidjan ເມືອງຫຼວງການຄ້າຂອງປະເທດ Ivory Coast ບ່ອນທີ່ພວກເຂົາເຈົ້າທໍາການປຶກສາຫາລືກັນ ເລື້ອງການຈັດສົ່ງທະຫານເພີ່ມຕື່ມໄປຍັງປະເທດມາລີ ເພື່ອຊ່ວຍທະຫານຝຣັ່ງໃນການສູ້ລົບຢູ່ທີ່ນັ້ນ.
ຄາດວ່າບັນດາປະເທດເພື່ອນບ້ານຂອງມາລີ ຈະສົ່ງທະຫານໄປຍັງມາລີ ຢ່າງໜ້ອຍ 3000 ຄົນ ຫຼັງຈາກຝຣັ່ງໄດ້ເຂົ້າໄປແຊກແຊງເມື່ອປະມານ ນຶ່ງອາທິດຜ່ານມາແລ້ວ ເພື່ອຢຸດການບຸກລຸກຂອງກຸ່ມຫົວຮຸນແຮງອິສລາມ ທີ່ຍຶດຄອງເຂດພາກເໜືອຂອງມາລີນັ້ນ.
ທາງການມາລີ ເວົ້າເມື່ອວັນສຸກຜ່ານມາວ່າ ທະຫານຂອງລັດຖະບານທີ່ ໜຸນຫຼັງໂດຍ ຝຣັ່ງຍຶດເອົາເມືອງ Diabaly ຄືນໄດ້ ແລະໄດ້ຂັບໄລ່ພວກ ຫົວຮຸນແຮງອິສລາມທີ່ຍຶດເອົາເມືອງດັ່ງກ່າວເມື່ອວັນຈັນອາທິດຜ່ານມາ ກ່ອນໜ້ານີ້ ກໍາລັງທະຫານຂອງມາລີ ກໍລາຍງານວ່າ ພວກຕົນຍຶດເອົາເມືອງ Konna ທີ່ຕັ້ງຢູ່ເຂດຕາເວັນອອກໄກຂອງມາລີ ຄືນໄດ້ເຊ່ນກັນ.
ທາງການຝຣັ່ງເວົ້າວ່າ ປັດຈຸບັນນີ້ ມີທະຫານຝຣັ່ງຢູ່ໃນມາລີປະມານ 1,800 ຄົນ ແລະວ່າຈະເພີ່ມຈໍານວນຂຶ້ນອີກເປັນ 2,500 ຄົນໃນບໍ່ເທົ່າໃດ ມື້ຕໍ່ໜ້ານີ້. ທາງການຝຣັ່ງເວົ້າອີກວ່າ ທະຫານຂອງຕົນຈະຢູ່ໃນມາລີ ໄປ ຈົນກວ່າສະຖານະການຈະທຸ່ນທ່ຽງ.
ທ່ານ Laurent Fabius ລັດຖະມົນຕີຕ່າງປະເທດຝຣັ່ງ ໄດ້ກ່າວຢູ່ທີ່ກອງປະຊຸມສຸດຍອດສຸກເສີນຂອງບັນດາຜູ້ນໍາອາຟຣິກາຕາເວັນຕົກ ເມື່ອວັນ ເສົາວານນີ້ ທີ່ Abidjan ເມືອງຫຼວງການຄ້າຂອງປະເທດ Ivory Coast ບ່ອນທີ່ພວກເຂົາເຈົ້າທໍາການປຶກສາຫາລືກັນ ເລື້ອງການຈັດສົ່ງທະຫານເພີ່ມຕື່ມໄປຍັງປະເທດມາລີ ເພື່ອຊ່ວຍທະຫານຝຣັ່ງໃນການສູ້ລົບຢູ່ທີ່ນັ້ນ.
ຄາດວ່າບັນດາປະເທດເພື່ອນບ້ານຂອງມາລີ ຈະສົ່ງທະຫານໄປຍັງມາລີ ຢ່າງໜ້ອຍ 3000 ຄົນ ຫຼັງຈາກຝຣັ່ງໄດ້ເຂົ້າໄປແຊກແຊງເມື່ອປະມານ ນຶ່ງອາທິດຜ່ານມາແລ້ວ ເພື່ອຢຸດການບຸກລຸກຂອງກຸ່ມຫົວຮຸນແຮງອິສລາມ ທີ່ຍຶດຄອງເຂດພາກເໜືອຂອງມາລີນັ້ນ.
ທາງການມາລີ ເວົ້າເມື່ອວັນສຸກຜ່ານມາວ່າ ທະຫານຂອງລັດຖະບານທີ່ ໜຸນຫຼັງໂດຍ ຝຣັ່ງຍຶດເອົາເມືອງ Diabaly ຄືນໄດ້ ແລະໄດ້ຂັບໄລ່ພວກ ຫົວຮຸນແຮງອິສລາມທີ່ຍຶດເອົາເມືອງດັ່ງກ່າວເມື່ອວັນຈັນອາທິດຜ່ານມາ ກ່ອນໜ້ານີ້ ກໍາລັງທະຫານຂອງມາລີ ກໍລາຍງານວ່າ ພວກຕົນຍຶດເອົາເມືອງ Konna ທີ່ຕັ້ງຢູ່ເຂດຕາເວັນອອກໄກຂອງມາລີ ຄືນໄດ້ເຊ່ນກັນ.
ທາງການຝຣັ່ງເວົ້າວ່າ ປັດຈຸບັນນີ້ ມີທະຫານຝຣັ່ງຢູ່ໃນມາລີປະມານ 1,800 ຄົນ ແລະວ່າຈະເພີ່ມຈໍານວນຂຶ້ນອີກເປັນ 2,500 ຄົນໃນບໍ່ເທົ່າໃດ ມື້ຕໍ່ໜ້ານີ້. ທາງການຝຣັ່ງເວົ້າອີກວ່າ ທະຫານຂອງຕົນຈະຢູ່ໃນມາລີ ໄປ ຈົນກວ່າສະຖານະການຈະທຸ່ນທ່ຽງ.
