ທ່ານຜູ້ຟັງທີ່ເຄົາລົບ ໃນລາຍການຊີວິດຊາວລາວຂອງວີໂອເອ ປະຈຳວັນພະຫັດມື້ນີ້
ເຮົາຈະນຳພາທ່ານໄປຟັງການສຳພາດກັບ ທ່ານເພັດຖະໜອມ ຮຸ່ງມະນີ ນັກສ້ອມແປງ
ອາຍເຢັນ ຕູ້ເຢັນ ລະບົບຄວາມຮ້ອນ ແລະເຄື່ອງໃຊ້ໃນບ້ານເຮືອນຕ່າງໆ. ວິຊາອາຊີບ
ດັ່ງກ່າວນີ້ເປັນວຽກໜັກ ເປື້ອນມື ແລະໃຊ້ພິກໄຫວແກ້ໄຂບັນຫາເຄື່ອງຈັກ. ທ່ານເພັດ
ຖະໜອມ ສາມາດສ້າງລາຍໄດ້ດີເປັນພິເສດໃນແຕ່ລະປີ. ສ່ວນວ່າຄວາມເປັນມາຂອງ
ທ່ານເພັດຖະໜອມ ເປັນມາຢ່າງໃດນັ້ນ ກິ່ງສະຫວັນ ຈະນຳມາສະເໜີທ່ານໃນ
ອັນດັບຕໍ່ໄປ.
ສະບາຍດີທ່ານຜູ້ຟັງທີ່ເຄົາລົບ ໃນລາຍການຊີວິດຊາວລາວຂອງ ວີໂອເອ ມື້ນີ້ ຂ້າພະ
ເຈົ້າຂໍແນະນຳໃຫ້ທ່ານຮູ້ຈັກກັບ ທ່ານເພັດຖະໜອມ ຮຸ່ງມະນີ ອາເມຣິກັນເຊື້ອສາຍ
ລາວ ທີ່ມາເຕີບໃຫຍ່ ແລະໄດ້ຮັບການສຶກສາຢູ່ໃນສະຫະລັດ. ທ່ານເພັດຖະໜອມ ເປັນ
ຜູ້ມີພອນສະຫວັນ ດ້ານສ້ອມແປງເຄື່ອງຈັກມາແຕ່ນ້ອຍໆ ແລະໄດ້ຮັບການອົບຮົມ ໂດຍ
ສະເພາະສ້ອມແປງລະບົບອາຍເຢັນ ແລະຕູ້ເຢັນຈາກສະຖາບັນ Pensylvania
College of Technology. ກ່ອນທີ່ທ່ານເພັດຖະໜອມ ຈະໄດ້ກາຍມາເປັນເຈົ້າຂອງ
ບໍລິສັດນ້ອຍໆຂອງຕົນເອງ ຢ່າງເປັນຜົນສຳເລັດນັ້ນ ທ່ານໄດ້ຜ່ານການເຮັດວຽກຢູ່
ຫລາຍໆບ່ອນ. ປັດຈຸບັນນີ້ ທ່ານເປັນເຈົ້າຂອງ ບໍລິສັດ knhmechanical ມີພະນັກງານ
ຫ້າຄົນ ຊຶ່ງລະດູຮ້ອນເປັນເວລາທີ່ຕ້ອງໄດ້ເຮັດວຽກໜັກ ເພາະລະບົບອາຍເຢັນຢູ່່ຕາມ
ຮ້ານອາຫານມັກເພ. ທ່ານເພັດຖະໜອມ ໄດ້ກ່າວເຖິງຊີວິດຄວາມເປັນມາສູ່ຟັງດັ່ງນີ້:
ທ່ານເພັດຖະໜອມ ໄດ້ເລີ້ມເຮັດວຽກຢູ່ເຮືອນເບິ່ງແຍງຄົນເຖົ້າ ຫລື Nursing Home ກຳກັບລະບົບອາຍເຢັນ ແລະໄດ້ຖືກສົ່ງໄປອົບຮົມວຽກການເພີ້ມເຕີມ ຊຶ່ງທ່ານໄດ້ກ່າວດັ່ງນີ້.
ການເຮັດວຽກຢູ່ໃນສະຫະລັດ ເຂົາເຈົ້າມີອິດສະລະພາບໃນການປ່ຽນຍ້າຍໜ້າທີ່ ແລະ
ຊອກຫາບ່ອນເຮັດວຽກທີ່ເຫັນວ່າໄດ້ເງິນຫລາຍກວ່າຢ່າງສະບາຍ ເພື່ອຮຽນຮູ້ ແລະ
ຊອກຫາປະສົບການ. ເພາະສະນັ້ນ ຫຼັງຈາກວຽກງານຢູ່ nursing home ແລ້ວ ທ່ານ
ເພັດສະໝອນ ຈຶ່ງໄດ້ມາເຮັດວຽກກ່ຽວກັບລະບົບເຄື່ອງຈັກກວດສຸຂະພາບ ທີ່ບໍ່ກ່ຽວ
ຂ້ອງກັບອາຍເຢັນ ແຕ່ຍັງພົວພັນກັບດ້ານເທັກນິກນັ້ນຢູ່. ທ່ານໄດ້ຮັບເງິນເດືອນຫລາຍ
ຂຶ້ນເຖິງ 70 ກວ່າພັນຕໍ່ປີ ແລະມີຄວາມຮັບຜິດ ຊອບສູງ ທີ່ຕ້ອງໄດ້ຄໍ້າປະກັນການບໍລິ
ການໂດຍສະເພາະທາງດ້ານກົດໝາຍ ທີ່ອາດຈະຖືກຟ້ອງຮ້ອງ ຖ້າຫາກມີການຜິດພາດ
ຊຶ່ງ ທ່ານເພັດຖະໜອມ ໄດ້ກ່າວວ່າ:
ຫລັງຈາກທ່ານເພັດຖະໜອມ ໄດ້ເຮັດວຽກໃຫ້ແກ່ບໍລິສັດທີ່ຮັບຜິດຊອບດ້ານເຄື່ອງຈັກ
ຊີວະພາບຂອງຄົນເຈັບແລ້ວ ທ່ານເພັດຖະໜອມ ກໍໄດ້ກັບຄືນມາເປັນນາຍຊ່າງອາຍ
ເຢັນອີກຄືນໃໝ່ ໃຫ້ແກ່ບໍລິສັດໃຫຍ່ແຫ່ງນຶ່ງ ກ່ອນທີ່ໄດ້ຕັດສິນໃຈມາຕັ້ງບໍລິສັດຂອງ
ຕົນເອງ ຊຶ່ງທ່ານເພັດຖະໝອມ ໄດ້ກ່າວຕໍ່ໄປວ່າ:
ໃນທີ່ສຸດທ່ານເພັດຖະໝອມ ໄດ້ຕັດສິນໃຈມາຕັ້ງບໍລິສັດຕົນເອງ ມີຊື່ວ່າ
KNHMechanical ຊຶ່ງທ່ານ ໄດ້ອະທິບາຍເຖິງການບໍລິການດັ່ງນີ້ :
ທ່ານເພັດຖະໜອມ ຮຸ່ງມະນີ ເຊື້ອສາຍລາວອາເມຣິກັນ ເກີດຢູ່ເມືອງປາກຊັນ ປະເທດ
ລາວ ມາຈາກຄອບຄົວຮວມທັງໝົດ 12 ຄົນ ແລະແຈກຢາຍກັນຢູ່ໃນສະຫະລັດ ແລະ
ການາດາ. ວິຊາອາຊີບການເປັນນາຍຊ່າງສ້ອມແປງ ເປັນວຽກໜັກ ເປື້ອນເປິ ແຕ່ວ່າ
ສ້າງລາຍໄດ້ດີໃນແຕ່ລະປີ ຊຶ່ງທ່ານເພັດຖະໜອມ ໄດ້ກ່າວວ່າປີແລ້ວນີ້ ທ່ານສາມາດ ສ້າງລາຍໄດ້ເຖິງ 80,000 ໂດລາ ກ່ອນຕັດພາສີ ແລະເງິນເດືອນຂອງພະນັກງານ. ນີ້
ແມ່ນໂຕຢ່າງນຶ່ງຂອງຜົນສຳເລັດ ໃນການປະກອບວິຊາອາຊີບຢູ່ໃນສັງຄົມຊີວິດ
ອາເມຣິກາ.
