ລິ້ງ ສຳຫລັບເຂົ້າຫາ

ສຳພາດ ທ່ານ ຕູ ດົວ ກື ຜູ້ບໍລິຫານ ສູນກາງຜູ້ສູງອາຍຸ ທີ່ ນະຄອນ Minneapolis ລັດ Minnesota


ທ່ານ Tue Dua Keu ພ້ອມດ້ວຍພັນລະຍາ

ທ່ານ​ຜູ້​ຟັງ​ທີ່​ເຄົາລົບ ​ໃນລາຍການ​ຊີວິດ​ຊາວ​ລາວ​ມື້​ນີ້ ​ເຮົາ​ຈະ​
ນຳ​ສະ​ເໜີ​ດ້ວຍ​ການ​ສຳພາດ ທ່ານ​ຕູ ດົວ ກື ​ເຈົ້າ​ຂອງ ສູນບໍລິ
ການ​ຜູ້ສູງອາຍຸ ຢູ່​ທີ່​ນະຄອນ Minneapolis ລັດ Minnesota
ທາງ​ພາກ​ກາງ​ເໜືອ​ສຸດ​ຂອງ ສະຫະລັດ. ສູນ​ບໍລິການ​ຜູ້​ສູງ​ອາຍຸ
ແຫ່ງ​ນີ້ແມ່ນ​ບ່ອນເຕົ້າ​ໂຮມນຳ​ພາ​ບັນດາ​ຜູ້​ອາວຸ​ໂສ ປະ​ກອບກິດ​
ຈະ​ກຳຕ່າງໆ​ຊຶ່​ງ ກິ່ງ​ສະຫວັນ ຈະ​ນຳ​ເອົາລາຍ​ລະອຽດ​ມາສະ​ເໜີ
​ທ່ານໃນ​ອັນ​ດັບ​ຕໍ່​ໄປ.

ລິງໂດຍກົງ

ສະບາຍ​ດີ ທ່ານ​ຜູ້​ຟັງ​ທີ່​ເຄົາລົບ ມື້​ນີ້ ຂ້າພະ​ເຈົ້າ ຈະຂໍ​ແນະນຳ​ໃຫ້​ທ່ານ​ພົບກັບ ທ່ານ Tue
Doua Kue ​ເຊື້ອສາຍ​ລາວ-​ມົ້ງ-ອາ​ເມຣິກັນ ​ເຈົ້າຂອງ ແລະຜູ້​ບໍລິຫານ​ທຸລະ​ກິດ ສູນ​ກາງ
ດູ​ແລ​ເບິ່ງ​ແຍງ​ຜູ້​ສູງ​ອາຍຸ ທີ່ນະຄອນ Minneapolis ລັດ Minnesota. ສູນ​ກາງແຫ່ງນີ້
​ບໍ​ລິ​ການ​ກິດຈະກຳ​ຕ່າງໆ​ໃນແຕ່​ລະ​ວັນເຊັ່ນ​ຝຶກ​ຫັດດ້ານສະໝອງ​ໃຫ້​ມີ​ຄວາມຈື່​ຈຳ ຊ່ວຍ
ຈິດ​ໃຈ​ໃຫ້​ປອດ​ໂປ່ງ ຫັດ​ກາຍ​ຍະ​ບໍ​ລິ​ຫານ​ໃຫ້​ແຂງ​ແຮງ​ ຟັງ​ຂ່າວ ເບິ່ງ​ໂທລະພາບ ​ແລະ​
ຮັບ​ປະທານ​ອາຫານ​ເບົາ​ຮ່ວມກັນ​.

ຢູ່​ໃນ​ບັນດາ​ປະ​ເທດອຸດສາຫະກຳ ​ເຂົາ​ເຈົ້າ​ມີ​ການ​ຈັດ​ຕັ້ງ​ລະບົບຮັກສາ​ສຸຂະ​ພາບ ແລະ
​ເບິ່ງ​ແຍງບັນດາ​ຜູ້​ສູງ​ອາຍຸ ຊຶ່ງ​ການ​ບໍ​ລິ​ການ​ດັ່ງ​ກ່າວ​ນີ້ ຂຶ້ນ​ຢູ່​ກັບ​ຄວາມ​ສາ​ມາດ​ທາງດ້ານ
​ການ​ເງິນ ແລະ​ປະ​ກັນ​ໄພສຸ​ຂະ​ພາບຂອງ​ແຕ່ລະຄົນ. ​ບັດ​ນີ້​ເຮົາ​ມາ​ຮຽນ​ຮູ້​ເຖິງ ຊີວິດການ
​ເປັນ​ຢູ່​ຂອງ​ສັງ​ຄົມອາ​ເມຣິກັນ​ໂດຍ​ທົ່ວໄປ​ວ່າ ​ເຂົາ​ເຈົ້າ​ພາ​ກັນດູ​ແລ​ບົວລະບັດ ບັນດາຜູ້
ສູງ​ອາຍຸ​ແບບໃດ. ຫລັງ​ຈາກ ທີ່ໄດ້​ເຮັດ​ວຽການ​ ລ້ຽງ​ລູກ​ເຕົ້າລູກ​ເຕົ້າໃຫ້ໃຫຍ່ ສຳ​ເລັດ​ການ
​ສຶກສາ ​ເປັນ​ຄອບ​ຄົວ ຈົນ​ອອກ​ກິນເບ້ຍ​ບຳ​ນານ. ບັດ​ນີ້ບັນ​ດາ​ພໍ່ແມ່ໄດ້ເຖົ້າ​ແກ່​ຊະຣາ​ລົງ
ຫລາຍໆ​ຄົນຕ້ອງໄດ້ຍົກຍ້າຍ​ໄປ​ຢູ່​ບ່ອນ​ພັກ​ພາ​ອາ​ໄສຂອງ​ຜູ້ເຖົ້າ ທີ່ມີ​ຢູ່​ຫລາຍ​ລະ​ດັບ
ແລະຢູ່​ໃນກໍ​ລະ​ນີ​ຕ່າງໆເຊັນ​ວ່າ ຢູ່​ເຮືອນຮ່ວມກັ​ນ ຍິງ​ແລະ​ຊາຍ​ ມີ​ຫ້ອງ​ສ່ວນ​ຕົວຂອງ​ໃ​ຜ
ລາວ​ ​ຊຶ່ງ​ເປັນ​ຜູ້​ທີ່​ຍັງສາມາດ​ຊ່ວຍ​ເຫຼືອ​ຕົນ​ເອງ​ເຄຶ່ອນ​ໄຫວ​ໄປມາໄດ້ ທີ່ມີ​ກິດຈະການ
ຕ່າງໆໃຫ້​ເຮັດ. ສ່ວນ​ບັນ​ດາຜູ້​ມີ​ບັນຫາ​ດ້ານ​ສຸຂະ​ພາບ ບໍ່​ສາ​ມາດ​ຊ່ວຍ​ຕົນ​ເອງ​ໄດ້ນັ້ນ
ຕ້ອງ​ໄດ້ນຳ​ໄປ​ໄວ້​ເຮືອນ​ທີ່ຮ້ອງ​ວ່າ Nursing Home ​ຊຶ່ງ​ເປັນ​ບ່ອນມີນາຍ​ແພດ ແລະ
ພະ​ຍາ​ບານເບິ່ງ​ແຍງ​ຢູ່​ເປັນ​ປະ​ຈຳ.

​ຊາວ​ອາ​ເມຣິກັນ ຜູ້ສູງ​ອາ​ຍຸ​ທີ່ຮັ່ງມີ​ຈະ​ພະຍາຍາມໃຊ້​ຊີ​ວິດ​ຢູ່​ເຮືອນ​ຂອງ​ຕົນ​ເອງ ໂດຍ​ຈ້າງ
ນາງ​ພະ​ຍາ​ບານ ແລະຄົນ​ມາບົວລະ​ບັດ ທີ່​ມີການ​ໃຊ້​ຈ່າຍ​ແພງ ​ແລະ​ຫລີກ​ລ່ຽງ​ບໍ່​ໃຫ້​ຫຍຸ້ງ​
ຍາກແກ່​ພວກລູກ​ເຕົ້າ. ນອກ​ຈາກ​ນັ້ນ​ແລ້ວ ປະ​ເພ​ນີອາ​ເມ​ຣິ​ກັນ ພໍ່​ແມ່​ຜູ້​ສູງ​ອາ​ຍຸ​ ເຂົາ​ເຈົ້າ
​ຈະ​ບໍ່​ໃຊ້​ຊີ​ວິດ​ບັ້ນ​ທ້າຍ​ຢູ່​ກັບ​ຄອບ​ຄົວ​ຂອງ​ລູກ​ເຕົ້າ.

ບັດ​ນີ້​ເຮົາມາ​ສັງ​ເກດ​ເບິ່ງ​ ຮີດຄອງປະ​ເພນີການ​ເປັນ​ຢູ່​ຂອງຜູ້​ສູງ​ອາຍຸ​ເຊື້ອສາຍ​ລາວ ​ແລະ​
ເອ​ເຊຍ​ອຶ່ນໆວ່າ ​ເຂົາ​ເຈົ້າພາ​ກັນ​ດູ​ແລ​ເບິ່ງ​ແຍງ ບັນ​ດາ​ພໍ່​ແມ່ຢ່າງໃດຢູ່​ໃນ ສະ​ຫະ​ລັດ ບັນ
ດາ​ພໍ່​ແມ່​ຜູ້​ສູງ​ອາຍຸຫລາຍໆ​ຄົນຍັງ​ສືບ​ຕໍ່​ຢູ່​ຮວມ​ເຮືອນດຽວ​ກັນ​ກັບພວກ​ລູກ​ເຕົ້າທີ່​ມີ​ຄອບ
ຄົວ ​ອັນ​ຍັງເປັນ​ຮີດ​ຄອງ​ປະ​ເພ​ນີ ສືບ​ຕໍ່​ຂອງ​ຊາວເອ​ເຊຍ​ ທີ່​ໄດ້​ປະ​ຕິ​ບັດ​ກັນ​ມາ ​ແລະການ​
ທີ່ຈະ​ສົ່ງ​ບັນ​ດາ​ພໍ່ແມ່​ໄປ​ຢູ່ເຮືອນຜູ້ສູງ​ອາ​ຍຸ​ນັ້ນ ສ່ວນ​ຫ​ລາຍຍັງ​ເປັນ​ທີ່​ຮັບ​ເອົາ​ບໍ່​ທັນ​ໄດ້
​ເທຶ່ອ. ເພາະສະ​ນັ້ນ ບໍ່ແປກ​ປະ​ຫລາດທີ່​ເຮົາ​ຈະສັງ​ເກດ​ເຫັນ ຫລາຍໆ​ຄອບຄົວໃນ ສະ​ຫະ
​ລັດ ຍັງພາ​ກັນ​ໃຊ້​ຊີວິດຢູ່ເຮືອນ​ຫລັງ​ດຽວ​ກັນ​ເຖິງສາມ​ຊົ່ວ​ຄົນ. ​

ເພື່ອປະ​ສານ​ງານ ຊົດ​ຊ່ວຍບັນ​ດາ​ຄອບ​ຄົວລູກ​ເຕົ້າ ໃນ​ຂະ​ນະ​ທີ່​ເຂົາ​ເຈົ້າ​ເຮັດ​ວຽກ​ທຳ​ມາ
​ຫາ​ກິນ​ປະ​ຈຳ​ວັນ​ຢູ່​ນັ້ນ ທ່ານ Tue Doua Kue ຈຶ່ງໄດ້​ຕັ້ງ​ສູນ​ກາງ​ບໍ​ລິ​ການ​ຜູ້​ສູງ​ອາ​ຍຸ ໂດຍ
ນຳ​ພາ​ເຂົາ​ເຈົ້າ​ອອກຈາກ​ບ້ານ​ເຮືອນ ມາ​ເຕົ້າ​ໂຮມ​ຊຸມ​ນຸມ ເຮັດ​ກິດ​ຈະ​ການ​ຕ່າງໆຮ່ວມກັນ.

ທ່ານ Tue ໄດ້ເລົ່າເຖິງຊີວິດເບື້ອງຕົນຊອງທ່ານ ກ່ອນຈະໄດ້ເດີນທາງເຂົ້າມາ ສະຫະລັດ ສູ່ຟັງດັ່ງນີ້ :

please wait

No media source currently available

0:00 0:01:04 0:00
ລິງໂດຍກົງ

ທ່ານ Yue Doua Kue ໄດ້ອະທິບາຍເຖິງລາຍລະອຽດ ກ່ຽວກັບກິດຈະກຳຂອງ ສູນກາງ
ຕໍ່ໄປອີກວ່າ

please wait

No media source currently available

0:00 0:01:08 0:00
ລິງໂດຍກົງ

ຈຸດປະສົງຂອງສູນກາງຜູ້ສູງອາຍຸ ກຳຄືນຳພາບັຍດາຜູ້ອາວຸໂສເຫຼົ່ານີ້ ອອກຈາກບ້ານ
ເຮືອນໃຫ້ມີແນວເຮັດ ແລະພົບພໍ້ກັບໝູ່ເພື່ອນ ໃນຂະນະທີ່ບັນດາລູກເຕົ້າໄປເຮັດວຽກ
ເຮັດການ. ເຖິງຢ່າງໃດກໍດີ ໃນລະດູໜາວຢູ່ທີ່ລັດ Minnesota ມີຫິມະຕົກໜັກ ທັງອາ ກາດກໍໜາວຈັດ ທ່ານ Tue ໄດ້ອະທິບາຍເຖິງ ສະພາບການຂອງການບໍລິຫານ ສູ່ຟັງ
ດັ່ງນີ້.

please wait

No media source currently available

0:00 0:00:30 0:00
ລິງໂດຍກົງ

ທ່ານ Tue Doua Kue ໄດ້ກ່າວສະຫລຸບ ອະທິບາຍເຖິງລະອຽບກ່ຽວກັບ ກົດລະບຽບ ຂອງ ລັດ ແລະ ລັດຖະບານກາງ ປະກັນສຸຂະພາບ ແລະການບໍລິຫານທຸລະກິດທັງ
ໝົດດັ່ງນີ້ :

please wait

No media source currently available

0:00 0:04:28 0:00
ລິງໂດຍກົງ

ທ່ານ Tue Doua Kue ໄດປະກອບອາຊີບ ຮັບໃຊ້ສັງຄົມ ໂດຍການບໍລິການສູນກາງ
ຜູ້ສູງອາຍຸມາໄດ້ 10 ກວ່າປີແລ້ວ ແລະຍັງຈະດຳເນີນຢູ່ອີກຕໍ່ໄປ.

XS
SM
MD
LG