ປະຊາຊົນຜູ້ມີສິດເລືອກຕັ້ງໃນປະເທດມາລີ ພາກັນມຸ້ງໜ້າໄປຍັງບ່ອນປ່ອນ ເພື່ອເລືອກຕັ້ງເອົາປະທານາທິບໍດີ ທີ່ຄົນສ່ວນຫຼາຍຫວັງວ່າ ຈະນໍາພາປະເທດຊາດອອກຈາກເຫດ ການຂັດແຍ້ງກັນລະຫວ່າງພົນລະເຮືອນ ແລະວິກິດການທາງການເມືອງນັ້ນ.
ອະດີດນາຍົກລັດຖະມົນຕີ Ibrahim Boubacar Keita ປະເຊີນໜ້າ ໃນວັນອາທິດມື້ນີ້ ກັບອະດີດລັດຖະມົນຕີການເງິນ ທ່ານ Soulalia Cisse ໃນການເລືອກຕັ້ງຮອບຕັດ ສິນຊີ້ຂາດ ທີ່ນັກວິເຄາະຫຼາຍໆຄົນກ່າວວ່າ ມີຄວາມສາມາດບົ່ມຊ້ອນສູງ ທີ່ຈະເປັນບາດລ້ຽວ ສໍາລັບປະເທດໃນຂົງເຂດອາຟຣິກາຕາເວັນຕົກແຫ່ງນັ້ນ.
ທ່ານ Keita ໄດ້ຮັບຄະແນນນໍາໜ້າ ໃນການເລືອກຕັ້ງຮອບທໍາອິດ ໃນວັນທີ 28 ກໍລະ ກົດຜ່ານມາ ຄືໄດ້ຮັບເກືອບ 40 ເປີເຊັນຂອງຄະແນນສຽງ ໃນຂະນະທີ່ທ່ານ Cisse ໄດ້ ຄະແນນຕໍ່າກວ່າ 20 ເປີເຊັນໜ້ອຍນຶ່ງ. ນັບຕັ້ງແຕ່ການປ່ອນບັດໃນວັນທີ 28 ກໍລະ ກົດ ພວກສະໜັກເລືອກຕັ້ງຄົນອື່ນໆ ໃນຈໍານວນທັງໝົດ 25 ຄົນ ທີ່ໄດ້ຕົກຮອບທໍາອິດໄປນັ້ນ ສ່ວນຫຼາຍແມ່ນໄດ້ມອບສຽງສະໜັບສະໜຸນຂອງພວກເຂົາເຈົ້າ ໃຫ້ທ່ານ Keita ໂຮມທັງຜູ້ສະໝັກທີ່ໄດ້ຄະແນນທີສາມ ທ່ານ Dramane Dembele.
ການເລືອກຕັ້ງຄັ້ງນີ້ ຊຶ່ງເປັນເທື່ອທໍາອິດ ນັບຕັ້ງແຕ່ ປີ 2007 ເປັນຕົ້ນມາ ຖືກມອງເຫັນວ່າ ສໍາຄັນທີ່ສຸດ ທີ່ຈະພາໃຫ້ປະເທດມາລີ ໄດ້ຮັບເງິນ ຊ່ວຍເຫຼືອ ເກືອບສີ່ພັນລ້ານໂດລ່າ ທີ່ນານາຊາດໄດ້ຮັບປາກວ່າຈະໃຫ້ ແຕ່ໄດ້ໂຈະໄວ້ ຫຼັງຈາກການກໍ່ລັດຖະຫານເມື່ອປີຜ່ານມາ ທີ່ໄດ້ເຮັດໃຫ້ປະເທດຊາດ ຕົກຢູ່ໃນຄວາມວຸ້ນວາຍນັ້ນ.
ເບິ່ງວີດີໂອ:
ອະດີດນາຍົກລັດຖະມົນຕີ Ibrahim Boubacar Keita ປະເຊີນໜ້າ ໃນວັນອາທິດມື້ນີ້ ກັບອະດີດລັດຖະມົນຕີການເງິນ ທ່ານ Soulalia Cisse ໃນການເລືອກຕັ້ງຮອບຕັດ ສິນຊີ້ຂາດ ທີ່ນັກວິເຄາະຫຼາຍໆຄົນກ່າວວ່າ ມີຄວາມສາມາດບົ່ມຊ້ອນສູງ ທີ່ຈະເປັນບາດລ້ຽວ ສໍາລັບປະເທດໃນຂົງເຂດອາຟຣິກາຕາເວັນຕົກແຫ່ງນັ້ນ.
ທ່ານ Keita ໄດ້ຮັບຄະແນນນໍາໜ້າ ໃນການເລືອກຕັ້ງຮອບທໍາອິດ ໃນວັນທີ 28 ກໍລະ ກົດຜ່ານມາ ຄືໄດ້ຮັບເກືອບ 40 ເປີເຊັນຂອງຄະແນນສຽງ ໃນຂະນະທີ່ທ່ານ Cisse ໄດ້ ຄະແນນຕໍ່າກວ່າ 20 ເປີເຊັນໜ້ອຍນຶ່ງ. ນັບຕັ້ງແຕ່ການປ່ອນບັດໃນວັນທີ 28 ກໍລະ ກົດ ພວກສະໜັກເລືອກຕັ້ງຄົນອື່ນໆ ໃນຈໍານວນທັງໝົດ 25 ຄົນ ທີ່ໄດ້ຕົກຮອບທໍາອິດໄປນັ້ນ ສ່ວນຫຼາຍແມ່ນໄດ້ມອບສຽງສະໜັບສະໜຸນຂອງພວກເຂົາເຈົ້າ ໃຫ້ທ່ານ Keita ໂຮມທັງຜູ້ສະໝັກທີ່ໄດ້ຄະແນນທີສາມ ທ່ານ Dramane Dembele.
ການເລືອກຕັ້ງຄັ້ງນີ້ ຊຶ່ງເປັນເທື່ອທໍາອິດ ນັບຕັ້ງແຕ່ ປີ 2007 ເປັນຕົ້ນມາ ຖືກມອງເຫັນວ່າ ສໍາຄັນທີ່ສຸດ ທີ່ຈະພາໃຫ້ປະເທດມາລີ ໄດ້ຮັບເງິນ ຊ່ວຍເຫຼືອ ເກືອບສີ່ພັນລ້ານໂດລ່າ ທີ່ນານາຊາດໄດ້ຮັບປາກວ່າຈະໃຫ້ ແຕ່ໄດ້ໂຈະໄວ້ ຫຼັງຈາກການກໍ່ລັດຖະຫານເມື່ອປີຜ່ານມາ ທີ່ໄດ້ເຮັດໃຫ້ປະເທດຊາດ ຕົກຢູ່ໃນຄວາມວຸ້ນວາຍນັ້ນ.
ເບິ່ງວີດີໂອ: