ລິ້ງ ສຳຫລັບເຂົ້າຫາ

ວັນພຸດ, ໒໔ ເມສາ ໒໐໒໔

ການໂຈມຕີ ຂອງພວກກໍ່ການຮ້າຍ ເຮັດໃຫ້ ປາກິສຖານ ແລະ ອັຟການິສຖານ ແຍກຫ່າງ ຈາກກັນ


ຕຳຫຼວດປາກິສຖານ ຢືນຍາມຢູ່ນອກວັດອິສລາມ Barri Imam ທີ່ນະຄອນຫຼວງ ຫລັງຈາກໄດ້ມີການໂຈມຕີສະຫຼະຊີບ ທີ່ວັດຂອງ ນີກາຍ Sufi ທີ່ແຂວງ Sindh.
ຕຳຫຼວດປາກິສຖານ ຢືນຍາມຢູ່ນອກວັດອິສລາມ Barri Imam ທີ່ນະຄອນຫຼວງ ຫລັງຈາກໄດ້ມີການໂຈມຕີສະຫຼະຊີບ ທີ່ວັດຂອງ ນີກາຍ Sufi ທີ່ແຂວງ Sindh.

ປາ​ກິ​ສຖານ​ໄດ້​ປິດ​ຊາຍ​ແດນ ທີ່​ຕິດ​ກັບ​ອັຟກາ​ນິສຖານ ຍິງ​ປືນ​ໃຫຍ່​ຫລາຍ​ລູກ​ເຂົ້າ​ໄປ​ໃສ່​ດິນ​ແດນ​ຂອງ​ປະ​ເທດ​ເພື່ອນ​ບ້ານ ແລະ​ທຳ​ການ​ປາບ​ປາມ ​ທີ່​ສຳຄັນໆ​ຕໍ່ບັນດາ​ກຸ່ມ​ຫົວ​ຮຸນ​ແຮງໂດຍ​ມີ​ລາຍ​ງານ​ວ່າ ​ໄດ້​ສັງຫານ​ຜູ້​ຕ້ອງ​ສົງ​ໄສ​ຫຼາຍກວ່າ 100 ຄົນເພື່ອ​ເປັນ​ການ​ຕອບ​ໂຕ້ ຕໍ່​ການ​ໂຈມ​ຕີກໍ່​ການ​ຮ້າຍ​ທີ່​ຮຸນ​ແຮງຢູ່​ໃນ​ທົ່ວປະ​ເທດ​ໃນ​ຮອບ​ຫລາຍໆ​ປີ​ທີ່​ຜ່ານ​ມານີ້.

ນີ້​ແມ່ນ​ການ​ໂຈມ​ຕີ​ຮ້າຍ​ແຮງ​ຫລ້າ​ສຸດ ທີ່​ມີ​ມາ​ເປັນ​ລຳດັບ ທີ່​ອ້າງ​ເອົາ​ຄວາມ​ຮັບຜິດ​ຊອບ​ໂດຍ​ກຸ່ມ​ລັດ​ອິສລາມຢູ່​ໃນ​ປະ​ເທດ​ທັງ​ສອງ. ນັ້ນ​ຄວນ​ຈະ​ເປັນພື້ນຖານ​ ໃນ​ການ​ນຳໄປ​ສູ່​ການຕອບ​ໂຕ້​ຮ່ວມ​ກັນ ​ແຕ່​ກັບ​ເບິ່ງ​ຄື​ວ່າ ​ໄດ້​ແຍກ​ປ​ະ​ເທດ​ທັງສອງ​ອອກ​ຈາກ​ກັນ​ໃນ​ການ​ກ່າວ​ຫາ​ທີ່​ຕ່າງ​ຝ່າຍ​ຕ່າງເວົ້າວ່າ ອີກ​ຝ່າຍ​ນຶ່ງ​ ເປັນ​ຜູ້​ໃຫ້​ບ່ອນ​ຫລົບ​ລີ້ ​ແກ່​ພວກ​ທີ່​ຮັບຜິດ ຊອບ​ໃນ​ການ​ບຸກ​ໂຈມ​ຕີ​ຂ້າມ​ຊາຍ​ແດນ.

ແຜນທີ ວັດ Lal Shahbaz Qalandar ບ່ອນທີ່ ຜູ້ໂຈມຕີ ດ້ວຍລະເບີດ ສະຫຼະຊີບ ໄດ້ສັງຫານ ຢ່າງໜ້ອຍ 72 ຄົນ.
ແຜນທີ ວັດ Lal Shahbaz Qalandar ບ່ອນທີ່ ຜູ້ໂຈມຕີ ດ້ວຍລະເບີດ ສະຫຼະຊີບ ໄດ້ສັງຫານ ຢ່າງໜ້ອຍ 72 ຄົນ.

ການໂຈມ​ຕີ​ສະຫຼະຊີບ ​ໃນ​ວັນ​ພະຫັດ​ແລ້ວນີ້ ມີ​ຂຶ້ນຢູ່ວັດອິສລາມ ທີ່​ໄດ້​ຮັບ​ການ​ເຄົາລົບ ສັກກາລະ​ບູຊາ​ທີ່​ສຸດ ຂອງ​ນິກາຍ Sufi ​ໂດຍ​ໄດ້​ສັງຫານ​ຢ່າງ​ໜ້ອຍ 80 ຄົນ​ແລະ​ໄດ້​ຮັບ​ບາດ​ເຈັບ​ອີກ​ຈຳນວນ​ນຶ່ງ.

ພາບ​ຂອງບ່ອນ​ໂຈມ​ຕີ​ວາງ​ລະ​ເບີດຢູ່​ໃນ​ແຂວງ Sindh ​ໄດ້​ພາໃຫ້​ເກີດ​ຄວາມ​ຕື່ນຕົກ​ໃຈ ໃຫ້​ແກ່ລັດຖະບານ​ປາ​ກິ​ສຖານຊຶ່ງ​ໄດ້​ຖິ້ມ​ໂທດ​ໃສ່​ກຸ່ມ Jama-ul-Ahrar ທີ່​ມີ​ຖານ​ປະຕິ ​ບັດ​ງານ​ຢູ່​ອັຟກາ​ນິສຖານ​ຊຶ່ງ​ເປັນ​ຜູ້​ຢູ່​ເບື້ອງຫຼັງ “ການ​ໂຈມ​ຕີ​ກໍ່​ການ​ຮ້າຍທີ່​ໂຫດຮ້າຍປ່າ​ເຖື່ອນເຫລົ່ານີ້” ອີງ​ຕາມ​ຖະ​ແຫຼງການຂອງ​ທ່ານ Sartaj Aziz ທີ່​ປຶກສາຂອງ​ນາຍົກລັດ ຖະມົນຕີ Nawaz Sharif ຮັບຜິດຊອບ ​ໃນ​ດ້ານ​ນະ​ໂຍບາຍ ຕ່າງປະ​ເທດ. ປາ​ກິ​ສຖານ​ກ່າວ​ວ່າຕົນ​ໄດ້​ຍື່ນ​ປະ​ທ້ວງ​ຢ່າງ​ແຮງ ​ຕໍ່​ອັຟກາ​ນິສຖານ​ແລ້ວ.

Wave of Terrorist Attacks Leaves Pakistan on Edge
please wait

No media source currently available

0:00 0:02:43 0:00

ປະ​ເທດ​ທັງ​ສອງ​ຕ່າງ​ກໍ​ໄດ້​ກ່າວ​ຫາ​ຊຶ່ງ​ກັນ​ແລະ​ກັນ​ວ່າ ບໍ່​ໄດ້​ມີ​ການ​ດຳ​ເນີນ​ການ​ຢ່າງ​ເປັນ​ການ​ພຽງພໍ ເພື່ອ​ປາບ​ປາມ​ແບບ​ຖອນ​ຮາກ​ຖອນ​ໂຄນ ຕໍ່​ພວກ​ຫົວ​ຮຸນ​ແຮງ​ຈັດ ທີ່​ທຳ​ການ​ໂຈມ​ຕີ​ຂ້າມ​ຊາຍ​ແດນ​ ຈາກ​ທັງ​ສອງ​ຝ່າຍ​ນັ້ນ.

ອ່ານຂ່າວນີ້ຕື່ມເປັນພາສາອັງກິດ

XS
SM
MD
LG