ອາວຸດ ຢູ່ໃນກໍາປັ່ນ ເກົາຫຼີເໜືອ ລະເມີດ ຕໍ່ການລົງໂທດ ສປຊ (ສະໄລດ໌/ວີດີໂອ)

ນັກວິ​ເຄາະ​ກ່າວ​ວ່າ ອາວຸດທີ່​ຖືກ​ຄົ້ນ​ພົບ ​ຢູ່​ໃນ​ກໍາ​ປັ່ນ​ຂອງ​ເກົາ
ຫລີ​ເໜືອ ​ໂດຍ ພາ​ນາມານັ້ນ ​ມີ​ທ່າ​ທາງ​ທີ່​ສະ​ແດງ​ໃຫ້​ເຫັນ​
ເຖິງການລະ​ເມີດ ການ​ຫ້າມ​ຊື້ຂາຍ ອາວຸດ​ ຂອງສະຫະ​ປະຊາ
​ຊາດ ຕໍ່ພຽງຢາງ.

ກໍາ​ປັ່ນ​ເກົາຫຼີ​ເໜືອ ​ໄດ້​ຖືກ​ຢຸດ ​ໃນ​ຖານ​ສົງ​ໄສ​ລັກລອບຢາ​ເສບ​
ຕິດ ​ໃນ​ຂະນະ​ທີ່​ພະຍາ​ຍາມ​ຜ່ານ​ຄອງພາ​ນາມາ ຫລັງ​ຈາກ​ໄດ້​
ເດີນ​ທາງ​ອອກ​ຈາກຄິວ​ບາ. ​ແທນ​ທີ່​ຈະ​ເປັນ​ຢາ​ເສບ​ຕິດ ​ພວກ​

ເຈົ້າ​ໜ້າ​ທີ່​ໄດ້​ພົບ​ເຫັນ​ລັງອາວຸດ ​ທີ່​ບໍ່​ໄດ້​ປະກາດໃຫ້​ຮູ້ ຊຸກເຊື່ອງ
​ໄວ້​ກ້ອງໄຖ່ນໍ້າອ້ອຍ.

ຄິວ​ບາ ​ໄດ້​ອອກຖະ​ແຫລ​ງການສະບັບ​ນຶ່ງ ອ້າງ​ວ່າ​ອາວຸດ​ເຫຼົ່ານີ້
​ແມ່ນ​ຂອງ​ຕົນ ​ແຕ່​ບໍ່​ໄດ້​ກ່າວ​ເຖິງ​ຄຸນ​ຄ່າ​ລາຄາ​ໃນ​ດ້ານ​ຍຸດ​ທະ​ສາດ.
ລາຍງານ​ກ່າວ​ວ່າ ​ອາວຸດເຫຼົ່ານີ້​ແມ່ນ​ຮວ​ມທັງລູກ​ສອນ​ໄຟ​ຈໍາ​ນວນ​
ນຶ່ງ ​ເຮືອບິນ​ລົບ MIG-21 ສອງ​ລໍາ ​ແລະ​ອຸບປະກອນ​ທາງ​ທະຫານ
​ທີ່ “ລ້າ​ສະ​ໄໝ” ​ໃນ​ຍຸກ​ສະ​ໄໝ​ໂຊ​ຫວຽດ ທີ່​ໄດ້​ສົ່ງໄປ​ເກົາຫລີ​ເພື່ອ
​ສ້ອມແປງ.​ໃນ​ຂະນະ​ດຽວ​ກັນ ກຸງ​ພຽງ​ຢາງ ກໍ​ກ່າວວ່າ​ອາວຸດ​ເຫລົ່າ​ນີ້ “ບໍ່​ມີ​ຫຍັງ​ສໍາຄັນ​ພຽງແຕ່​ເປັນ​ອາວຸດ​ເກົ່າ” ທີ່ຕົນ​ຕົກລົງ​ຈະ​ທຳ​ການ​ສ້ອມແປງ.


ເຖິງ​ແມ່ນ​ວ່າການໂອນ ​ຖ້າ​ຫາກ​ບໍ່​ແມ່ນ​ການ​ຊື້​ຂາຍ ອາວຸດ​ເຫຼົ່ານີ້​ໃຫ້​ແກ່​ເກົາຫລີ​ເໜືອ​
ເພື່ອ​ສ້ອມ​ແປງກໍ​ຕາມ ​ແຕ່​ອາດ​ລະ​ເມີດ​ຕໍ່​ການ​ລົງ​ໂທດຂອງສະຫະ​ປະຊາ​ຊາດ.

ການ​ລົງ​ໂທດ​ຂອງ​ນາໆ​ຊາດ​ຕໍ່​ເກົາຫຼີ​ເໜືອ​ໃນ​ເວລາ​ນີ້ ແມ່ນ​ຫ້າມ​ບໍ່​ໃຫ້​ຂາຍ ​ໂອນ ຫຼື
ສ້ອມ​ແປງ​ອາວຸດ​ສ່ວນ​ໃຫຍ່​ ແລະ​ອຸບປະກອນກ່ຽວຂ້ອງ. ອາວຸດ​ຂະໜາດ​ນ້ອຍ ​ແລະ​
ອາວຸດຂະໜາດ​ເບົາ ​ແມ່ນ​ຍົກ​ເວັ້ນຈາກ​ການ​ຫ້າມ​ນີ້.