ໃນລາຍການຊີວິດຊາວລາວ ມື້ນີ້ເຮົາຈະສະເໜີການສຳພາດກັບຍານາງດາຣາ ສຸວັນນະພູມາ Stieglitz ອາເມຣິກັນເຊື້ອສາຍລາວ ອະດີດນາງພະຍາບານ ປັດຈຸບັນນີ້ໄດ້ຫັນປ່ຽນວິຊາອາຊີບມາເປັນ Life Coach ຫລືທີ່ປຶກສາເລື້ອງຄວາມຕ້ອງໃນການດຳລົງຊີວີດ ຮັບຟັງຜູ້ສະແຫວງຊອກຫາວິຊາອາຊີບໃໝ່ ທີຢູ່ອາໄສ ແລະສິ່ງທີ່ພົວພັນ ກັບການຕັດສິນໃຈຕ່າງໆກັບການເປັນຢູ່ຂອງຊີວິດ ຊຶ່ງເປັນວິຊາການທີ່ຊາວອາເມຣິກັນ ພາກັນໃຊ້ເພື່ອຊ່ວຍໃນການຕັດສິນໃຈຂອງເຂົາເຈົ້າ. ສ່ວນວ່າຄວາມເປັນມາຂອງຍານາງດາຣາ ສຸວັນ ນະພູມາ Stiglitz ເປັນມາຢ່າງໃດນັ້ນ ເຮົາຂໍເຊີນທ່ານພົບກັບ ກິ່ງສະຫວັນ ໄດ້ເລີຍ.
ສະບາຍດີທ່ານຜູ້ຟັງທີ່ເຄົາລົບ ໃນລາຍການຊີວິດຊາວລາວມື້ນີ້ ຂ້າພະເຈົ້າຈະຂໍແນະນຳ ໃຫ້ທ່ານຮູ້ຈັກກັບ ສະຕີອາເມຣິກັນເຊື້ອສາຍລາວຄົນນຶ່ງ ຍານາງດາຣາ ສຸວັນນະພູມາ Stieglitz ຜູ້ໃຫ້ຄຳປຶກສາກ່ຽວກັບຊີວິດສ່ວນຕົວຂອງຄົນທີ່ຮ້ອງເປັນພາສາອັງກິດວ່າ
“Life Coach” ຊຶ່ງເປັນວິຊາການຊຶ່ງກ່າວໂດຍສະເພາະເຈາະຈົງກໍແມ່ນເລື້ອງສ່ວນຕົວຕ່າງໆ ເຊັນວ່າທຸລະກິດການຄ້າ ສະພາບການທົ່ວໄປ ແລະການຂ້າມຜ່ານຊີວິດຂອງ ຄົນ ຜູ້ຊອກຫາການຊ່ວຍເຫລືອ ດ້ານສຳພັນທະໄມຕີ ຫລືພິຈາລະນາວ່າມີຫຍັງເກີດຂຶ້ນໃນປັດຈຸບັນ ທີ່ຄົ້ນພົບໃນສິ່ງທີ່ຂັດຂວາງກັບຊີວິດ ຫລືອາດເປັນການທ້າທາຍ ແລະການ ເລືອກທາງເດີນຂອງຊີວິດໃໝ່ທີ່ຄົນຕ້ອງການ.
ຢູ່ໃນສະຫະລັດອາເມຣິກາ ແລະໃນບັນດາປະເທດອຸດສາຫະກຳທັງຫລາຍ ເຂົາເຈົ້າມີວິ ຊາອາຊີບລະດັບນັກວິຊາການຫລາຍໆຢ່າງຈົນນັບບໍ່ຖ້ວນ ທັງອາດເປັນສິ່ງແປກໆ ແລະ ບໍ່ເຄີຍໄດ້ຍິນມາກ່ອນຢູ່ໃນປະເທດທີ່ກຳລັງພັດທະນາ. ວິຊາອາຊີບ Life Coach ມີຄວາມແຕກຕ່າງໄປຈາກ ການໃຫ້ຄຳປຶກສາ ແລະ ແນະນຳແບບທຳມະດາ. Life coachi ມີໜ້າທີ່ຟັງກ່ຽວກັບຄວາມຕ້ອງການ ແລະຖາມຜູ້ມາຊອກຫາການຊ່ວຍເຫລືອ ເພື່ອໃຫ້ເຂົາເຈົ້າບັນ ລຸຜົນສຳເລັດຂອງຊີວິດ.
ຢູ່ໃນຊີວິດນຶ່ງຂອງຊາວອາເມຣິກັນ ຫລາຍໆຄົນຈະພາກັນປ່ຽນໜ້າທີ່ວຽກການຫລາຍໆ ຢ່າງ ກ່ອນທີ່ເຂົາເຈົ້າຈະອອກກິນເບ້ຍບຳນານ ຊຶ່ງຖືວ່າເປັນຂອງທຳມະດາ. ການປະກອບ ວິຊາອາຊີບດຽວເປັນເວລາດົນນານນັ້ນ ອາດຈະສ້າງຄວາມອິດເມື່ອຍ ແລະສ້າງຄວາມ ເບື່ອນ່າຍໃຫ້ແກ່ຜູ້ເຮັດວຽກ ຫລືຜູ້ທີ່ເຮັດວຽກໄດ້ຄົ້ນພົບວ່າຕົນບໍ່ມັກກັບວຽກທີ່ກຳລັງເຮັດ ຢູ່ໃນປັດຈຸບັນ. ເພາະສະນັ້ນເຂົາເຈົ້າຈຶ່ງຕ້ອງໄດ້ສະແຫວງຫາວຽກງານໃໝ່ ແລະການຕັດ ສິນໃຈຕ່າງໆໃນຊີວິດ. ນັ້ນເປັນພຽງຕົວຢ່າງນຶ່ງຂອງການຮັບຟັງຈາກບັນດາຜູ້ມາສະແຫວງ ຫາການຊ່ວຍເຫລືອ.
ບັດນີ້ເຮົາມາຖາມຂ່າວຍານາງດາຣາຈັກບາດເໜາະທ່ານວ່າ ຜູ້ກ່ຽວແມ່ນໃຜ ມາຈາກໃສ ແລະເປັນຫຍັງຈຶ່ງໄດ້ມາຍຶດໝັ້ນເອົາວິຊາການດັ່ງກ່າວ. ຍານາງດາຣາ ໄດ້ເລົ່າຊີວິດບັ້ນ ຕົ້ນສູ່ ວີໂອເອ ຟັງດັ່ງນີ້ :
ວິຊາການດ້ານ Life Coach ຕ້ອງໄດ້ຜ່ານການສຶກສາອົບຮົມຈາກມະຫາວິທະຍາໄລ ແລະໄດ້ຮັບປະລິນຍາໃນດ້ານດັ່ງກ່າວກ່ອນທີ່ຈະນຳໃຊ້ໄດ້. ຍານາງດາຣາ ໄດ້ໃຊ້ເຮືອນຕົນເອງເປັນບ່ອນເຮັດວຽກດັ່ງກ່າວ ແລະໄດ້ເລົ່າເຖິງໜ້າທີ່ວຽການຕໍ່ໄປດັ່ງນີ້ :
ຍານາງດາຣາ ໄດ້ໃຫ້ຂໍ້ສັງເກດທີ່ສຳຄັນຕອນນຶ່ງວ່າ ຄົນເຮົາຫລາຍໆຄົນບໍ່ສາມາດຟັງຕົນເອງ ແລະບໍ່ຮູ້ວ່າຕົນເອງເວົ້າຫຍັງ ແລະຢາກເຮັດຫຍັງແທ້ ເພາະສະນັ້ນ ຍານາງດາຣາ ຈຶ່ງເປັນຜູ້ຟັງ ແລະນຳພາໃຫ້ຜູ້ມາຊອກຫາການ ຮັບຟັງໃນຄວາມຂ້ອງໃຈນັ້ນ ຊຶ່ງຍານາງ ດາຣາໄດ້ກ່າວມ້ວນທ້າຍດັ່ງນີ້ :
ປັດຈຸບັນນີ້ ຍານາງດາຣາ ແລະສາມີທີ່ເປັນ ດອກເຕີຝ່າຍປົວເດັກນ້ອຍ ແລະລູກສາວທີ່ ໜ້າຮັກນຶ່ງຄົນພາກັນດຳລົງຊີວິດຢູ່ໃນລັດ New Jersey ຢ່າງມີ ຄວາມສຸກ.
