ລິ້ງ ສຳຫລັບເຂົ້າຫາ

logo-print

ສຸກສັນ ວັນຄຣິສມັສ ຈາກ ຊາວອາເມຣິກັນ ເຊື້ອສາຍລາວ


ເຊີນຊົມການຕົກແຕ່ງ ໃນໂອກາດການສະຫລອງບຸນຄຣິສມັສ ຢູ່ ສູນກາງ Rockefeller ທີ່ນະຄອນ New York.

ທ່ານ​ຜູ້​ຟັງ​ທີ່​ເຄົາ​ລົບ ​ມື້​ນີ້​ແມ່ນ​ຄໍ່າຄືນ​ກ່ອນ​ວັນ​ບຸນຄ​ຣິ​ສ​ມັ​ສ ​ຫລື​
ວັນ​ເກີດ​ ຂອງ ພະ​ເຢ​ຊູ​ເຈົ້າ ວັນ​ທີ 25 ​ທັນ​ວາ. ​ໃນ​ຂະ​ນະ​ນີ້ ບັນ
ດາ​ຊາວ​ຄ​ຣິ​ສ​ຕຽນ ຢູ່​ທົ່ວທຸກ​ມຸມ​ໂລກ ກຳ​ລັງ​ພາ​ກັນ ສະ​ຫລອງ
​ບຸນ​ຢ່າ​ງ​ຄຶກ​ຄື້ນ. ເພາະ​ສະ​ນັ້ນ ເຮົາ​ຈະ​ນຳ​ເອົາ​ການ​ສຳ​ພາດກັບ
ຍາ​ນາງ ຄຳ​ຜີວ ​ແສງ​ທອງຄຳ ສະ​ມາ​ຊິກ​ປະຊາຄົມ ລາວ-​ອາ​ເມ​
ຣິ​ກັນ ຜູ້​ນັບ​ຖືສາ​ສະ​ໜາ​ຄາ​ໂທ​ລິກ ມາ​ເລົ່າ​ເຖິງຮີດ​ຄອງ​ປະ​ເພ​ນີ
​ຂອງການ​ສະ​ຫລອງ​ບຸນ​ ຄ​ຣິ​ສ​ມັ​ສ ຊຶ່ງ ກິ່ງ​ສະ​ຫວັນ ຈະ​ນຳ​ມາ​ສະ​ເໜີ​ທ່ານໃນ​ອັນ​ດັບ​ຕໍ່​ໄປ.

ສະ​ບາຍ​ດີ ທ່ານ​ຜູ້​ຟັງ​ທີ່​ເຄົາ​ລົບ ແລະ Merry Christmas. ທີ່​ທ່ານ​ໄດ້​ຟັງ​ຜ່ານ​ໄປ​ນັ້ນ
​ແມ່​ນ​ຕອນນຶ່ງຂອງເພງທີ່​ມີ​ຊື່​ວ່າ Silent Night ມີ​ຄວາມ​ໂດ່ງ​ດັງ​ ແລະ​ເປັນ​ທີ່​ນິ​ຍົມ​ຟັງ
​ກັນໃນ​ເທດສະ​ການ​ສະ​ຫລອງບຸນຄ​ຣິ​ສ​ມັ​ສ.

ມື້ນີ້​ແມ່ນ​ຄ່ຳ​ຄືນ​ກ່ອນ ວັນ​ຄ​ຣິ​ສ​ມັ​ສ ເພາະ​ສະ​ນັ້ນ ລາຍ​ການ​ຊີ​ວິດ​ຊາ​ວ​ລາວ​ ຂອງ ວີ​ໂອ​ເອ
ຈຶ່ງຢາກ​ນຳ​ເອົາ​ຮີດ​ຄອງປະ​ເພ​ນີ ຄວາມ​ເປັນ​ມາ​ ຂອງການ​ສະ​ຫລອງ​ວັນຄົບ​ຮອບວັນ​ເກີດ
ຂອງ ​ພະ​ເຢ​ຊູເຈົ້າ ຫລື Jesus ໃນວັນ​ທີ 25 ທັນ​ວາ ​ມາ​ກ່າວເຖິງ ບັ້ນ​ຕອນ​ອັນ​ສຳ​ຄັນ. ​ສາ
​ສະ​ໜາຄຣິ​ສ ມີ​ອາ​ຍຸ​ມາໄດ້ 2015 ປີແລ້ວ ເປັນ​ສາ​ສະ​ໜາອັນ​ດັບ​ໜຶ່ງ ມີ​ຄົນ​ນັບ​ຖື​ຫລາຍ​ທີ່​
ສຸດຢູ່ໃນ​ໂລກເຖິງ 2​ ພັນ 1​ ຮ້ອຍ 80 ລ້ານ​ຄົນ ຫ​ຼືເກືອບ​ໜຶ່ງ​ສ່ວ​ນ​ສາມ ​ຂອງ​ປະ​ກອນ​ໂລກ
6 ພັນ​ 9 ຮ້ອຍລ້ານ​ຄົນ.

ໃນ​ເທດສະການ​ສະ​ຫ​ລອງ​ບຸນ​ຄ​ຣິ​ສ​ມັ​ສ​ນີ້ ໂດຍ​ສະ​ເພາະ​ຢູ່​ໃນສະ​ຫະ​ລັດ ບໍ່​ວ່າ​ຈະ​ເປັນ​ຄົນ
ທີ່ມີ​ພື້ນ​ຖານມາ​ຈາກ​ໃສ ແລະ​ນັບ​ຖື​ສາ​ສະ​ໜາ​ໃດ​ກໍຕາມ ເຂົາ​ເຈົ້າຈະ​ຫລີກ​ຫລ່ຽງອິດ​ທິ​ພົນ
ແຫ່ງການ​ສະ​ຫລອງ​ບຸນ​ຄ​ຣິ​ສມັ​ສນີ້​ໄດ້​ຍາກ ເພາະ​ບໍ່ວ່າຈະຢູ່ໃສກໍຕາມບັນ​ຍາ​ກາດຈະເຕັ​ມ
ໄປດ້ວຍການ​ຕົກ​ແຕ່ງ​ເອ້​ຍ້ອງ ​ຢູ່​ຕ​າມຮ້​ານ​ຄ້າ ຖະ​ໜົນຫົນ​ທາງ ​ບ້ານ​ເຮືອນ ເຕັມ​ໄປ​ດ້ວຍ
ແສງ​ສີ ​ສຽງ​ເພງແລະຕົ້ນ​ແປກທີ່ຮ້ອງວ່າ ຕົ້ນ​ຄ​ຣິ​ສ​ມັ​ສນັ້ນ ໂດຍຈະ​ຖືກປະດັບປະດາ ຕົກ
​ແຕ່ງ​ຢ່າງ​ງົດ​ງາມ.

ຢູ່​ໃນ​ລະ​ດູ​ການ​ດັ່ງ​ກ່າ​ວ​ນີ້ ມີ​ການຊື້​ຂາຍ​ແລກ​ປ່ຽນ​ຂອງ​ຂວັນກັນ​ຢ່າງ​ໃຫຍ່ ​ເປັນ​ເວ​ລາທີ່​ຜູ້ຄົນຈະ​ພາ​ກັນ​ເດີນ​ທາ​ງ​ໄປ​ຢ້ຽມ​ຢາມຄອ​ບ​ຄົວ ຢູ່​ຕາມ​ໂບດ​ຕ່າງໆ ໂດຍສະ​ເພາະ​ຢູ່​ທີ່
ນະ​ຄອນ​ວາ​ຕິ​ກັນ ພະ​ສັນ​ຕະ​ປາ​ປາ ຈະນຳພາ​ການ​ສູດ​ມົນ​ພາ​ວັນ​ນາ​ ໃນ​ຕອນ​ທ່ຽງ​ຄືນ​
ກ່ອນ​ຕອນ​ເຊົ້າ​ມື້ວັນຄ​ຣິ​ສ​ມັ​ສຈະ​ມາ​ເຖິງ. ໃນ​ຂະ​ນະ​ດຽວ​ກັນ​ ບັນ​ດາຝູງ​ຊົນ​ກໍຈະພາກັນ
ໄປເຕົ້າ​ໂຮມກັນກິນລ້ຽງ​ສັງສັນຢ່າງ​ຄຶກ​ຄື້ນ ໃນວັນດັ່ງກ່າວ ໂຮງ​ການ​ລັດ​ຖະ​ບານ ​ຮ້ານ
​ຄ້າ ກິດ​ຈະ​ການຕ່າງໆຈະອັດລົງ ແລະ​ໃນມື້ນັ້ນບັນ​ຍາ​ກາດ​ຂອງສະຖານທີ່ດັ່ງກ່າວຈະ​
ງຽບ ສະງັດ.

ເພື່ອໃຫ້ເຮົາໄດ້ຮຽນຮູ້ນຳກັນ​ ຍາ​ນາງຕຳ​ຜິວ ​ແສງ​ທ​ອງຄຳຈະມາ​ເລົ່າເຖິງຮີດ​ຄອງ​ປະ​ເພ​ນີກ່ອນ​ວັນ​ຄຣິສມັສ​ ຊາວ​ຄຣິສຕຽນ ພາກັນ​ສະຫລອງ​ບຸນນີ້ ໂດຍການຊຸມແຊວ​ກັນ​ຢູ່​ຈົນ
​ເດິກ​ດື່ນທ່ຽງ​ຄືນ ​ໂດຍ​ການ​ໄປ​ສູດ​ມົນ​ພະ​ວັນນາ ຢູ່​ທີ່ໂບດ ອັນ​ເປັນ​ເວລາ​ທີ່ ພະເຢຊູ​ເຈົ້າ
ປະສູດ ໃນຕອນ12 ​ໂມງທ່ຽງ​ຄືນ ວັນ​ທີ 25 ທັນວາ ຫລືວັນ​ຄຣິສມັສ ຊຶ່ງຍານາງຄໍາຜິວ ແສງທອງຄຳ ໄດ້ກ່າວຕໍ່ ວີໂອເອ ດັ່ງນີ້ :

ຍານາງຄຳຜິວ ແສງທອງຄຳ ຢູ່ທີ່ ລັດເວີຈີເນຍ
ຍານາງຄຳຜິວ ແສງທອງຄຳ ຢູ່ທີ່ ລັດເວີຈີເນຍ

ລິງໂດຍກົງ

ຄ​ຣິ​ສ​ມັ​ສ ​ນອກ​ຈາກເປັນ​ບຸນ​ທາງ​ສາ​ສະ​ໜາອັນ​ຍິງ​ໃຫຍ່​ແລ້ວ ມັນ​ຍັງ​ເປັນ​ບຸນ​ທີ່​ພວກ​ເດັກ
​ນ້ອຍພາ​ກັນ​ລໍ​ຖ້າ​ ໃຫ້​ວັນອະ​ພິ​ນິ​ຫານ​ນີ້​ມາ​ເຖິງ ເພາະ​ວ່າ ເຂົ​າ​ເຈົ້າ​ເຊື່ອ​ວ່າຈະໄດ້​ຮັບຂອງ
ຂວັນ​ຈາກ Santa Clause ​ທີ່​ເປັນພໍ່​ເຖົ້າ​ໃຈ​ດີ ​ຢູ່ໃນ​ນິ​ທານ​ໂບ​ຮານ ລາ​ວນຸ່ງ​ ເສື້ອຜ້າສີ
​ແດງ ແຂ​ບ​ຂາວ ທ້ອງ​ປຸ້ງ ໜວດຂາວຍາວ ມີ​ໃບ​ໜ້າ​ຍີ້​ມ​ແຍ້ມແຈ່ມ​ໃສ ຂີ່​ລໍ້ເລື່ອນຫຼື sleigh ທີ່ແລ່ນ​ຢູ່​ເທິງ​ຫິ​ມະ ມີ​ໝູ່ກວ​າງແກ່ເຫາະ​ເຫີນ​ເດີນ​ອາ​ກາດ ຈາກຂົ້ວ​ໂລກ​ເໜືອນຳເອົາຂອງ​ຂວັນ​ໄປ​ສົ່ງ​ໃຫ້​ພວກເດັກ​ນ້ອຍ.​

Santa Clause
Santa Clause

ນິ​ທານ​ພື້ນ​ເມືອ​ງ​ໂບ​ຮານ​ບອກ​ເລົ່າ​ໄວ້​ວ່າ ໃນຕອນ​ທ່ຽງຄືນ​
ກ່ອນ​ວັນຮຸ່ງ​ເຊົ້າຄ​ຣິ​ສ​ມັສ ໃນຂະ​ນະທີ່ພວກ​ເດັກ​ນ້ອຍພາ​
ກັນ​ນອນຫລັບສະ​ນິດຢູ່​ນັ້ນ Santa Clause ຈະ​ນຳ​ເອົາ
​ຂອງຂວັນ​ມາ​ປະ​ໄວ້ໃຫ້ ຢູ່​ກ້ອງ​ຕົ້ນ​ຄຣິ​ສ​ມັ​ສ​ທີ່​ຖືກ​ຕົກ​ແຕ່ງ
​ໄວ້​ຢູ່​ໃນ​ເຮືອນເຂົາເຈົ້າ.​ ​ໃນຕອນທ່ຽງຄືນຂອງວັນນັ້ນທ້ອງ
ຟ້າຈະເຕັມໄປດ້ວຍແສງເດືອນ ມີຫິມະຕົກ ປົກຄຸມຢູ່ທຸກ
ແຫ່ງ ຂາວເດຍລະດາດຄືດັ່ງຍອງຝ້າຍ ທຸກ​ສິ່ງ​ທຸກ​ຢ່າງງຽບ
​ສະ​ງັດ. ພວກ​ສັດ​ສາ​ວາ​ສິ່ງ ບໍ່​ພາ​ກັນ​ອອກມາ​ ແມ່ນ​ກະ​ທັ້ງ​
ພວກ​ໜູ​ທັງ​ຫລາຍ​ກໍຈະພາ​ກັນ​ລີ້​ຢູ່​ໃນຫລື​ໃນ​ຮູ.

ຢູ່​ໃນ​ເຮືອນ​ບ່ອນເຕົາ​ໄຟ ຖົງ​ເທົ້າ​ສີ​ແດງໄດ້ຖືກຫ້ອຍປະໄວ້ຢ່າງ​ເປັນ​ລະ​ບຽບ ​ມີ​ຊື່​ສະ​ມາ
ຊິກ​ຄອ​ບ​ຄົວ​ແຕ່​ລະຄົນບ່ອນທີ່ Santa Clause ຈະນຳ​ເອົາ​ຂອງ​ຂວັນ​ມາ​ໃສ່​ໄວ້​ໃຫ້​. ໃນ
​ຕອນ​ເຊົ້​າ​ຂອງ​ວັນ​ຄ​ຣິ​ສ​ມັ​ສ ພວກ​ເດັກ​ນ້ອຍ ພາ​ກັນ​ກັນ​ລຸກແຕ່​ເຊົ້າ ​ດ້ວຍ​ຄວາມ​ຕື່ນ​ເຕັ້ນ
ເພື່ອ​ມາ​ເປີດ​ຫໍ່​ຂອງຂວັນ Santa Clause ໄດ້ປະ​ໄວ້​ໃຫ້​ຕົນ​.

ນາງ Skylen ອາ​ຍຸ 8 ປີ​ ລູກ​ຫລານເຊື້ອ​ສາຍ​ລາວ ເກີດ​ຢູ່ໃນສະ​ຫະ​ລັດ ປັດ​ຈຸ​ບັນ​ຮຽນຢູ່​ໂຮງ​ຮຽນ​ປະ​ຖົມ​ຊັ້ນປີ​ທີ 3 ​ເປັນ​ເດັກ​ຍິງ​ທີ່​ໜ້າ​ຮັກ ​ແລະ​ເວົ້າ​ເກັ່ງ​ ອະທິບາຍສູ່ວີ​ໂອ​ເອ ຟັງ ດັ່ງນີ້ :

Skylen ພັນນະວົງ ລູກຫລານເຊື້ອສາຍລາວທີ່ໜ້າຮັກ
Skylen ພັນນະວົງ ລູກຫລານເຊື້ອສາຍລາວທີ່ໜ້າຮັກ

ລິງໂດຍກົງ

ໃນ​ວາ​ລະ​ໂອ​ກາດ​ອັນ​ສັກ​ສິດ​ນີ້ ຂ້າ​ພະ​ເຈົ້າ ແລະ​ຄະ​ນະ​ຜູ້​ຈັດ​ທຳ ​ລາຍ​ການ​ພາກ​ພາ​ສາ​ລາວ ​ຂອງວິ​ທະ​ຍຸ ວີໂອ​ເອ ຂໍ​ຖື​ໂອ​ກາດ​ນີ້ ອວຍ​ໄຊ​ໃຫ້​ພອນ​ແກ່ ບັນ​ດາ​ທ່ານ​ຜູ້​ຟັງ ທີ່​ເປັນ
​ຊາວ​ຄາ​ໂທ​ລິ​ກ ​ແລະ​ອື່ນໆ ພ້ອມ​ດ້ວຍ​ຄອບ​ຄົວ ແລະ​ເພື່ອນ​ມິດ​ຢູ່​ທຸກ​ຫົນ​ແຫ່ງ ຈົ່ງ​ປະສົບ​ແຕ່ຄວາມ​ຜາ​ສຸກຕະ​ຫລອດ​ໄປ​ດ້ວຍ​ເຖີ້ນ.

National Christmas Tree
please wait

No media source currently available

0:00 0:00:37 0:00

ເຊີນຊົມ ພິທີໄຕ້ໄຟ ຕົ້ນຄຣິສມັສ ແຫ່ງຊາດ ໂດຍ ປະທານາທິບໍດີ Barack Obama ທີ່ ນະຄອນຫລວງ ວໍຊິງຕັນ ດີ.ຊີ

ເບິ່ງຄວາມເຫັນ (4)

ຟໍຣັມສະແດງຄວາມເຫັນ ກ່ຽວກັບເລື່ອງນີ້ ອັດແລ້ວ

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG