ລິ້ງ ສຳຫລັບເຂົ້າຫາ

ສຳພາດ ທ່ານວັນນະສັກ ສີກຸນລະບຸດ ຫົວໜ້າທີມ ຂະແໜງເຄື່ອງຈັກຂົດເຫຼັກແຜ່ນ


ທ່ານວັນນະສັກ ສີກຸນລະບຸດ ຫົວໜ້າທີມ ຂະແໜງເຄື່ອງຈັກ ຂົດເຫຼັກແຜ່ນ ທີ່ບໍລິສັດ Royal Sheet Metal ລັດ Michigan.

ທ່ານ​ຜູ້ຟັງ​ທີ່​ເຄົາລົບ ໃນ​ລາຍການ​ຊີວິດ​ຊາວ​ລາວ ຂອງ​ວີ​ໂອ​ເອ ມື້​ນີ້ ​ເຮົາ​ຈະ​ນຳ​ເອົາ​
ການ​ສຳພາດ​ກັບ ທ່ານວັນນະ​ສັກ ສີກຸ​ນລະ​ບຸດ ຫົວໜ້າ​ທີ​ມ ຂະ​ແໜງ​ເຄື່ອງຈັກຂົດ
​ເຫລັກແຜ່ນ ​ເພື່ອນຳ​ໄປ​ປະກອບເຄື່ອງ​ໃຊ້ ​ແລະ​ກໍ່ສ້າງ​ຕ່າງໆ. ທ່ານ​ວັນນະ​ສັກ ​ໄດ້​ເຂົ້າ
​ມາຕັ້ງ​ຖິ່ນ​ຖານ​ຢູ່​ໃນສະ​ຫະລັດ​ໃນ​ປີ 1985 ​ແລະ​ໄດ້​ປະກອບ​ວິຊາ​ອາຊີບ​ຢູ່​ບໍລິສັດ​ແຫ່ງ​
ນີ້​ມາ​ເປັນ​ເວລາ​ກວ່າ 30 ປີ​ແລ້ວ. ທ່ານ​ວັນນະ​ສັກ ​ໄດ້ແບ່ງປັນ​ປະສົບ​ການໆ​ເຮັດວຽກ​ຢູ່
​ໃນ​ສະຫະລັດ ​ແລະ​ສັງຄົມ​ຊີວິດ​ຢູ່​ໃນ​ເຂດ​ຂອງ​ທ່ານຊຶ່ງ ກິ່ງສະຫວັນ ຈະ​ນຳ​ມາສະ​ເໜີ
ໃນ​ອັນ​ດັບຕໍ່​ໄປ.

ສະບາຍດີ​ທ່ານ​ຜູ້​ຟັງ​ທີ່​ເຄົາລົບມື້​ນີ້ ​ຂ້າພະ​ເຈົ້າ​ຈະ​ນຳ​ເອົາ​ການ​ສຳພາດ​ກັບ ທ່ານ​ ວັນນະ​
ສັກ ສີກຸນລະບຸດ ອາ​ເມຣິກັນ​ເຊື້ອສາຍ​ລາວ ຫົວໜ້າ​ທີ​ມ ຂະ​ແໜງ​ເຄື່ອງຈັກຂົດ​ເຫລັກ
ແຜ່ນ ​ເພື່ອນຳ​ໄປ​ປະກອບ​ເປັນເຄື່ອງ​ໃຊ້ ​ແລະ​ກໍ່ສ້າງ​ຕ່າງໆ. ຢູ່ໃນ​ສະຫະລັດ​ອາ​ເມຣິກາ
ການ​ກໍ່ສ້າງ​ຮ້ານ​ຄ້າ ​ຕຶກ​ສູງໆ​ທີ່​ເຮົາ​ເຫັນ​ຢູ່​ນັ້ນ ​ເຂົາ​ເຈົ້າ​ບໍ່ໃຊ້​ດິນ​ຈີ່ມາ​ກໍ່ ຫລືເທຊິມັງ​ປຸກ
​ສ້າງ ​ແຕ່​ໄດ້​ໃຊ້​ເຫລັກ​ທັງ​ໝົດເປັນໂຄງລ່າງ. ​ສ່ວນ​ໃຫຍ່ເປັນເສົາຫລັກ ​ຂາງ​ເຫລັກ ຮ່າງ
​ເຫລັກ​ທັງໝົດ​ເພື່ອ​ຄວາມ​ແໜ້ນໜາ​ຖາ​ວອນ ​ແລະເພື່ອ​ຄວາມປອດ​ໄພ. ທ່ານ​ວັນນະ​ສັກ ລູກບ້ານ​ຫລານ​ເມືອງ​ປາກ​ເຊ ​ໄດ້​ເຂົ້າ​ມາ​ຕັ້ງ​ຖິ່ນ​ຖານ​ຢູ່ເມືອງ Holland ລັດ Michigan
ຕັ້ງ​ຢູ່​ທາງ​ພາກ​ຕາ​ເວັນ​ອອກສຽງ​ເໜືອ​ຂອງ​ສະຫະລັດ ​ແລະ​ໄດ້​ເລີ່​ມ​ເຮັດ​ວຽກ​ໃຫ້​ບໍລິສັດ
Royal Sheet Metal ​ເມື່ອ​ສາມ​ທົດ​ສະ​ວັດ​ກ່ອນ​. ທ່ານວັນນະ​ສັກ ​ໄດ້​ກ່າວ​ຕໍ່ວີ​ໂອ​ເອ
ກ່ຽວ​ກັບ​ໜ້າ​ທີ່​ວຽກ​ການ​ຂອງຜູ້ກ່ຽວດັ່ງ​ນີ້ :

ຢູ່​ໃນ​ປະຊາ​ຄົມລາວ-ອາ​ເມຣິກັນທົ່ວສະຫະລັດ ບໍ່​ວ່າ​ຈະເປັນ​ປະຊາ​ຄົມ​ນ້ອຍ ຫລື​ໃຫຍ່
ກໍຕາມ ​ເຂົາ​ເຈົ້າຈະ​ບໍ່​ລົດ​ລະ​ໃນການ​ສ້າງ​ຕັ້ງ​ປະຊາ​ຄົມ​ໃຫ້​ເປັນ​ກ້ອນ​ເປັນ​ໜ່ວຍ ​
ເຫລື້ອມ​ໃສ​ຕໍ່​ພຸດທະ​ສາສະໜາ ​ແລະນັບຖື​ສາສະໜາ​ອື່ນໆຢ່າງ​ເສລີ. ວັດວາອາ​ຮາມ ​
ແລະ​ໂບດເປັນ​ສັນຍາ​ລັກຂອງຄວາມ​ເຊື່ອ​ຖື ​ແລະເປັນ​ສູນ​ກາງ​ຂອງສັງຄົມ. ​ທ່ານ​ວັນ
ນະ​ສັກ ​ໄດ້​ກ່າວ​ເຖິງ​ບັນຍາກາດ ການ​ຕັ້ງ​ຖິ່ນ​ຖານ ​ແລະ​ສິ່ງ​ແວດ​ລ້ອມ​ຢູ່​ໃນ​ເຂດເມືອງ
Holland ບ່ອນ​ທີ່​ທ່ານ​ຢູ່ອາໄສສູ່ຟັງ​ດັ່ງ​ນີ້ :

ການ​ສຶກສາ​ເປັນສິ່ງ​ສຳຄັນ​ສຸດ​ໃນ​ຊີວິດ​ຂອງ​ຊາວ​ອາ​ເມຣິກັນ ​ໂດຍ​ສະ​ເພາະ​ພວກເດັກ​
ນັອຍທຸກ​ຄົນຕ້ອງ​ເຂົ້າ​ໂຮງຮຽນ ​ໄດ້​ຮັບ​ການ​ສຶກສາ​ ອັນ​ມີກົດໝາຍ​ບັງຄັບ. ເດັກນ້ອຍ​
ອາ​ເມຣິກັນຈະ​ພາກັນ​ເລີ້ມ​ເຂົ້າ​ໂຮ​ງຮຽນອະນຸບານເມື່ອອາຍຸໄດ້​ສາ​ມສີ່​ປີ ​ແລະ​ເຂົ້າໂຮງ
ຮຽນ​ປະ​ຖົມເວລາ​ອາ​ຍຸໄດ້ 5 ປີ ​ຫລັງ​ຈາກ​ນັ້ນເຂົາ​ເຈົ້າກໍຈະ​ຮຽນ​ຂຶ້ນ​ໄປເປັນ​ລຳດັບຈົນ​ຈົບມັດທະຍົມ ​ເວລາພວກເຂົາ​ເຈົ້າ​ມີ​ອາຍຸໄດ້ 1718 ປີ. ການ​ສຶກສາ​ຢູ່​ໂຮງຮຽນ​ຫຼວງ​ບໍ່​
ໄດ້​ເສຍ​ຄ່າ ​ເພາະສະ​ນັ້ນພວກ​ເດັກນ້ອຍ​ອາ​ເມຣິກັນ ​ຈຶ່ງມີ​ພື້ນຖານການ​ສຶກສາ​ດີພໍສົມ
ຄວນ ທີ່​ຈະ​ພາກັນ​ປະກອບ​ວິຊາອາຊີບຕ່າງໆ.ການ​ສຶກສາ​ຂັ້ນ​ມະຫາວິທະຍາ​ໄລ ຈະ
​ຕ້ອງ​ໄດ້ໃຊ້​ເງິນ​ຕົນ​ເອງ ຊຶ່ງທ່ານ​ວັນນະ​ສັກ ​ໄດ້​ໃຫ້​ຂໍ້​ຄິດ​ເຫັນ​ກ່ຽວກັບລູກ​ເຕົ້າ​ຂອງ​ທ່ານ
ກ່ຽວ​ກັບ​ການ​ສຶກສາ​ດັ່ງ​ນີ້:

ທ່ານ​ວັນນະ​ສັກ ສີກຸນລະບຸດ ​ເກີດ​ທີ່ແຂວງ​ຈຳປາ​ສັກ ປະ​ເທ​ດລາວ ​ໄດ້​ເຂົ້າມາ​ຕັ້ງ​
ຖິ່ນ​ຖານ ​ຢູ່​ໃນ​ສະຫະລັດ​ໃນ​ປີ 1985 ​ແລະ​ໄ​ດ້ປະກອບວິຊາ​ອາຊີບ​ກ່ຽວ​ກັບຂະ​ແໜງ​ເຄື່ອງຈັກຂົດ​ເຫລັກແຜ່ນ ມາ​ເປັນ​ເວລາ 30 ກວ່າ​ປີ​ແລ້ວ ​ແລະ​ຄາດ​ວ່າ​ ຈະ​ອອກ​ກິນ
​ເບ້ຍ​ບໍານານ​ໃນ​ອານາ​ຄົດ​ອັນ​ໃກ້ໆ​ນີ້. ທ່ານ​ວັນນະ​ສັກ​ ​ເປັນ​ໂຕ​ຢ່າງ​ພົນລະ​ເມື​ອງດີ​ຂອງສະຫະລັດ​ຄົນ​ນຶ່ງ ທີ່​ໄດ້​ປະກອບ​ສ່ວນສ້າງ​ເສດຖະກິດ​ສະຫະລັດ​ອາ​ເມຣິກາ​ໃຫ້​
ຈະ​ເລີ​ນຮຸ່ງ​ເຮືອງ. ທ່ານ​ໄດ້​ກ່າວ​ມ້ວນທ້າຍ​ກ່ຽວກັບ​ ຊີວິດ​ຂັ້ນ​ຕົ້ນຂອງ​ທ່ານດັ່ງ​ນີ້:

ວີ​ໂອ​ເອ ຂໍ​ສະ​ແດງ​ຄວາມ​ຂອບ​ໃຈ​ຕໍ່​ທ່ານ ວັນນະ​ສັກ ສີກຸນລະບຸດ ທີ່​ໄດ້​ແບ່ງປັນ​ປະ
ສົບ​ການກ່ຽວກັບຊີວິດ​ຂອງ​ທ່ານ.

ຄວາມເຫັນຂອງທ່ານ

ສະແດງຄວາມເຫັນໃຫ້ເບິ່ງ

XS
SM
MD
LG