ສູນການຄວບຄຸມແລະປ້ອງກັນພະຍາດສະຫະລັດ ໄດ້ອອກ
ຄຳເຕືອນສະບັບນຶ່ງສຳຫຼັບພວກຜູ້ຊາຍກ່ຽວກັບການແຜ່ລະບາດ
ຂອງໄວຣັສ Zika. ໄວຣັສ Zika ກຳລັງແຜ່ຣະບາດຢ່າງໄວວາ
ໃນອາເມຣິກາລາຕິນ ແລະໃນເຂດທະເລ Caribbean ສ້າງວິກິດ
ການໃຫ້ແກ່ພວກແມ່ຍິງຖືພາ. ດ່ັງທີ່ນັກຂ່າວ VOA Carol Pearson ລາຍງານມານັ້ນ
ກໍແມ່ນວ່າ ບໍ່ມີຂໍ້ມູນຫຼາຍພໍທໍ່ໃດ ກ່ຽວກັບໄວຣັສ Zika ນີ້ ຊຶ່ງວັນນະສອນ ຈະນຳເອົາລາຍລະອຽດ ມາສະເໜີທ່ານ ໃນອັນດັບຕໍ່ໄປ.
ສູນກາງຄວບຄຸມແລະປ້ອງກັນພະຍາດສະຫະລັດ ໄດ້ອອກຄຳເຕືອນໃຫ້ບັນດາຜູ້ຊາຍໃຊ້ຖົງອະນາໄມ ເວລາຮ່ວມເພດ ຫຼືຫຼີກເວັ້ນ ຖ້າຫາກຄູ່ຄອງຂອງເຂົາເຈົ້າຖືພາ ແລະຢູ່ ຫຼື ໄດ້ເດີນທາງໄປຍັງຫຼາຍປະເທດ ບ່ອນທີ່ໄວຣັສ Zika ແຜ່ລະບາດຢູ່. ຄຳເຕືອນດ່ັງກ່າວກໍແມ່ນຈະໃຊ້ສຳຫຼັບພວກຜູ້ຊາຍທີ່ຄູ່ຄອງຂອງເຂົາເຈົ້າຈະຕັ້ງຄັນເຊັ່ນກັນ.
ຄຳແນະນຳອັນຫຼ້າສຸດນີ້ແມ່ນພຽງແຕ່ເນັ້ນຢໍ້າວ່າ ຄວາມຈິງແລ້ວ ໄວຣັສ Zika ແມ່ນຮູ້ກັນບໍຫຼາຍພໍທໍ່ໃດ ແລະເລື້ອງຕິດຕໍ່ຜ່ານເພດສຳພັນກໍເຊັ່ນກັນ.
ທ່ານໝໍ Anthony Fauci ຈາກສະຖາບັນອະນາໄມແຫ່ງຊາດ ກ່າວວ່າ “ພວກເຮົາບໍ່ຮູ້ວ່າ ມັນເປັນກໍລະນີທີ່ແປກທີ່ບໍ່ສູ້ຈະມີ ພວກເຮົາບໍ່ຮູ້ວ່າ ຜູ້ໃດໄດ້ຕິດເຊື້ອໂຣກນີ້ມາດົນປານໃດແລ້ວ ແລະຈະສາມາດຖ່າຍທອດເຊື້ອໄວຣັສ ດັ່ງກ່າວໄປໃຫ້ຄົນອື່ນໂດຍຜ່ານການຮ່ວມເພດໄດ້ ບໍ່ແນ່ໃຈວ່າຈະແມ່ນຕອນທີ່ພວກເຂົາເຈົ້າບໍ່ສະບາຍແທ້ໆນັ້ນ ຫຼື ເວລາທີ່ມັນຍັງຢູ່ນຳຕໍ່ມາອີກຕື່ມສັບປະດານຶ່ງ, ຫຼືອີກເດືອນນຶ່ງ ຫຼື 2 ເດືອນຕໍ່ມາ ພວກເຮົາກໍບໍ່ຮູ້.”
ອີກສິ່ງນຶ່ງທີ່ເຮົາບໍ່ຮູ້ ກໍຄືການເຊື່ອມໂຍງລະຫວ່າງ ເຊື້ອໄວຣັສ Zika ກັບໂຣກ micro-
cephaly ຊຶ່ງເປັນອາການຮ້າຍແຮງທີ່ມີຜົນກະທົບຕໍ່ ການພັດທະນາຂອງສະໝອງຂອງເດັກທາລົກນັ້ນ.
ທ່ານໝໍ Fauci ກ່າວອີກວ່າ “ພວກເຮົາບໍ່ຮູ້ວ່າ ມັນມີການເຊື່ອມໂຍງໜ້ອຍຫຼາຍປານໃດ, ຊຶ່ງມັນອາດຈະເປັນກໍລະນີທີ່ເກີດແທ້ກໍເປັນໄດ້ ຫຼືວ່າມັນອາດຈະມີສິ່ງອື່ນແຊກເຂົ້າມາ
ຮ່ວມກັບເຊື້ອໄວຣັສ Zika ກັບໂຣກອື່ນນຳ ທີ່ສົ່ງຜົນກະທົບໃນໂຣກ microcephaly
ຫຼືວ່າ ເປັນໄວຣັສ Zika ທີ່ມີປະຕິກິລິຍາກັບໂຣກອື່ນຫຼືບໍ່ ກໍບໍ່ມີຫຍັງກ່ຽວຂ້ອງກັນກັບໄວຣັສ Zika ເລີຍ. ພວກເຈົ້າບໍ່ຮູ້ແທ້ແນ່ນອນເລີຍ."
ເຊື້ອໂຣກ Zika ເປັນໄວຣັສແນວໃໝ່ໃນອາເມຣິກາ, ແຕ່ວ່າພວກຍຸງ ແມ່ນເປັນຕົວການ
ນຳພາ ໄວຣັສ ດັ່ງກ່າວ ໄປຫາຜູ້ຄົນຢູ່ໃນອາເມຣິກາລາຕິນແລະໃນທະເລ Caribbean.
ທ່ານໝໍ Fauci ກ່າວວ່າ “ເພາະສະນັ້ນຈຶ່ງວ່າມັນເປັນຄືພາຍຸໃຫຽ່ໄປກະທົບກັບພວກຜູ້ຄົນທີ່ບໍ່ຮູ້ຈັກຫຽັງກ່ຽວ
ກັບການຕິດແປດນີ້ ມັນຈຶ່ງເປັນບັນຫາທີ່ແທ້ຈິງກັບພວກຍຸງແລະຍຸງທີ່ນຳພາໂຣກ
ດ່ັງກ່າວ.”
ທ່ານໝໍ Fauci ກ່າວວ່າ ເຊື້ອໄວຣັສ ໃນຕົວຂອງມັນເອງ ຈະບໍ່ມີຜົນທີ່ຕາມ.
ທ່ານໝໍ Fauci ກ່າວຕື່ມວ່າ "80% ຂອງຜູ້ຄົນແມ່ນບໍ່ສະແດງອາການຫຍັງອອກມາເລີຍ ສ່ວນອີກ 20% ຂອງຜູ້ຄົນ ທີ່ມີອາການ ກໍແມ່ນ ບໍ່ຮ້າຍແຮງ ຢູ່ໃນຂອບເຂດຈຳກັດ ພ້ອມກັບຜົນທີ່ຕາມມາໜ້ອຍ."
ແລະດຽວນີ້ ຂ່າວຮ້າຍກໍຄືວ່າ ເຊື້ອໂຣກດັ່ງກ່າວສາມາດຕິດແປດໄດ້ໂດຍການຟອກເລືອດ.
ບັນດາແມ່ຍິງຖືພາ ໂດຍສະເພາະ ແມ່ນໃຫ້ລະວັງ ໃຫ້ປົກປິດໃຫ້ມິດຊິດ ແລະ ໃຊ້ຢາຂ້າແມງໄມ້ ໃນຂະນະດຽວກັນນັ້ນ ຫຼາຍໆປະເທດ ກໍແມ່ນກຳລັງຂຸ້ນຂ້ຽວໃນໂຄງການກຳຈັດ
ພວກຍຸງໃຫ້ຢູ່ໃນການຄວບຄຸມໄດ້.
ທ່ານໝໍ Fauci ກ່າວວ່າ “ຖ້າຫາກວ່າ ພວກທ່ານສາມາດກຳຈັດ ພວກຍຸງໄດ້ ທ່ານກໍຈະ
ສາມາດລົບລ້າງການລະບາດໄດ້ ແລະທ່ານຈະສາມາດຂ້າພວກຍຸງ ດ້ວຍການໃຊ້ນ້ຳ
ຢາຂ້າແມງໄມ້ ຫຼືບໍ່ ກໍປ້ອງກັນພວກຍຸງ ຈາກການເພາະພັນຂອງມັນ.”
ປັດຈຸບັນນີ້ແມ່ນພວກເຮົາເຮັດໄດ້ແຕ່ພຽງທ່ໍນີ້ ຈົນກວ່າຈະໄດ້ມີຄວາມຮູ້ຕື່ມກ່ຽວກັບໄວຣັສ Zika ແລະຈົນກວ່າຈະມີການພັດທະນາວັກຊີນຂຶ້ນມາ.
