ນັກທຸລະກິດ ໄທ ເປີດເຜີຍວ່າການຄ້າຊາຍແດນ ລະຫວ່າງ ຈັງຫວັດໜອງຄານ ແກັບນະຄອນຫຼວງວຽງຈັນ ໃນໄລຍະກວ່າ 5 ເດືອນຂອງປີ 2024 ນີ້ມີມູນຄ່າຫຼຸດລົງຢ່າງຕໍ່ເນື່ອງ ໂດຍມີສາເຫດສຳຄັນມາຈາກສະພາວະການຕົກຕ່ຳລົງຢ່າງຕໍ່ເນື່ອງຂອງຄ່າເງິນກີບ ທີ່ເຮັດໃຫ້ອຳນາດການຊື້ສິນຄ້າ ແລະ ບໍລິການຂອງປະຊາຊົນລາວຫຼຸດລົງເກີນກວ່າ 50 ເປີເຊັນທຽບໃສ່ໄລຍະດຽວກັນໃນປີ 2023 ທີ່ຜ່ານມາ ທັງຍັງຄາດວ່າສະພາບການຈະຮຸນແຮງເພີ່ມຂຶ້ນອີກ ເພາະວ່າຍັງບໍ່ປາກົດວ່າມີສັນຍານດ້ານບວກເກີດຂຶ້ນໃນສະພາວະທາງເສດຖະກິດໂດຍລວມຂອງລາວແຕ່ຢ່າງໃດ.
ນັກທຸລະກິດ ໄທ ຄົນນຶ່ງກ່າວວ່າ “ມີຜົນກະທົບເລື່ອງຂອງເງິນເຟີ້ຈາກ ສປປ ລາວ ຫຼືບໍ່ນີ້ ກໍຕ້ອງຍອມຮັບວ່າມີ ເພາະວ່າແຕ່ກ່ອນນີ້ ການຈັບຈ່າຍໃຊ້ສອຍນີ້ຂ້ອນຂ້າງຄ່ອງຕົວກວ່ານີ້ ແລ້ວກໍໃນສ່ວນຂອງມູນຄ່າທີ່ອາດຈະມີລາຄາແພງແດ່ຊ່ວງນີ້ກໍຈະຄ້າຂາຍຍາກ ເພາະວ່າຖ້າຕີເປັນມູນຄ່າທາງ ສປປ ລາວ ກໍຂ້ອນຂ້າງຫຼາຍລ້ານກີບ ຕ້ອງໃຊ້ຄຳວ່າແບບນັ້ນເລີຍ ແລ້ວກໍເບິ່ງແນວໂນ້ມກໍໜ້າຈະຍັງເງິນເຟີ້ຂຶ້ນເລື້ອຍໆ ຍັງບໍ່ມີແນວໂນ້ມທີ່ຈະດີຂຶ້ນປານໃດ.”
ຟໍຣັມສະແດງຄວາມຄິດເຫັນ