ລິ້ງ ສຳຫລັບເຂົ້າຫາ

logo-print

ສຳພາດ ທ່ານ ຕູ ດົວ ກື ຜູ້ບໍລິຫານ ສູນກາງຜູ້ສູງອາຍຸ ທີ່ ນະຄອນ Minneapolis ລັດ Minnesota


ທ່ານ Tue Dua Keu ພ້ອມດ້ວຍພັນລະຍາ

ທ່ານ​ຜູ້​ຟັງ​ທີ່​ເຄົາລົບ ​ໃນລາຍການ​ຊີວິດ​ຊາວ​ລາວ​ມື້​ນີ້ ​ເຮົາ​ຈະ​
ນຳ​ສະ​ເໜີ​ດ້ວຍ​ການ​ສຳພາດ ທ່ານ​ຕູ ດົວ ກື ​ເຈົ້າ​ຂອງ ສູນບໍລິ
ການ​ຜູ້ສູງອາຍຸ ຢູ່​ທີ່​ນະຄອນ Minneapolis ລັດ Minnesota
ທາງ​ພາກ​ກາງ​ເໜືອ​ສຸດ​ຂອງ ສະຫະລັດ. ສູນ​ບໍລິການ​ຜູ້​ສູງ​ອາຍຸ
ແຫ່ງ​ນີ້ແມ່ນ​ບ່ອນເຕົ້າ​ໂຮມນຳ​ພາ​ບັນດາ​ຜູ້​ອາວຸ​ໂສ ປະ​ກອບກິດ​
ຈະ​ກຳຕ່າງໆ​ຊຶ່​ງ ກິ່ງ​ສະຫວັນ ຈະ​ນຳ​ເອົາລາຍ​ລະອຽດ​ມາສະ​ເໜີ
​ທ່ານໃນ​ອັນ​ດັບ​ຕໍ່​ໄປ.

ສະບາຍ​ດີ ທ່ານ​ຜູ້​ຟັງ​ທີ່​ເຄົາລົບ ມື້​ນີ້ ຂ້າພະ​ເຈົ້າ ຈະຂໍ​ແນະນຳ​ໃຫ້​ທ່ານ​ພົບກັບ ທ່ານ Tue
Doua Kue ​ເຊື້ອສາຍ​ລາວ-​ມົ້ງ-ອາ​ເມຣິກັນ ​ເຈົ້າຂອງ ແລະຜູ້​ບໍລິຫານ​ທຸລະ​ກິດ ສູນ​ກາງ
ດູ​ແລ​ເບິ່ງ​ແຍງ​ຜູ້​ສູງ​ອາຍຸ ທີ່ນະຄອນ Minneapolis ລັດ Minnesota. ສູນ​ກາງແຫ່ງນີ້
​ບໍ​ລິ​ການ​ກິດຈະກຳ​ຕ່າງໆ​ໃນແຕ່​ລະ​ວັນເຊັ່ນ​ຝຶກ​ຫັດດ້ານສະໝອງ​ໃຫ້​ມີ​ຄວາມຈື່​ຈຳ ຊ່ວຍ
ຈິດ​ໃຈ​ໃຫ້​ປອດ​ໂປ່ງ ຫັດ​ກາຍ​ຍະ​ບໍ​ລິ​ຫານ​ໃຫ້​ແຂງ​ແຮງ​ ຟັງ​ຂ່າວ ເບິ່ງ​ໂທລະພາບ ​ແລະ​
ຮັບ​ປະທານ​ອາຫານ​ເບົາ​ຮ່ວມກັນ​.

ຢູ່​ໃນ​ບັນດາ​ປະ​ເທດອຸດສາຫະກຳ ​ເຂົາ​ເຈົ້າ​ມີ​ການ​ຈັດ​ຕັ້ງ​ລະບົບຮັກສາ​ສຸຂະ​ພາບ ແລະ
​ເບິ່ງ​ແຍງບັນດາ​ຜູ້​ສູງ​ອາຍຸ ຊຶ່ງ​ການ​ບໍ​ລິ​ການ​ດັ່ງ​ກ່າວ​ນີ້ ຂຶ້ນ​ຢູ່​ກັບ​ຄວາມ​ສາ​ມາດ​ທາງດ້ານ
​ການ​ເງິນ ແລະ​ປະ​ກັນ​ໄພສຸ​ຂະ​ພາບຂອງ​ແຕ່ລະຄົນ. ​ບັດ​ນີ້​ເຮົາ​ມາ​ຮຽນ​ຮູ້​ເຖິງ ຊີວິດການ
​ເປັນ​ຢູ່​ຂອງ​ສັງ​ຄົມອາ​ເມຣິກັນ​ໂດຍ​ທົ່ວໄປ​ວ່າ ​ເຂົາ​ເຈົ້າ​ພາ​ກັນດູ​ແລ​ບົວລະບັດ ບັນດາຜູ້
ສູງ​ອາຍຸ​ແບບໃດ. ຫລັງ​ຈາກ ທີ່ໄດ້​ເຮັດ​ວຽການ​ ລ້ຽງ​ລູກ​ເຕົ້າລູກ​ເຕົ້າໃຫ້ໃຫຍ່ ສຳ​ເລັດ​ການ
​ສຶກສາ ​ເປັນ​ຄອບ​ຄົວ ຈົນ​ອອກ​ກິນເບ້ຍ​ບຳ​ນານ. ບັດ​ນີ້ບັນ​ດາ​ພໍ່ແມ່ໄດ້ເຖົ້າ​ແກ່​ຊະຣາ​ລົງ
ຫລາຍໆ​ຄົນຕ້ອງໄດ້ຍົກຍ້າຍ​ໄປ​ຢູ່​ບ່ອນ​ພັກ​ພາ​ອາ​ໄສຂອງ​ຜູ້ເຖົ້າ ທີ່ມີ​ຢູ່​ຫລາຍ​ລະ​ດັບ
ແລະຢູ່​ໃນກໍ​ລະ​ນີ​ຕ່າງໆເຊັນ​ວ່າ ຢູ່​ເຮືອນຮ່ວມກັ​ນ ຍິງ​ແລະ​ຊາຍ​ ມີ​ຫ້ອງ​ສ່ວນ​ຕົວຂອງ​ໃ​ຜ
ລາວ​ ​ຊຶ່ງ​ເປັນ​ຜູ້​ທີ່​ຍັງສາມາດ​ຊ່ວຍ​ເຫຼືອ​ຕົນ​ເອງ​ເຄຶ່ອນ​ໄຫວ​ໄປມາໄດ້ ທີ່ມີ​ກິດຈະການ
ຕ່າງໆໃຫ້​ເຮັດ. ສ່ວນ​ບັນ​ດາຜູ້​ມີ​ບັນຫາ​ດ້ານ​ສຸຂະ​ພາບ ບໍ່​ສາ​ມາດ​ຊ່ວຍ​ຕົນ​ເອງ​ໄດ້ນັ້ນ
ຕ້ອງ​ໄດ້ນຳ​ໄປ​ໄວ້​ເຮືອນ​ທີ່ຮ້ອງ​ວ່າ Nursing Home ​ຊຶ່ງ​ເປັນ​ບ່ອນມີນາຍ​ແພດ ແລະ
ພະ​ຍາ​ບານເບິ່ງ​ແຍງ​ຢູ່​ເປັນ​ປະ​ຈຳ.

​ຊາວ​ອາ​ເມຣິກັນ ຜູ້ສູງ​ອາ​ຍຸ​ທີ່ຮັ່ງມີ​ຈະ​ພະຍາຍາມໃຊ້​ຊີ​ວິດ​ຢູ່​ເຮືອນ​ຂອງ​ຕົນ​ເອງ ໂດຍ​ຈ້າງ
ນາງ​ພະ​ຍາ​ບານ ແລະຄົນ​ມາບົວລະ​ບັດ ທີ່​ມີການ​ໃຊ້​ຈ່າຍ​ແພງ ​ແລະ​ຫລີກ​ລ່ຽງ​ບໍ່​ໃຫ້​ຫຍຸ້ງ​
ຍາກແກ່​ພວກລູກ​ເຕົ້າ. ນອກ​ຈາກ​ນັ້ນ​ແລ້ວ ປະ​ເພ​ນີອາ​ເມ​ຣິ​ກັນ ພໍ່​ແມ່​ຜູ້​ສູງ​ອາ​ຍຸ​ ເຂົາ​ເຈົ້າ
​ຈະ​ບໍ່​ໃຊ້​ຊີ​ວິດ​ບັ້ນ​ທ້າຍ​ຢູ່​ກັບ​ຄອບ​ຄົວ​ຂອງ​ລູກ​ເຕົ້າ.

ບັດ​ນີ້​ເຮົາມາ​ສັງ​ເກດ​ເບິ່ງ​ ຮີດຄອງປະ​ເພນີການ​ເປັນ​ຢູ່​ຂອງຜູ້​ສູງ​ອາຍຸ​ເຊື້ອສາຍ​ລາວ ​ແລະ​
ເອ​ເຊຍ​ອຶ່ນໆວ່າ ​ເຂົາ​ເຈົ້າພາ​ກັນ​ດູ​ແລ​ເບິ່ງ​ແຍງ ບັນ​ດາ​ພໍ່​ແມ່ຢ່າງໃດຢູ່​ໃນ ສະ​ຫະ​ລັດ ບັນ
ດາ​ພໍ່​ແມ່​ຜູ້​ສູງ​ອາຍຸຫລາຍໆ​ຄົນຍັງ​ສືບ​ຕໍ່​ຢູ່​ຮວມ​ເຮືອນດຽວ​ກັນ​ກັບພວກ​ລູກ​ເຕົ້າທີ່​ມີ​ຄອບ
ຄົວ ​ອັນ​ຍັງເປັນ​ຮີດ​ຄອງ​ປະ​ເພ​ນີ ສືບ​ຕໍ່​ຂອງ​ຊາວເອ​ເຊຍ​ ທີ່​ໄດ້​ປະ​ຕິ​ບັດ​ກັນ​ມາ ​ແລະການ​
ທີ່ຈະ​ສົ່ງ​ບັນ​ດາ​ພໍ່ແມ່​ໄປ​ຢູ່ເຮືອນຜູ້ສູງ​ອາ​ຍຸ​ນັ້ນ ສ່ວນ​ຫ​ລາຍຍັງ​ເປັນ​ທີ່​ຮັບ​ເອົາ​ບໍ່​ທັນ​ໄດ້
​ເທຶ່ອ. ເພາະສະ​ນັ້ນ ບໍ່ແປກ​ປະ​ຫລາດທີ່​ເຮົາ​ຈະສັງ​ເກດ​ເຫັນ ຫລາຍໆ​ຄອບຄົວໃນ ສະ​ຫະ
​ລັດ ຍັງພາ​ກັນ​ໃຊ້​ຊີວິດຢູ່ເຮືອນ​ຫລັງ​ດຽວ​ກັນ​ເຖິງສາມ​ຊົ່ວ​ຄົນ. ​

ເພື່ອປະ​ສານ​ງານ ຊົດ​ຊ່ວຍບັນ​ດາ​ຄອບ​ຄົວລູກ​ເຕົ້າ ໃນ​ຂະ​ນະ​ທີ່​ເຂົາ​ເຈົ້າ​ເຮັດ​ວຽກ​ທຳ​ມາ
​ຫາ​ກິນ​ປະ​ຈຳ​ວັນ​ຢູ່​ນັ້ນ ທ່ານ Tue Doua Kue ຈຶ່ງໄດ້​ຕັ້ງ​ສູນ​ກາງ​ບໍ​ລິ​ການ​ຜູ້​ສູງ​ອາ​ຍຸ ໂດຍ
ນຳ​ພາ​ເຂົາ​ເຈົ້າ​ອອກຈາກ​ບ້ານ​ເຮືອນ ມາ​ເຕົ້າ​ໂຮມ​ຊຸມ​ນຸມ ເຮັດ​ກິດ​ຈະ​ການ​ຕ່າງໆຮ່ວມກັນ.

ທ່ານ Tue ໄດ້ເລົ່າເຖິງຊີວິດເບື້ອງຕົນຊອງທ່ານ ກ່ອນຈະໄດ້ເດີນທາງເຂົ້າມາ ສະຫະລັດ ສູ່ຟັງດັ່ງນີ້ :

ລິງໂດຍກົງ

ທ່ານ Yue Doua Kue ໄດ້ອະທິບາຍເຖິງລາຍລະອຽດ ກ່ຽວກັບກິດຈະກຳຂອງ ສູນກາງ
ຕໍ່ໄປອີກວ່າ

ລິງໂດຍກົງ

ຈຸດປະສົງຂອງສູນກາງຜູ້ສູງອາຍຸ ກຳຄືນຳພາບັຍດາຜູ້ອາວຸໂສເຫຼົ່ານີ້ ອອກຈາກບ້ານ
ເຮືອນໃຫ້ມີແນວເຮັດ ແລະພົບພໍ້ກັບໝູ່ເພື່ອນ ໃນຂະນະທີ່ບັນດາລູກເຕົ້າໄປເຮັດວຽກ
ເຮັດການ. ເຖິງຢ່າງໃດກໍດີ ໃນລະດູໜາວຢູ່ທີ່ລັດ Minnesota ມີຫິມະຕົກໜັກ ທັງອາ ກາດກໍໜາວຈັດ ທ່ານ Tue ໄດ້ອະທິບາຍເຖິງ ສະພາບການຂອງການບໍລິຫານ ສູ່ຟັງ
ດັ່ງນີ້.

ລິງໂດຍກົງ

ທ່ານ Tue Doua Kue ໄດ້ກ່າວສະຫລຸບ ອະທິບາຍເຖິງລະອຽບກ່ຽວກັບ ກົດລະບຽບ ຂອງ ລັດ ແລະ ລັດຖະບານກາງ ປະກັນສຸຂະພາບ ແລະການບໍລິຫານທຸລະກິດທັງ
ໝົດດັ່ງນີ້ :

ລິງໂດຍກົງ

ທ່ານ Tue Doua Kue ໄດປະກອບອາຊີບ ຮັບໃຊ້ສັງຄົມ ໂດຍການບໍລິການສູນກາງ
ຜູ້ສູງອາຍຸມາໄດ້ 10 ກວ່າປີແລ້ວ ແລະຍັງຈະດຳເນີນຢູ່ອີກຕໍ່ໄປ.

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ
XS
SM
MD
LG