ອາທິດນີ້ ອາດຈະເປັນອາທິດທີ່ມີຄວາມກ້າວໜ້າ ໃນການ
ຜັກດັນໃຫ້ປ່ຽນແປງ ລະບົບຄົນເຂົ້າເມືອງຂອງອາເມຣິກາ. ແລະກໍຄາດໝາຍວ່າຈະມີການຕັດສິນທີ່ເປັນຂີດໝາຍສໍາຄັນ
ທາງດ້ານກົດໝາຍ ກ່ຽວກັບການແຕ່ງງານຂອງຄົນເພດດຽວ
ກັນຢູ່ໃນສະຫະລັດ ເຊັ່ນກັນ.
ຂໍ້ສະເໜີໃຫ້ເພີ້ມການປ້ອງກັນຊາຍແດນສະຫະລັດຢ່າງໃຫຍ່
ຫລວງອາດເປັນຂໍກະແຈ ທີ່ຈະເປີດໃຫ້ມີການສະໜັບສະໜຸນ
ຈາກທັງສອງພັກການເມືອງ ທີ່ຈໍາ ເປັນເພື່ອໃຫ້ມີການຮັບຜ່ານ ການປະຕິຮູບລະບົບຄົນເຂົ້າເມືອງຢ່າງຮອບດ້ານຢູ່ໃນສະພາ
ສູງໄດ້.
ສະມາຊິກສະພາສູງ Charles Schumer ຈາກພັກ Democrat ເວົ້າວ່າ: “ພວກເຮົາແມ່ນໃກ້ ຈະບັນລຸຄວາມກ້າວໜ້າອັນໃຫຍ່ຫລວງແລ້ວ.”
ຂໍ້ສະເໜີດັ່ງກ່າວ ຈະເພີ້ມເຈົ້າໜ້າທີ່ຕະເວນຊາຍແດນໃໝ່ 20 ພັນຄົນ, ບັງຄັບໃຫ້ສ້າງ
ກໍາແພງໃໝ່ຍາວ 1,000 ກວ່າກິໂລແມັດ ຢູ່ຕາມຊາຍແດນສະຫະລັດກັບແມັກຊິກໂກ, ແລະ
ເພີ້ມທະວີການໃຊ້ເທັກໂນໂລຈີໃນການເຝົ້າຕິດຕາມຂຶ້ນ.
ກົດໝາຍສະບັບດັດແກ້ດັ່ງກ່າວ ແນໃສ່ເພື່ອໃຫ້ໄດ້ຮັບການສະສະໜຸນ ຈາກພວກສັງກັດ
ພັກ Republican ທີ່ຄັດຄ້ານບໍ່ໃຫ້ຜູ້ເຂົ້າເມືອງຜິດກົດໝາຍ ຫລາຍລ້ານຄົນໃຫ້ຢູ່ອາເມ
ຣິກາຢ່າງຖືກກົດໝາຍໄດ້ ຈົນກວ່າຊາຍແດນຂອງ ອາເມຣິກາຈະມີຄວາມໝັ້ນຄົງ ແລະກັນພວກລັກລອບເຂົ້າເມືອງໄດ້.
ປະທານາທິບໍດີບາຣັກ ໂອບາມາເວົ້າວ່າ ທ່ານຢາກເຊັນຮັບຮອງເອົາຮ່າງກົດໝາຍດັ່ງກ່າວ
ໃຫ້ເປັນກົດໝາຍໃນເວລາບໍ່ເທົ່າໃດເດືອນຂ້າງໜ້າ.
ການລົງຄະແນນສຽງຂັ້ນສຸດທ້າຍຂອງສະພາສູງ ອາດມີຂຶ້ນໃນສອງອາທິດຂ້າງໜ້ານີ້. ແຕ່
ວ່າການຮັບຜ່ານຮ່າງກົດໝາຍດັ່ງກ່າວຢູ່ໃນສະພາຕໍ່າທີ່ຄວບຄຸມໂດຍຄະນະຜູ້ແທນສັງ
ກັດພັກ Republican ນັ້ນ ແມ່ນຍັງໄກຫລາຍ ຈາກ ການຮັບປະກັນໄດ້.
ໃນຂະນະດຽວກັນ ຄາດກັນວ່າ ສານສູງສຸດຈະພິຈາລະນາເລື້ອງການແຕ່ງງານລະຫວ່າງ
ຄົນເພດດຽວກັນ. ສານດັ່ງກ່າວອາດຈະອອກຄໍາຕັດສິນກ່ຽວກັບວ່າ ລັດຕ່າງໆ ມີສິດທີ່
ຈະເກືອດຫ້າມບໍ່ໃຫ້ ຜູ້ຊາຍແລະຜູ້ຍິງ ຈົດທະບຽນສົມລົດ ກັບຄົນເພດດຽວກັນໄດ້ ຫລື
ບໍ່. ອີກດ້ານນຶ່ງນັ້ນ ກໍຄາດກັນວ່າ ສານດັ່ງກ່າວຈະຕັດສິນວ່າ ລັດຖະບານກາງສະຫະລັດ
ຈະຕ້ອງຮັບຮູ້ການຢູ່ຮ່ວມກັນແບບນັ້ນ ຫລືບໍ່.
ທ່ານໂອບາມາໄດ້ຢືນຢັນຄືນເຖິງ ການສະໜັບສະໜຸນຂອງທ່ານ ຕໍ່ສິດທິໃນການແຕ່ງ
ງານລະຫວ່າງຄົນເພດດຽວກັນ ໃນອາທິດແລ້ວນີ້ ຢູ່ເຢຍຣະມັນ.
ໃນວັນພຸດອາທິດນີ້ ທ່ານໂອບາມາຈະອອກເດີນທາງ ໄປຢ້ຽມຢາມທະວີບອາຟຣິກາ ເປັນເວລານຶ່ງອາທິດ.
ເບິ່ງວີດິໂອອີກເລື້ອງນຶ່ງ ກ່ຽວກັບຂ່າວນີ້:
ຜັກດັນໃຫ້ປ່ຽນແປງ ລະບົບຄົນເຂົ້າເມືອງຂອງອາເມຣິກາ. ແລະກໍຄາດໝາຍວ່າຈະມີການຕັດສິນທີ່ເປັນຂີດໝາຍສໍາຄັນ
ທາງດ້ານກົດໝາຍ ກ່ຽວກັບການແຕ່ງງານຂອງຄົນເພດດຽວ
ກັນຢູ່ໃນສະຫະລັດ ເຊັ່ນກັນ.
ຂໍ້ສະເໜີໃຫ້ເພີ້ມການປ້ອງກັນຊາຍແດນສະຫະລັດຢ່າງໃຫຍ່
ຫລວງອາດເປັນຂໍກະແຈ ທີ່ຈະເປີດໃຫ້ມີການສະໜັບສະໜຸນ
ຈາກທັງສອງພັກການເມືອງ ທີ່ຈໍາ ເປັນເພື່ອໃຫ້ມີການຮັບຜ່ານ ການປະຕິຮູບລະບົບຄົນເຂົ້າເມືອງຢ່າງຮອບດ້ານຢູ່ໃນສະພາ
ສູງໄດ້.
ສະມາຊິກສະພາສູງ Charles Schumer ຈາກພັກ Democrat ເວົ້າວ່າ: “ພວກເຮົາແມ່ນໃກ້ ຈະບັນລຸຄວາມກ້າວໜ້າອັນໃຫຍ່ຫລວງແລ້ວ.”
ຂໍ້ສະເໜີດັ່ງກ່າວ ຈະເພີ້ມເຈົ້າໜ້າທີ່ຕະເວນຊາຍແດນໃໝ່ 20 ພັນຄົນ, ບັງຄັບໃຫ້ສ້າງ
ກໍາແພງໃໝ່ຍາວ 1,000 ກວ່າກິໂລແມັດ ຢູ່ຕາມຊາຍແດນສະຫະລັດກັບແມັກຊິກໂກ, ແລະ
ເພີ້ມທະວີການໃຊ້ເທັກໂນໂລຈີໃນການເຝົ້າຕິດຕາມຂຶ້ນ.
ກົດໝາຍສະບັບດັດແກ້ດັ່ງກ່າວ ແນໃສ່ເພື່ອໃຫ້ໄດ້ຮັບການສະສະໜຸນ ຈາກພວກສັງກັດ
ພັກ Republican ທີ່ຄັດຄ້ານບໍ່ໃຫ້ຜູ້ເຂົ້າເມືອງຜິດກົດໝາຍ ຫລາຍລ້ານຄົນໃຫ້ຢູ່ອາເມ
ຣິກາຢ່າງຖືກກົດໝາຍໄດ້ ຈົນກວ່າຊາຍແດນຂອງ ອາເມຣິກາຈະມີຄວາມໝັ້ນຄົງ ແລະກັນພວກລັກລອບເຂົ້າເມືອງໄດ້.
ປະທານາທິບໍດີບາຣັກ ໂອບາມາເວົ້າວ່າ ທ່ານຢາກເຊັນຮັບຮອງເອົາຮ່າງກົດໝາຍດັ່ງກ່າວ
ໃຫ້ເປັນກົດໝາຍໃນເວລາບໍ່ເທົ່າໃດເດືອນຂ້າງໜ້າ.
ການລົງຄະແນນສຽງຂັ້ນສຸດທ້າຍຂອງສະພາສູງ ອາດມີຂຶ້ນໃນສອງອາທິດຂ້າງໜ້ານີ້. ແຕ່
ວ່າການຮັບຜ່ານຮ່າງກົດໝາຍດັ່ງກ່າວຢູ່ໃນສະພາຕໍ່າທີ່ຄວບຄຸມໂດຍຄະນະຜູ້ແທນສັງ
ກັດພັກ Republican ນັ້ນ ແມ່ນຍັງໄກຫລາຍ ຈາກ ການຮັບປະກັນໄດ້.
ໃນຂະນະດຽວກັນ ຄາດກັນວ່າ ສານສູງສຸດຈະພິຈາລະນາເລື້ອງການແຕ່ງງານລະຫວ່າງ
ຄົນເພດດຽວກັນ. ສານດັ່ງກ່າວອາດຈະອອກຄໍາຕັດສິນກ່ຽວກັບວ່າ ລັດຕ່າງໆ ມີສິດທີ່
ຈະເກືອດຫ້າມບໍ່ໃຫ້ ຜູ້ຊາຍແລະຜູ້ຍິງ ຈົດທະບຽນສົມລົດ ກັບຄົນເພດດຽວກັນໄດ້ ຫລື
ບໍ່. ອີກດ້ານນຶ່ງນັ້ນ ກໍຄາດກັນວ່າ ສານດັ່ງກ່າວຈະຕັດສິນວ່າ ລັດຖະບານກາງສະຫະລັດ
ຈະຕ້ອງຮັບຮູ້ການຢູ່ຮ່ວມກັນແບບນັ້ນ ຫລືບໍ່.
ທ່ານໂອບາມາໄດ້ຢືນຢັນຄືນເຖິງ ການສະໜັບສະໜຸນຂອງທ່ານ ຕໍ່ສິດທິໃນການແຕ່ງ
ງານລະຫວ່າງຄົນເພດດຽວກັນ ໃນອາທິດແລ້ວນີ້ ຢູ່ເຢຍຣະມັນ.
ໃນວັນພຸດອາທິດນີ້ ທ່ານໂອບາມາຈະອອກເດີນທາງ ໄປຢ້ຽມຢາມທະວີບອາຟຣິກາ ເປັນເວລານຶ່ງອາທິດ.
ເບິ່ງວີດິໂອອີກເລື້ອງນຶ່ງ ກ່ຽວກັບຂ່າວນີ້:
