​ຜູ້​ມີ​ສິດ ​ປ່ອນ​ບັດ ໃນ ແອລຊາລວາດໍ ເລືອກ​ເອົາ ຜູ້​ນຳ​ຄົນ​ໃໝ່ (ວີດີໂອ)

ຜູ້​ສະມັກເລື​ອກຕັ້ງ​ເປັນ ປະທານາທິບໍດີ El Salvador ​ທັງ
ສອງ​ຄົນ ຕ່າງ​ກໍ​ໄດ້​ປະກາດ​ອ້າ​ງ​ເອົາໄຊຊະນະ​. ​ເຖິງ​ຢ່າງ​
ໃດ​ກໍ​ດີ ບັນດາ​ເຈົ້າ​ໜ້າ​ທີ່​ເລືອກ​ຕັ້ງ​ກ່າວ​ວ່າ ການ​ແຂ່ງຂັນ
​ແມ່ນ “ໃກ້​ຄຽງກັນທີ່​ສຸດ” ​ແລະຍັງ​ບໍ່ສາມາດ​ປະກາດ​ໃຫ້​ຜູ້​
ສະມັກ​ຄົນໃດ ​ເປັນ​ຜູ້​ຊະນະ​ໄດ້​ເທຶ່ອ.

ຜົນ​ກາ​ນ​ເລືອກ​ຕັ້ງ ​ແມ່ນ​ຈະ​ເປັນ​ການປ່ຽນແປງ ທີ່​ບໍ່​ຄາດ​
ຄະ​ເນ ​ຂອງການ​ເລືອກ​ຕັ້ງ​ໃນ​ວັນ​ອາທິດວານ​ນີ້. ຜົນ​ການ​
ຢັ່ງ​ສຽງ​ມາ​ຮອດ​ມື້​ເລືອກ​ຕັ້ງ ສະ​ແດງ​ໃຫ້​ເຫັນ​ວ່າ ທ່ານ
Salvador Sanchez Ceren ຈາກພັກ FMLN ​ຂອງ​
ລັດຖະ ບານ ມີ​ຄະ​ແນນ​ ​ໃນ​ລະຫວ່າງ 10 ຫາ 18 ​ເປີ​ເຊັນ
ນໍາ​ ໜ້າ ​ເຈົ້າ​ຄອງ​ກໍາ ແພງ​ນະຄ​ອນ​ຫລວງ San Salvador ທ່ານ Norman Quijano
ຈາກພັກ​ ARENA ທີ່​ນິຍົມ​ຂວາ.

ການ​ໄດ້ຮັບໄຊ​ຊະນະ ​ຂອງ ທ່ານ Ceren ຈະ​ເຮັດ​ໃຫ້​ທ່ານ ​ເປັນອ​ະດີດ ຜູ້​ບັນຊາ​ການກອງ​
ໂຈ​ນ ຄົນ​ທໍາ​ ອິດ ທີ່​ໄດ້​ຮັບແໜ່​ງ ປະທານາທິບໍດີ ນັບ​ແຕ່ການ​ຢຸດ​ຍິງ ​ໄດ້​ສີ້​ນສຸດ ສົງຄາມ​ກາງ​ເມືອງ ທີ່​ສ້າງ​ຄວາມ​ເສຍ​ຫາຍ​ຢ່າງ​ໜັກ ​ເປັນ​ເວລາ 13 ປີ ​ໃນ​ປີ 1992 ນັ້ນ.

​ສ່ວນຢູ່​ທີ່ປະ​ເທດໂຄ​ລຳເບຍ ໃນ​ວັນ​ອາທິດ​ວານ​ນີ້ ບັນດາ​ຜູ້​ປ່ອນ​ບັດ​ໄດ້​ສະ​ແດງ ​ການ​ສະໜັບສະໜຸນ​ ຕໍ່​ການ​ເຈລະ​ຈາ​ສັນຕິພາບກັບ​ພວກ​ກອງ​ໂຈນ ​ໂດຍໄດ້ ມອບສຽງ​ສ່ວນ​ຫລາຍ​ໃນ​ສະພາ​ ໃຫ້​ແກ່ປະ​ທາ​ນາ​ທິບໍດີ Juan Manuel Santos ​ແຕ່​ວ່າໃນ​ຂະນະ​ດຽວ
​ກັນ ບັນດາ​ຜູ້ປ່ອນ​ບັດ ຍັງ​ໄດ້​ເລືອກ​ເອົາຄູ່ແຂ່ງນິຍົມ​ແນວທາງ​ເດີມ​ຂອງ​ທ່ານ ຄືອະດີດ ປະທານາທິບໍດີ Alvaro Uribe ​ເປັນ​ຜູ້​ແທນ​ສະພາ​ສູງ.