ລິ້ງ ສຳຫລັບເຂົ້າຫາ

logo-print

ການກວດລ້າງ Agent Orange ຫຼືຝົນ​ເຫຼືອງ ຊຶ່ງ​ຕົກ​ທອດ ​ມາ​ຈາກ ສົງຄາມຫວຽດນາມ


ເຈົ້າໜ້າທີ່ຂອງ ສະຫະລັດແລະຫວຽດນາມ ພ້ອມກັນບີບປຸ່ມ ເລີ້ມຕົ້ນ ເປີດໂຄງການກວດລ້າງ ຝົນເຫລືອງ ໃນ ຫວຽດນາມ.
ສະມາຊິກສະພາ​ສູງ ແລະ ສະພາຕ່ຳສະຫະລັດກຸ່ມ​ນຶ່ງ ​ທີ່​ໄປ​
ຢ້ຽມຢາມ​ຫວຽດນາມ ​ໄປ​ຢືນ​ຫຸ້ມ​ກັນ ​ເພື່ອ​ກົດປຸ່ມ ໃຫຍ່ປຸ່ມ​ນຶ່ງ ເພື່ອເລີ້ມຕົ້ນຂີດໝາຍຂັ້ນຕອນໃໝ່ ໃນການກວດລ້າງ ສານ
ເຄມີ ທີ່​ຖື​ວ່າ​ເປັນນຶ່ງໃນບັນດາມໍລະດົກທີ່ອັນຕະລາຍທີ່ສຸດທີ່
​ຕົກ​ທອດ​ມາ​ຈາກ ສົງຄາມຫວຽດນາມ ກໍຄື Agent Orange
ຫຼື ຝົນ​ເຫລືອງ.

ກອງທັບ​ສະຫະລັດ ​ໄດ້​ສີດ​ພົ່ນ ສານ​ເຄມີຂ້າ​ພືດທີ່​ວ່າ​ນີ້ ​ໃສ່ປ່າ​
ຂອງ​ຫວຽດນາມ ​ເພື່ອ​ທຳລາຍ​ຕົ້ນ​ໄມ້​ທັງຫຼາຍ ທີ່​ປົກ​ບັງ​ທະຫານ​
ຄອມ​ມິ​ວນິດ. ຜົນ​ກະທົບ​ທີ່​ບໍ່​ໄດ້​ເຈດ​ຕະນາ ​ແຕ່ເປັນ​ພິດ​ຮ້າຍ​ແຮງ​
ຂອງ​ສານ​ເຄມີ​ດັ່ງກ່າວ ​ຄື ສານພິດ​ດາຍ​ອ໊ອກຊິນ ​ໄດ້​ຖືກ​ເອົາ​ໄປ​ພົວພັນ​ກັບ​ໂຣຄາພະຍາດຫລາຍ​ຢ່າງ ​ເຊັ່ນ ​ໂຣ​ກ​ເບົາຫວານ ​ໂຣກມະ​ເຮັງ ​ແລະ ອາການ​ຜິດປົກກະຕິຂອງ​ເດັກ​ທາລົກ​ເກີດ​ໃໝ່.

ເຂດນຶ່ງ​ໃນ 28 ເຂດທີ່​ມີ ສານດາຍ​ອ໊ອກຊິນ ຫລາຍ​ທີ່​ສຸດ ຢູ່​ໃນຫວຽດ ນາມ ກໍຄື ຖານ​ທັບ​ອາກາດ ດານັງ ​ທີ່ໄດ້​ຖືກໃຊ້​ ເປັນ ບ່ອນ​ເກັບສານ​ Agent Orange. ​ໂຄງການ​ກຳຈັດ​ສານ​ດັ່ງກ່າວ ທີ່​ມີ​ມູນ​ຄ່າ 84 ລ້ານໂດ​ລາ ໄດ້ລົງມື​ຈັດ​ຕັ້ງ​ປະຕິບັດຢ່າງ​ເປັນ​ທາງ​ການ ​ໃນ​ປີ 2012 ​ໂດຍ​ມີ​ເປົ້າ​ໝາຍ​ເພື່ອ​ລົບ​ລ້າງ​ສານ​ເຄມີ​ທີ່ເຈືອ​ປົນ​ຢູ່​ກັບດິນ​ນັ້ນອອກ​ ໃຫ້​ໝົດ​ສິ້ນ​ໄປ ​ໂດຍ​ການ​ອົບ​ດິນ​ ​ໃນ​ອຸ​ນຫະ​ພູມ​ສູງ.

ໂຄງສ້າງສຳລັບບັນຈຸດິນ ທີ່ມີຂະໜາດປະມານເທົ່າກັບເດີ່ນເຕະບານ.
ໂຄງສ້າງສຳລັບບັນຈຸດິນ ທີ່ມີຂະໜາດປະມານເທົ່າກັບເດີ່ນເຕະບານ.

ເອກ​ອັກຄະ​ລັດຖະທູດສະຫະລັດ ປະຈຳຫວຽດນາມ ທ່ານ David Shear ​ໄດ້ມີ​ຄວາມ​ເຫັນ ໃນພິທີດັ່ງ​ກ່າວ.

ທ່ານ David Shear ​ເວົ້າວ່າ:
“ພວກ​ເຮົາ​ ສ້າງ​ໂຄງສຳ​ລັບບັນຈຸດິນ ທີ່​ມີ​ຂະ​ນາດປະມານ​ເທົ່າ​ກັບ​ເດີ່ນ​ເຕະ​ບານ ແລ້ວ​ກໍ​ເອົາ​ດິນ​ທີ່​ມີ​ສານ​ເຄມີ​ດາຍ​ອ໊ອກຊິນ ​ເຈືອ​ປົນ​ຢູ່​ນັ້ນ ​ໃນ​ປະລິມານ 45 ພັນ​ແມັດ​ກ້ອນ
ມາ​ໃສ່….​ໂດຍເລີ້ມຕັ້ງ​ແຕ່​ມື້​ນີ້​ໄປ ດິນ​ຢູ່​ໃນ​ໂຄງ​ສ້າງ​ ຫຼື​ເຕົາ​ອົບ​ອັນນັ້ນ ກໍ​ຈະ​ຖືກ​ອົບ​ໃນ​ຄວາມ​ຮ້ອນ​ທີ່​ສູງທີ່​ສຸດ ​ເພື່ອ​ທຳລາຍ ສານດາຍ​ອ໊ອກຊິນ. ຫຼັງຈາກນັ້ນ ປະມານ 4 ​
ເດືອນ ດິນ​ດັ່ງ​ກ່າວກໍຈະ​ນຳ​ໄປ​ກວດເບິ່ງ ​ເພື່ອ​ຢືນຢັນ​ວ່າເປົ້າໝາ​ຍໂຄງການ​ລົບ​ລ້າງສານ​ເຄມີ​ນີ້ ​ເປັນ​ຜົນສຳ​ເລັດ.”


ສະມາຊິກສະພາສູງ Patrick Leahy ທີ່​ເປັນ​ຜູ້​ນຳພາຄະນະຜູ້​ແທນ​ ​ກ່າວ​ວ່າ ​ໂຄງການນີ້
ມີ 4 ​ເປົ້າໝາຍ ດ້ວຍ​ກັນ.

ທ່າ​ນ Patrick Leahy ​ເວົ້າວ່າ:
“​ເປົ້າ​ໝາຍ​ທີ​ນຶ່ງ ກໍ​ຄື ​ເພື່ອ​ລົບ​ລ້າງ​ ອັນຕະລາຍ​ຈາກສານດາຍ​ອ໊ອກຊິນ ຕໍ່​ປະຊາ
ຊົນທີ່​ອາໄສ​ຢູ່ໃນ​ເຂດ​ນີ້. ສອງ ​ເພື່ອ​ສະແດງໃຫ້​ເຫັນ​ວ່າ​ເປັນ​ເວລາ​ຫຼາຍປີ​ມາແລ້ວ ສະຫະລັດບໍ່​ໄດ້​ເມີນ​ເສີ​ຍ​ຕໍ່​ບັນຫາ​ນີ້ ພວກ​ເຮົາໄດ້ກັບ​ຄືນ​ມາ​ ແກ້​ໄຂມັນ. ສາມ
ປະ​ເທດ​ເຮົາ​ທັງ​ສອງ ສາມາດ​ຮ່ວມ​ມື​ກັນ​ໄດ້ ​ເພື່ອແກ້​ໄຂ​ບັນຫາ​ນຶ່ງ​ ຊຶ່ງໄດ້ກີດ​ກັ້ນການສ້າງສາ​ຍ​ພົວ ພັນໃຫ້​ດີ​ຂຶ້ນ ​ເປັນ​ເວລາຫຼາຍກວ່າ ​3 ທົດ​ສະ​ວັດ​ມາ​ແລ້ວ.
ສີ່ ​ເພື່ອ​ປັບ​ປຸງ​ການ​ບໍລິການໃຫ້​ແກ່ພວກປະຊາຊົນທີ່​ພິການ ບໍ່​ວ່າຍ້ອນ​ສາເຫດອັນ​
ໃດ​ກໍ​ຕາມ ລວມ​ເຖິງ​ກໍ​ລະ​ນີທີ່​ອາດເປັນ​ຜົນ​ສືບ​ເນື່ອງ ມາຈາ​ກສານ​ເຄມີ ​ Agent Orange ນັ້ນ ກໍ​ຕາມ.”


ການ​ປົວແປງ​ບາດ​ແຜຂອງ​ສົງຄາມ ​ແມ່ນ​ໄດ້​ເປັນ​ບັນຫາ​ສຳຄັນ ສຳລັບ ສອງ​ປະເທດ
ຕັ້ງ​ແຕ່ມີ​ການຜູກ​ສາຍ​ພົວພັນ​ທາງ​ການ​ທູດ ຂັ້ນ​ປົກກະຕິ​ ນຳ​ກັນ ເມື່ອເກືອ​ບ 2 ທົດ​ສະວັດ
ມາ​ແລ້ວ. ການກວດ​ລ້າງ​ທຳລາຍ ສານພິດ​ດັ່ງກ່າວ ໄດ້​ກາຍ​ມາເປັນ​ສັນ​ຍາ​ລັກຂອງ
ຄວາມ​ກ້າວໜ້າ​ໃນ ການ​ຮ່ວມ​ມືກັນ ລະຫວ່າງ​ລັດຖະບານ​ທັງ​ສອງ ອັນ​ເປັນເລື້ອງ​ນຶ່ງ
ທີ່​ເອກ​ອັກ​ຄະ​ລັດຖະທູດ ສະຫະລັດ ທ່ານ Shear ໄດ້​ກ່າວເຖິງ ໃນ​ຄຳ​ປາໄສໃນ​ພິທີ​ເປີດ​ໂຄງການນີ້.

ທ່ານ Shear ​ເວົ້າວ່າ:
“ປະ​ທາ​ນາ​ທິບໍດີ Obama ​ແລະ ປະ​ທາ​ນາ​ທິບໍດີ Sang ໄດ້ເປີດ ​ໂຄງການ​ພາຄີ
ຮອບດ້ານສະຫະລັດ-​ຫວຽດນາມ ​ໃນ​ລະດູ​ຮ້ອນ​ທີ່​ຜ່ານ​ມາ​ນີ້. ຂ້າພະ​ເຈົ້າຄິດ​ວ່າ
ບໍ່​ມີ​ອັນ​ໃດ​ທີ່ຈະເປັນ​ແບບຢ່າງຂອງມິດຕະ ພາບ ​ທີ່​ເຕີບ​ໃຫຍ່​ຂຶ້ນ​ນັບ​ມື້ ຂອງ​ພວກ​
ເຮົາ ດີ​ໄປກ​ວ່າ​ໂຄງການນີ້.”


ເວລາ​ນີ້ ກໍ​ກຳລັງມີ​ການ​ປະ​ເມີນ​ຜົນ​ກະທົບ​ ຕໍ່​ສະພາບ​ແວດ​ລ້ອມ​ ຢູ່​ທີ່ ຄ້າຍ​ທະຫານ​ອາກາດເກົ່າ​ອີກ​ແຫ່ງ​ນຶ່ງ ​ຢູ່ Bien Hoa.

ເຖິງ​ແມ່ນ​ວ່າ ສະຫະ​ລັດຈະສືບ​ຕໍ່ ​ທຸ້ມເທ​ທຶນ​ເຂົ້າ​ໃສ່ໂຄງການທຳລາຍ ສານພິດ Agent Orange ​ແລະ ຊ່ວຍ​ເຫຼືອພວກ​ຄົນທີ່ພິການ ​ໃນ​ຫວຽດນາມ ກໍ​ຕາມ ​ແຕ່ວໍ​ຊິງ​ຕັນ ກໍບໍ່​ເຄີຍຍອມ​ຮັບຜິດ ຕໍ່​ບັນຫາ​ສຸຂະ​ພາບ​ທີ່​ເກີດ​ຈາກ​ສານດາຍ​ອ໊ອກຊິນ.

ສາດສະດາຈານ Carl Thayer ຈາກ ມະຫາວິທະຍາ​ໄລ New South Wales ​ໃນ
ອອສ​ເຕຣ​ເລຍ ​ມີ​ຄວາມ​ເຫັນ ​ດັ່ງ​ນີ້:

ທ່ານ Thayer ​ເວົ້າວ່າ:
“ອາເມ​ຣິກາ ກຳລັງ​ພະຍາຍາມ ທີ່​ຈະ​ຫລີ​ກລ່ຽງ ກໍລະນີທີ່​ຈະ​ຕ້ອງ​ໄດ້ ຈ່າຍ​ຄ່າ​ຊົດ​
ເຊີຍ​ແບບນຶ່ງ​ຕໍ່​ນຶ່ງ ທັງຫຼາຍ ​ໂດຍໂຕ້​ແຍ້​ງວ່າ ​ພື້ນຖານ​ທາງ​ດ້ານ​ວິ​ທະ​ສາດ ແມ່ນ​
ບໍ່​ຈະແຈ້ງ ​ແບບ​ເວົ້າ​ວ່າ ທ່ານບໍ່​ມີ​ພື້ນຖານ ​ແລະທ່ານ​ກໍບໍ່​ຮູ້ກ່ຽວ​ກັບ ​ພັນທຸ​ກຳພວກ​ປະຊາຊົນ​ເຫລົ່າ​ນັ້ນ ວ່າ​ເປັນ ແນວ​ໃດ ​ໃນ​ເບື້ອງ​ຕົ້ນ. ຄຳ​ເວົ້າ​ເຫລົ່ານັ້ນ​ແຫລະ ຄື​
ສິ່ງທີ່​ທະນາຍຄວາມ ​ທີ່​ດີ​ ຈະນຳ​ມາ​ໃຊ້​ ໃນ​ການ​ໂຕ້​ແຍ້​ງ ​ໃນ​ສານ.”


ໃນປີ 2004 ​ຊາວຫວຽດນາມກຸ່ມນຶ່ງ ​ໄດ້​ຟ້ອງ​ຮ້ອງ ພວກບໍ​ລິ​ສັດ​ທີ່​ຜະລິດ​ສາ​ນ​ເຄມີ Agent Orange ​ຂຶ້ນສານ ຢູ່​ໃນສະຫະລັດ ​ແຕ່ວ່າ ຜູ້​ພິພາກສາ​ລັດ​ຖະບານ​ກາງ​ສະຫະ ລັດຄົນ​ນຶ່ງ ​ໄດ້​ຍົກ​ຟ້ອງ ​ໂດຍ​ອ້າງ​ເຫດຜົນ​ວ່າ ການ​ນຳ​ໃຊ້​ສານ​ເຄມີ​ເພື່ອ​ທຳລາຍໃບ​ໄມ້​ ບໍ່​ໄດ້​ລະ​ເມີດ​ຕໍ່ ກົດໝາຍ​ນາໆ​ຊາດ ​ໃນ​ເວລາ​ນັ້ນ.

ເບິ່ງຄວາມເຫັນ (1)

ຟໍຣັມສະແດງຄວາມເຫັນ ກ່ຽວກັບເລື່ອງນີ້ ອັດແລ້ວ

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ
XS
SM
MD
LG