ລິ້ງ ສຳຫລັບເຂົ້າຫາ

ວັນເສົາ, ໒໔ ກຸມພາ ໒໐໒໔

ທ່ານອຸໄທ ຄຳຜາຍ ເຈົ້າຂອງຮ້ານ ເຂົ້າໜົມ ໂດນັດ ທີ່ ມ. ຊາກຣາເມັນໂຕ ລ. ຄາລີຟໍເນຍ


ທ່ານອຸໄທ ຄໍາຜາຍ (ຊ້າຍ) ພ້ອມດ້ວຍລູກຊາຍ ລູກສາວ ແລະພັນລະຍາ.
ທ່ານອຸໄທ ຄໍາຜາຍ (ຊ້າຍ) ພ້ອມດ້ວຍລູກຊາຍ ລູກສາວ ແລະພັນລະຍາ.

ທ່ານຜູ້ຟັງທີ່ເຄົາລົບ ໃນລາຍການຊີວິດຊາວລາວຂອງວີໂອເອ ປະຈຳ ແລງວັນພະຫັດ
ມື້ນີ້ ເຮົາຈະ​ໃຫ້ທ່ານ​ໄດ້ຟັງການສຳພາດ ທ່ານ​ອຸ​ໄທ ຄຳ​ຜາຍ ​ເຈົ້າ​ຂອງ​ຮ້ານເຮັດ ​ແລະ
ຂາຍຂະໜົມ​ໂດ​ນັດ ຢູ່​ເມືອງ​ຊາກຣາ​ເມັນ​ໂຕ ລັດ​ຄາ​ລີ​ຟໍ​ເນຍ​. ທ່ານ​ອຸ​ໄທ ​ແມ່ນ​ລູກບ້ານ​
ຫລານ​ເມືອງ​ປາກ​ຊັນ ອົບພະຍົບ​ເຂົ້າ​ມາ​ຕັ້ງ​ຖິ່ນ​ຖານ​ຢູ່​ສະຫະລັດ​ໃນ​ຊຸມ​ປີ 1980​. ທ່ານ
​ອຸ​ໄທ ​ແມ່ນ​ອະ​ດີດ​ນັກ​ສຶກສາ​ການ​ແພດ​ຊັ້ນສູງຈາກ ສປປ ລາວ ທ່ານມີ​ຄວາມ​ໄຝ່​ຝັນ​
ຢາກ​ຮຽນຕໍ່ດ້ານການ​ແພດ ​ແຕ່ໄດ້​ກາຍ​ມາ​ເປັນ ​ນັກທຸລະ​ກິດ​ເຮັດ​ເຂົ້າໜົມ​ໂດ​ນັດ ​ແລະ
ເປັນ​ເຈົ້າຮ້ານຂາຍຂະໜົມດັ່ງກ່າວ​ສອງຮ້ານ. ຄວາມ​ເປັນ​ມາ​ຂອງ​ທ່ານ​ອຸ​ໄທ ​ເປັນຈັ່ງ​ໃດ
​ນັ້ນ ກິ່ງສະຫວັນ ຈະນຳມາສະເໜີທ່ານ ໃນອັນດັບຕໍ່ໄປ.

ເຂົ້າໜົມໂດນັດ (Donuts)
ເຂົ້າໜົມໂດນັດ (Donuts)

ສະບາຍດີທ່ານຜູ້ຟັງທີ່ເຄົາລົບ ຄົນ​ເຮົາ​ເກີດ​ມາ​ມີ​ຄວາມ​ໄຝ່​ຝັນ​ຢາກ​ປະກອບວິຊາ​ອາ
ຊີບ​ຕ່າງໆ​ນາໆ ​ເຊັນ​ວ່າ​ຢາກ​ເປັນ​ດອກ​ເຕີແລະ​ເປັນ​ເຈົ້າ​ເປັນນາຍອັນ​ເປັນ​ປະ ​ເພ​ນີລາວ
ທີ່​ມັກ​ເວົ້າ​ກັນ. ​ແຕ່ຫລາຍໆ​ຄັ້ງຄວາມໄຝ່ຝັນທີ່ເຮົາຕັ້ງໄວ້​ນັ້ນອາດບໍ່ເປັນ​ໄປຕາມ​ຄວາມ
ຄາດໝາຍແລະໄດ້​ກາຍ​ມາ​ປະສົບກັບ​ຜົນສຳ​ເລັດຢ່າງ​ອື່ນ. ສະຫະ ລັດ​ອາ​ເມຣິກາ ​ເປັນ
ປະ​ເທດ​ທີ່​ເປີດ​ໂອກາດ​ໃຫ້​ແກ່​ທຸກ​ຄົນ​ຢ່າງ​ກວ້າງຂວາງ ບໍ່​ວ່າ​ຈະ​ເປັນ​ການ​ສຶກສາ ການ​ປະກອບທຸລະ​ກິດ ​ແລະ​ວິຊາ​ອາຊີບ​ຕ່າງໆ​ນາໆ. ຊາວ​ອາ​ເມຣິກັນ​ເຊື້ອສາຍ​ລາວ​ ແມ່ນ
​ປະຊາ​ຄົ​ມກຸ່​ມນຶ່ງ ​ທີ່ໄດ້​ພາກັນ​ສ້າງ​ເສດຖະກິດຢູ່ ​ຕາມເຂດ​ທ້ອງ​ຖິ່ນ​ໃນ​ລັດ​ຕ່າງໆ ຢູ່ໃນ​
ວົງ​ການ​ລັດຖະບານ​ ຢ່າງ​ເປັນ​ຜົນສຳ​ເລັດ ​ແລະໜ້າ​ສັນລະ​ເສີນ.

ທຸກໆວຽກການ​ເປັນ​ວິຊາ​ອາຊີບ​ທີ່​ມີ​ກຽດ ​ແລະ​ສ້າງ​ລາຍ​ໄດ້​ມາສູ່​ຄອບຄົວ ​ເປັນ​ຢ່າງ​ດີ.
ທ່ານ​ອຸ​ໄທ ​ຄຳຜາຍ ເຄີ​ຍມີ​ຄວາມ​ຕັ້ງ​ໃຈຢາກ​ເປັນ​ນາຍ​ແພດ ເຖິງ​ແມ່ນ​ວ່າ​ບໍ່ໄດ້ປະສົບ
ກັບ​ຄວາມຝັນກໍ​ຕາມ ​ແຕ່ທ່ານ​ໄດ້​ກາຍ​ມາ​ເປັນ​ນັກທຸລະກິດ​ເຮັດ​ເຂົ້າໜົມ​ຂາຍ​ຢ່າງສຳ​
ເລັດ ແລະ​ໜ້າ​ສັນລະ​ເສີນ. ​ເຂົ້າໜົມ​ໂດ​ນັດ ແມ່ນແປ້ງ​ທີ່​ ປະສົມ​ເຮັດ​ໃຫ້​ເປັນ​ກ້ອນ
ຫລາຍໆຮູບຊົງ ສີສັນ​ຕ່າງໆ ມີ​ລົດ​ຊາດ​ຫວານ ​ແລະ​ນິຍົມ​ຮັບ​ປະທານເປັນ​ອາຫານ​ເຊົ້າ
​ກັບກາ​ເຟຂອງ​ຊາວ​ອາ​ເມຣິກັນ. ທ່ານ​ ອຸ​ໄທ ​ໄດ້​ກ່າວກ່ຽວ​ກັບທຸລະ​ກິດ​ ​ເປີດ​ຮ້ານຂະໜົມ
​ໂດ​ນັດຂອງ​ທ່ານຕໍ່ ວີ​ໂອ​ເອ ດັ່ງ​ນີ້:

ຊະນິດນຶ່ງຂອງເຂົ້າໜົມໂດນັດ (SD Cones Gelato)
ຊະນິດນຶ່ງຂອງເຂົ້າໜົມໂດນັດ (SD Cones Gelato)

ລິງໂດຍກົງ

ຢູ່​ໃນ​ສະຫະລັດ​ອາ​ເມຣິກາ ທຸລະ​ກິດ​ການ​ຄ້າ​ດ້ານ​ອາຫານການ​ກິນ ຖ້າ​ຫາກ​ປະສົບ​ຜົນ
ສຳ​ເລັດ ເປັນ​ທີ່​ນິຍົມ ​ແລະ​ມີ​ຊື່ສຽງ​ແລ້ວ​ນັ້ນ ບັນດາ​ຜູ້​ບໍລິ​ໂພ​ກຈະ​ພາກັນມາ​ຢືນ​ລຽນ​ແຖວ ອົດທົນ​ລໍຖ້າຢ່າງ​ພໍ​ໃຈ ບໍ່​ວ່າ​ຈະ​ໃຊ້​ເວລາ​ດົນ​ນານ​ເທົ່າ​ໃດ​ຕາມ ດັ່ງ​ທີ່ທ່ານ​ອຸໄທ ​ກ່າວ​ຕໍ່
ໄປວ່າ:

ເຂົ້າໜົມໂດນັດ (Sweet Dozen Cones)
ເຂົ້າໜົມໂດນັດ (Sweet Dozen Cones)

ລິງໂດຍກົງ

ການ​ເຂົ້າ​ມາ​ຕັ້ງ​ຊີວິດ​ໃໝ່​ຢູ່​ໃນ​ສະຫະລັດຂອງຊາວ​ລາວ ​ເມື່ອ​ສີ່​ທົດ​ສະ​ວັດ​ກ່ອນ ຕ້ອງ​
ໄດ້​ຜ່ານ​ຜ່າກັບ​ຄວາມ​ຍາກ​ລຳບາກ​ຫລາຍໆ​ຢ່າງ ດັ່ງ​ທີ່​ຜູ້ມາ​ຮອດ​ໃໝ່​ທົ່ວໆ​ໄປ ​ແລະ​ຮັບ
ເອົາຄວາມ​ເປັນ​ຈິງຂອງ​ການ​ປະກອບ​ວິຊາ​ອາຊີບ​ໃໝ່ ບໍ່​ວ່າ​ຈະ​ເປັນ​ໜ້າ​ວຽກງານໃດໆ​
ກໍ​ຕາມດັ່ງ​ທີ່​ທ່ານ​ອຸ​ໄທ ​ໄດ້​ກ່າວ​ເຖິງ​ຊີວິດ​ຕອນ​ນີ້​ວ່າ.

ລິງໂດຍກົງ

ທ່ານ​ອຸ​ໄທ ແມ່ນ​ລູກບ້ານ​ຫລານ​ເມືອງ​ປາກ​ຊັນ ອ​ະດີດ​ນັກ​ສຶກສາ​ແພດສາດ ທີ່​ມີ​ຄວາມ
​ຕັ້ງ​ໃຈຈະສື​ກສາ​ຕໍ່ ດ້ານ​ການ​ແພດ ​ຢູ່​ໃນ​ສະຫະລັດ ແຕ່​ບໍ່​ໄດ້​ເປັນ​ໄປ ດັ່ງ​ ທີ່​ຝັນໄວ້ຊຶ່ງ
​ທ່ານ​ໄດ້​ກ່າວ​ເຖິງ​ຊີ​ວິ​ດຕອນ​ນີ້​ວ່າ:

ລິງໂດຍກົງ

ທຸລະ​ກິດ​ການ​ຄ້າ​ຮ້ານ​ເຮັດ​ຂະໜົມໂດ​ນັດ ສວິດ ໂດເຊິ່ນ (Sweet Dozen) ​ແມ່ນ​ທຸລະ
​ກິດ​ການ​ຄ້າ​ຂອງ​ຄອບຄົວ ທ່ານ​ອຸ​ໄທ ຄຳ​ຜາຍ ​ເປີດ​ເຈັດ​ມື້​ຕໍ່​ອາທິດ ​ເລີ້ມ​ເຮັດ​ວຽກ​ກະກຽມ
ແຕ່ 2 ໂມງ​ເຊົ້າແລະເລີ້ມເປີດຂາຍ​ແຕ່ 7 ໂມງເຊົ້າຫາ​ທ່ຽງ​ວັນ. ມີ​ພະນັກງານ​ຫລາຍຊາດ
ຮວມ​ທັງອາ​ເມຣິກັນເຊື້ອສາຍ​ລາວ​.

XS
SM
MD
LG