ການ​ປ່ອນ​ບັດ ​ເລືອກ​ປະທານາທິບໍດີ ​ໃນ​ອີ​ຈິບ ຕໍ່ເວລາ ​ອີກ​ນຶ່ງມື້ (ສະໄລດ໌/ວີ​ດີ​ໂອ)

ໜ່ວຍ​ປ່ອນ​ບັດຕ່າງໆ​ໃນ​ການ​ເລືອກ​ຕັ້ງ​ປະທານາທິບໍດີຢູ່ອີຈິບ
​ໄດ້​ເປີດເພີ່ມ ​ອີກ​ນຶ່ງມື້ ໃນ​ວັນ​ພຸດ​ມື້​ນີ້ ​ໃນ​ຂະນະ​ທີ່ລັດຖະບານ
​ພະຍາຍາມສົ່ງ​ເສີມ​ໃຫ້​ພວກ​ມີ​ສິດ​ປ່ອນ​ບັດ​ອອກ​ໄປລົງ​ຄະ​ແນນ
​ສຽງ​ ​ໃນ​ການເລືອກຕັ້ງ ​ທີ່​ຄາດ​ຫວັງວ່າອະດີດ​ຜູ້​ບັນຊາການ​ທະ
ຫານ​ບົກທ່ານ Abdel-Fattah el-Sissi ຈະໄດ້ຂຶ້ນ​ກຳ​ອຳນາດ.

​ການມີຜູ້​ຄົນ​ໄປລົງ​ຄະ​ແນນ​ສຽງ​ໜ້ອຍເກີນຄາດ ​ໃນໄລຍະ
ສອງ​ມື້ທຳ​ອິດ​ຂອງ​ການ​ເລືອກ​ຕັ້ງນັ້ນ ເຮັດ​ໃຫ້​ຄະນະ​ກຳມາ
​ທິການ​ເລືອກ​ຕັ້ງ ​ຕໍ່ເວລາໃນການ​ປ່ອນບັດອອກ​ໄປ​ອີກ​ນຶ່ງ​ມື້
​ແຕ່​ວ່າການໄປ ​ ​ປ່ອນ​ບັດ​ນັ້ນ ​ແມ່ນ​ຍັງ​ເບົາບາງ​ຢູ່.

ການ​ອອກ​ໄປລົງ​ຄະ​ແນນ​ສຽງ​ຂອງ​ຜູ້​ຄົນເປັນຈຳນວນຫຼວງຫຼາຍ​ນັ້ນຈະ​ເປັນ​ກະ​ແຈສຳຄັນ
ທີ່​ຈະຖື​ວ່າ​ ການເອົາທ່ານSissi ນັ້ນ ຖືກ​ຕ້ອງ​ຕາມ​ກົດໝາຍໃນຂັ້ນຕອນທີ່ເລີ້ມຂຶ້ນເວລາ
​ທ່ານ​ໄດ້​ນຳພາ​ກອງທັບ​ໂຄ່ນ​ລົ້ມ ອະດີດປະທາ​ນາທິບໍດີ ທ່ານ Mohamed Morsi ​ໃນ​ເດືອນ​ກໍລະກົດ​ຜ່ານ​ມາ​ນີ້.

ກຸ່ມ​ພະລາດອນພາບ​ມຸສລິ​ມຂອງ​ທ່ານ Morsi ແມ່ນ​ໄດ້​ຮຽກຮ້ອງ​ໃຫ້​ຊາວ​ອີ​ຈິບ​ທັງຫຼາຍ
ບອຍຄ໊ອດ ບໍ່ໄປ​ລົງ​ຄະ​ແນນ ​ແລະ​ໄດ້​ລະບຸ​ໃນ​ຖະ​ແຫຼ​ງການ​ສະບັບ​ນຶ່ງ ​ໃນ​ວັນ​ອັງຄານ
ວານນີ້​ວ່າ ທ່ານ Sissi ແລະພັກພວກຂອງທ່ານນັ້ນຈະບໍ່ສາມາດເຮັດໃຫ້ການກະທຳຂອງ
ພວກເຂົ້າເຈົ້າ ຖືກຕ້ອງຊອບທຳໄດ້ ດ້ວຍການທີ່ມີ“ການສໍ້ໂກງຄະແນນແລະອຸບາຍ
ຕ່າງໆນາໆ.”

ນັກການເມືອງຝ່າຍຊ້າຍ ທ່ານ Hamdeen Sabahi ແມ່ນເປັນພຽງແຕ່ຜູ້ເຂົ້າແຂ່ງຂັນ
ຄົນດຽວເທົ່ານັ້ນ ໃນການເລືອກຕັ້ງຄັ້ງນີ້. ຜົນຂອງການນັບຄະແນນສຽງຢ່າງເປັນທາງ
ການ ແມ່ນຄາດ ຈະເປັນຮູ້ກັນໃນອາທິດໜ້າ.