ລິ້ງ ສຳຫລັບເຂົ້າຫາ

site logo
ວັນພຸດ, 25 ພຶດສະພາ 2022

ນັກສຶຶກສາ ລາວ ເຂົ້າຮ່ວມແຂ່ງຂັນ First Global Challenge ທີ່ ວໍຊິງຕັນ


ທີມ robotic ຂອງ ສປປ ລາວ ຈາກຊ້າຍໄປຫາຂວາ ທ້າວສິນເກີດ ພຸດທະວົງ ທ້າວຄັດຖະພອນ ຕະມອງຊູມ່ວງໄຊ ນາງທິດາວອນ ໝັ້ນຄົງສິນ ທ່ານກະຕ່າຍ ໄຊຍະສົມບັດ (ອາຈານສອນ ແລະຫົວໜ້າທີມ) ແລະທ້າວມິຕິ ພັນທະສົມບັດ.

ທ່ານ​ຜູ້​ຟັງ​ທີ່​ເຄົາລົບ ໃນ​ລາຍການ​ຊີວິດ​ຊາວ​ລາວຂອງ ວີ​ໂອ​ເອ ມື້​ນີ້ ​ເຮົາ​ຈະ​ນຳເອົາ​
ລາຍ​ງານ ​ແລະ​ການ​ສຳພາດ​ກັບ​ພວກ​ນັກສຶກສາລາ​ວ ນຶ່ງ​ໃນ​ຈຳນວນ​ເກືອບ 160
ປະ​ເທດ ທີ່​ໄດ້​ມາ​ຮ່ວມ​ແຂ່ງຂັນ First Global Challenge ຊຶ່ງ​ເປັນ​ໂຄງການ​ກະ​ຕຸກ
​ຊຸກຍູ້​ ບັນດາ​ນັກ​ສຶກສາ ດ້ານວິທະຍາສາດ ເທັກໂນໂລຈີ ວິສະວະກຳ ແລະຄະນິດ
ສາດ ຫລື STEM. ຈຸດປະສົງ​ກໍເພື່ອເພີ່ມພູນຄວາມເຂົ້າໃຈ ສ້າງຄວາມສຳຄັນແກ່
ການປະສານງານ ແກ້ໄຂບັນຫາຄວາມກົດດັນຂອງໂລກ ແລະປັບປຸງຊີວິດການ
ເປັນຢູ່ແກ່ທຸກໆຄົນຊຶ່ງ ກິ່ງ​ສະຫວັນ ຈະ​ນຳ​ມາສະ​ເໜີ​ທ່ານ​ໃນ​ອັນ​ດັບ​ຕໍ່​ໄປ.

ທີມ ສປປ ລາວ ແລະເຄື່ອງຫຸ່ນຍົນ (robot) ຂອງເຂົາເຈົ້າ.
ທີມ ສປປ ລາວ ແລະເຄື່ອງຫຸ່ນຍົນ (robot) ຂອງເຂົາເຈົ້າ.

ພວກນັກສຶກສາຈາກ ສປປ ລາວ ​ໄດ້ມາເຂົ້າຮ່ວມການແຂ່ງຂັນທີ່​ເອີ້ນວ່າ First
Global Challenge ເພື່ອ​ກະຕຸກ​ຊຸກຍູ້​ການ​ສຶກສາ​ ວິທະຍາສາດ ເທັກໂນໂລຈີ ວິສະ
ວະກຳ ແລະຄະນິດສາດ ຫລື STEM (Science Technology Engineering ແລະ
Math) ທີ​ມລາວ​ປະກອບ​ດ້ວຍ​ນັກ​ສຶກສາ​ຊາຍ 3 ຄົນ ​ແລະແມ່ຍິງ​ຄົນ​ນຶ່ງ ​ແມ່ນຢູ່​ພາຍ
ໃຕ້ການ​ນຳພາ​ຂອງ​ທ່ານກະຕ່າຍ ໄຊຍະສົມບັດ ອາຈານສອນຂໍ້​ມູນ​ເທັກໂນ​ໂລ​ຈີ ຫຼື
ໄອ​ທີ ທີ່ມະຫາວິທະຍາໄລແຫ່ງຊາດ.

ໃນຕອນແລງວັນອາທິດທີ 16 ກໍລະກົດ ໄດ້ມີພິທີເປີດການແຂ່ງຂັນແບບກິລາໂອລິມ
ປິກ ຊຶ່ງແຕ່ລະທີມພາກັນຖືທຸງຊາດຂອງໃຜລາວຍ່າງເຂົ້າເດີ່ນປະກອບດ້ວຍສຽງເພງ
ທີ່​ເປັນສັນຍາລັກປະຈຳຊາດ ເວລານັ້ນ ໄດ້​ມີສຽງຮ້ອງໂຮດັງສະໜັ່່ນ ຫວັ່ນໄຫວ ຈາກ
ຝູງ​ຊົນ​ທີ່​ເຂົ້າ​ຮ່ວມ​ຊົມ. ໃນວັນຈັນທີ 17 ການແຂ່ງຂັນໄດ້ເລີ້ມຂຶ້ນ ​ແຕ່ລະຊຸດແຂ່ງຂັນ ຈະປະກອບດ້ວຍກັນ ສາມທີມຈາກສາມປະເທດ ເພື່ອປະເຊີນໜ້າກັບທີ​ມກົງກັນຂ້າມ​
ເປັນ​ເວລາສອງນາທີ ເພື່ອທຳຄະແນນ ໃຫ້ໄດ້ຫລາຍທີສຸດ ດ້ວຍການບັງຄັບເຄຶ່ອງ
robot ຫຼືຫຸ່ນຍົນ ໃຫ້ໃຈ້ແຍກໜ່ວຍໝາກບານສີຟ້າ ທີ່​ໝາຍ​ເຖິງ​ນໍ້າສະອາດ ແລະ
ໝາກບານສີສົ້ມ ໝາຍເຖິງ​ສິ່ງ​ທີ່​ເປື້ອນ​ເປີະ. ​ມື້ທຳ​ອິດ​ທີ​ມລາວໄດ້ຊະນະ​ສອງ​ຄັ້ງ ​
ແລະໄດ້​ຄະ​ແນນ​ສູງ. ​

ໝາກບານສີຟ້າ ໝາຍເຖິງນໍ້າສະອາດ ແລະໝາກບານສີສົ້ມ ໝາຍເຖິງສິ່ງທີ່ເປື້ອນເປີະ.
ໝາກບານສີຟ້າ ໝາຍເຖິງນໍ້າສະອາດ ແລະໝາກບານສີສົ້ມ ໝາຍເຖິງສິ່ງທີ່ເປື້ອນເປີະ.

ໃນວັນອັງຄານ ທີ 18 ມື້ສຸດທ້າຍຂອງການແຂ່ງຂັນ ຮອບທຳອິດທີມ ສປປ ລາວ ໄດ້
ເຮັດຄະແນນຕົກ. ຕົກມາເຖິງຮອບສອງທີມ ສປປ ລາວ ປະກອບດ້ວຍທີມ ບູຣຸນດີ
ແລະທີມ ຢູເຄຣນ ໄດ້ຕໍ່ສູ້ກັບ ທີມເນປານ ທີ​ມຫວຽດນາມ ແລະທີມໂດມີນິກັນຣິພັບ
ບລິກ ຜູ້ທີ່ໄດ້ທຳ​ຄະ​ແນນນຳໜ້າ. ກ່ອນ​ເວລາສອງ​ນາທີ​ຈະສິ້ນສຸດລົງ​ ສິ່ງມະຫັດ
ສະຈັນໄດ້ເກີດຂືຶ້ນ ທີມ ສປປ ລາວ ​ເຮັດຄະແນນໄດ້ 105 ຕໍ່ 55 ​ຊຶ່ງ​ໄດ້ເຮັດໃຫ້ທີມ
ສປປ ລາວ ຕິດອັນດັບທີ 7 ຢູ່ໃນເວລານັ້ນ.

ທີມ ສປປ ລາວ ກຳລັງປະຊຸມ ວາງແຜນຍຸດທະສາດ.
ທີມ ສປປ ລາວ ກຳລັງປະຊຸມ ວາງແຜນຍຸດທະສາດ.

ການແຂ່ງຂັນເອົາຄະແນນຂອງທີມອື່ນໆຍັງດຳເນີນຢູ່ຕໍ່ໄປ ແລະໃນທີ່ສຸດຜົນຂອງການ
ແຂ່ງຂັນກໍໄດ້ເຮັດໃຫ້ທີມ ສປປ ລາວ ຕົກລົງມາຢູ່ໃນອັນດັບທີ 2​8 ໃນບັນດາທີມຜູ້ເຂົ້າ
ແຂ່ງຂັນເກືອບ 160 ປະເທດ.

ທ່ານກະຕ່າຍ ໄຊຍະສົມບັດ ອາຈານສອນຂໍ້​ມູນ​ເທັກໂນ​ໂລ​ຈີ ຫຼືໄອ​ທີ ທີ່ມະຫາວິທະຍາ
ໄລແຫ່ງຊາດ ໄດ້ກ່າວຕໍ່ ວີໂອເອ ກ່ຽວກັບການ​ມາ​ຮ່ວມ​ຂອງ​ທີ​ມລາວວ່າ:

ທ່ານກະຕ່າຍ ໄຊຍະສົມບັດ
ທ່ານກະຕ່າຍ ໄຊຍະສົມບັດ

ນາງທິດາວອນ ໝັ້ນຄົງສິນ ນັກສຶກສາຈາກມະຫາວິທະຍາໄລແຫ່ງຊາດ ປີທີນຶ່ງ ​ແລະ
ເປັນນັກສຶກສາແມ່ຍິງແຕ່ພຽງຄົນດຽວ ​ໄດ້ກ່າວຕໍ່ວີໂອເອ ກ່ຽວ​ກັບ​ການ​ເຂົ້າ​ຮ່ວມ​ຂອງ​
ນາງວ່າ:

ນາງທິດາວອນ ໝັ້ັ້ນຄົງສິນ
ນາງທິດາວອນ ໝັ້ັ້ນຄົງສິນ

ທ້າວ​ປິ​ຕິ ພັນທະ​ສົມບັດ ນັກສຶກສາຈາກ​ມະຫາວິທະຍາ​ໄລ​ແຫ່ງ​ຊາດ ປີ​ທີ​ສອງ ​ໄດ້
​ກ່າວ​ເຖິງ​ຄວາມ​ຕື່ນ​ເຕັ້ນ​ຂອງ​ລາວ​ວ່າ:

ທ້າວປິຕິ ພັນທະສົມບັດ
ທ້າວປິຕິ ພັນທະສົມບັດ

ທ້າວ​ສິນ​ເກີດ ພຸດ​ທະ​ວົງ ນັກສຶກສາຈາກ​ມະຫາວິທະຍາ​ໄລແຫ່ງ​ຊາດ ປີ​ທີ​ສອງໄດ້​ກ່າວ
​ຕໍ່ ວີ​ໂອ​ເອ ກຽວກັບການ​ເດີນ​ທາງ​ມາສະ​ຫະລັດ ​ເພື່ອ​ເຂົ້າ​ຮ່ວມ​ແຂ່ງຂັນ​ຄັ້ງ​ນີ້​ວ່າ:

ທ້າວສິນເກີດ ພຸດທະວົງ
ທ້າວສິນເກີດ ພຸດທະວົງ

ທ້າວ​ອັດຖະ​ພອນ ຕະມອງ​ຊູມ່ວງ​ໄຊ ຈາກ​ມະຫາວິທະຍາ​ໄລ​ແຫ່ງ​ຊາດກ່າວວ່າ:

ທ້າວອັດຖະພອນ ຕະມອງຊູມ່ວງໄຊ
ທ້າວອັດຖະພອນ ຕະມອງຊູມ່ວງໄຊ

ຈຸດປະສົງຂອງອົງການ First Global ກໍຄືຊຸກຍູ້ການເປັນຜູ້ນຳດ້ານວິທະຍາສາດ ແລະເທັກໂນໂລຈີ ແລະນະວັດຕະກຳແກ່ນບັນດາຊາວໜຸ່ມຢູ່ທຸກໆປະເທດເພື່ອເພີ່ມ
ພູນຄວາມເຂົ້າໃຈ ສ້າງຄວາມສຳຄັນແກ່ການປະສານງານ ເພື່ອແກ້ໄຂບັນຫາຄວາມ
ກົດດັນຂອງໂລກ ແລະປັບປຸງຊີວິດການເປັນຢູ່ແກ່ທຸກໆຄົນ.

ທີມ Arobic ລາວ
ທີມ Arobic ລາວ

ບັນດານັກສຶກສາຈາກ ສປປ ລາວ ​ໄດ້​ມີ​ໂອກາດພົບ​ພໍ້​ກັບ​ບັນດາ​ເພື່ອນ​ນັກ​ສຶກສາ​ ທີ່​
ເດີນທາງ​ມາ​ຈາກ​ທົ່ວ​ໂລກ ດ້ວຍ​ຄວາມ​ຕື່ນ​ເຕັ້ນ ​ແລ້ວກໍ​ກຳລັງ​ພາກັນ​ກັບຄືນປະ​ເທດ​
ຂອງ​ໃຜລາວ.

ລິງໂດຍກົງ

ເບິ່ງຄວາມເຫັນ (5)

ຟໍຣັມສະແດງຄວາມເຫັນ ກ່ຽວກັບເລື່ອງນີ້ ອັດແລ້ວ

ທ່ານອາດຈະມັກເລື້ອງນີ້ຄືກັນ

XS
SM
MD
LG