ລິ້ງ ສຳຫລັບເຂົ້າຫາ

ຄະນະພັນທະມິດ ເພື່ອປະຊາທິປະໄຕ ໃນລາວ ຢ້ຽມຢາມ ຫ້ອງຂ່າວ ວີໂອເອ


ດຣ. ບຸນທອນ ຈັນທະລາວົງ (ຊ້າຍ) ແລະກິ່ງສະຫວັນ (ຂວາ) ແລະຄະນະອົງການພັນທະມິດ ເພື່ອປະຊາທິປະໄຕໃນລາວ ຢືນຢູ່ທາງຫລັງ.

ທ່ານ​ຜູ້ຟັງ​ທີ່​ເຄົາລົບ ໃນ​ລາຍການ​ຊີວິດ​ຊາວ​ລາວ ຂອງ​ວີ​ໂອ​ເອ ມື້​ນີ້ ​ທ່ານ​ຈະ​ໄດ້ຟັງ
ການ​ສຳພາດ​ກັບ ດຣ. ບຸນ​ທອນ ຈັນທະ​ລາ​ວົງ ປະທານ​ອົງການ​ພັນທະ​ມິດ ເພື່ອ​ປະ
ຊາ​ທິປະ​ໃຕ​ໃນ​ລາວ ເນື່ອງໃນ​ໂອກາດ​ພາ​ຄະນະມາຢ້ຽມຢາມ​ຫ້ອງ​ຂ່າວຂອງ ວີ​ໂອ​ເອ.
ກ່ອນ​ໜ້າ​ນັ້ນ ດອກ​ເຕີ ບຸນ​ທອນ ​ໄດ້​ໄປ​ຢ້ຽມຢາມ ບັນດາ​ເຈົ້າ​ໜ້າ​ທີ່​ກາ​ນາ​ດາ ທີ່​ນະ
ຄອນຫລວງ Ottawa ​ແລະກະຊວງ​ຕ່າງປະ​ເທດ​ສະຫະລັດ ພ້ອມ​ດ້ວຍ​ບັນດາ​ສະມາ
​ຊິກ​ສະພາຕໍ່າ ​ແລະ​ສະພາ​ສູງ​ສະຫະລັດ ​ເພື່ອ​ລາຍ​ງານສະພາບຄວາມ​ເປັນ​ຫ່ວງ​ຢູ່​
ໃນ ສປປ ລາວ ຊຶ່ງ​ກິ່ງ​ສະຫວັນ ຈະ​ນຳລາຍລະອຽດ​ມາສະ​ເໜີ​ທ່ານ.

ສະບາຍດີ​ທ່ານ​ຜູ້​ຟັງ​ທີ່​ເຄົາລົບ ດຣ. ບຸນ​ທອນ ​ພ້ອມ​ດ້ວຍ​ຄະນະ ໄດ້ເດີນທາງມາຢ້ຽມ
ຢາມ​ຫ້ອງ​ຂ່າວ ຂອງວີ​ໂອ​ເອ ​ເພື່ອ​ແບ່ງປັນຈຸດປະສົງຂອງການເຄື່ອນ​ໄຫວ​ຂອງ
​ອົງການ​ພັນທະ​ມິດ​ເພື່ອ​ປ​ຊາ​ທິປະ​ໄຕ​ໃນ​ລາວກັບພວກເຮົາ. ກ່ອນເດີນທາງ​ມານະຄອນ
ຫລວງ ວໍຊິງ​ຕັນ ດຣ. ບຸນ​ທອນ ພ້ອມ​ຄະນະ ​ໄດ້​ພົບ​ປະ​ກັບ​ບັນດາ​ຜູ້​ແທນ​ສະພາ​ກາ​ນາ
​ດາ ທີ່​ນະຄອນ Ottawa ​ແລະ​ໄດ້​ລາຍງານ​ເຖິງ​ສະພາບ​ກາ​ນຢູ່​ໃນ ສປປ ລາວ. ຫລັງ
​ຈາກ​ນັ້ນ ດຣ. ບຸ​ນທອນ ​ກໍໄດ້​ເດີນທາງ​ມາສະຫະລັດ​ ​ແລະ​ໄດ້​ພົບ​ປະກັບເຈົ້າໜ້າ​ທີ່​ກະ
ຊວງ​ຕ່າງປະ​ເທດ ​ສະມາຊິກ​ສະພາ​ສູງ ​ແລະ​ສ​ະພາ​ຕໍ່າ​ຈຳນວນ​ນຶ່ງ ຊຶ່ງ ດຣ. ບຸນ​ທອນ ​
ເລົ່າສູ່ວີ​ໂອ​ເອຟັງ ດັ່ງ​ນີ້:

ອົງການ​ພັນທະ​ມິດເພື່ອ​ປະຊາທິປະ​ໄຕ​ໃນ​ລາວ ​ເປັນ​ອົງການ​ເອກ​ກະ​ຊົນ ອາສາ​ສະ
ໝັກ ທີ່​ບໍ່​ຫວັງ​ຜົນ​ກຳ​ໄລ ໄດ້​ຕັ້ງ​ຂຶ້ນ​ມາ​ໃນ​ປີ 2009 ທີ່​ປະ​ເທດ Belgium ຊຶ່ງປັດຈຸບັນ​
ນີ້​ ດຣ. ບຸນ​ທອນ ​ເປັນ​ປະທານ ​ແລະ​ມີຫ້​ອງການ​ຕັ້ງ​ຢູ່​ປະ​ເທດ​ເຢຍຣະມັນ. ນອກ​ນັ້ນ​
ຍັງ​ມີ​ສາຂາ​ຢູ່ເຈັດ​ປະ​ເທດ ​ຄື ​ເຢຍຣະມັນ ຝຣັ່ງ ນິວຊີ​ແລນ ກາ​ນາ​ດາ ​ສະຫະລັດ
ອອສ​ເຕຣເລຍ ແລະສະເປນ. ອົງການ​ພັນທະ​ມິດ​ເພື່ອ​ປະຊາທິ​ປະ​ໄຕ​ໃນ​ລາວ ມີ​ຈຸດ
ປະສົງໃນ​ການ​ເຄື່ອນ​ໄຫວເປັນ​ປາກ​ກະບອກ​ສຽງ ຕິ​ດຕາ​ມ​ເບິ່ງການປົກຄອງ ​ຊິວິດ
ການ​ເປັນ​ຢູ່ຂອງ​ປະຊາຊົນ ໂດຍ​ສະ​ເພາະເພື່ອກົດ​ດັນ​ໃຫ້ ລັດຖະບານ ສປປ ລາ​ວ
ປັບປຸງ ແລະແກ້​ໄຂ​ບັນຫາ​ຊີວິດ​ການ​ເປັນ​ຢູ່ຕ່າງໆ ຂອງ​ປະຊາຊົນ​ລາວ. ນັບ​ແຕ່​ອົງ​
ການພັນທະ​ມິດ​ໄດ້​ຕັ້ງ​ຂຶ້ນມາ​ເປັນ​ເວລາ​ 8 ແລ້ວ ວີ​ໂອ​ເອ ​ໄດ້​ສອບຖາມ​ເຖິງ​ຄວາມ
ຄືບ​ໜ້າ​ຂອງການ​ປະຕິບັດ​ງານເທົ່າ​ທີ່​ຜ່ານ​ມາ ​ແລະ​ຜົນງານ​ການເຄື່ອນ​ໄຫວ​ເປັນ​
ມາ​ຢ່າງ​ໃດແດ່​ຊຶ່ງ ດຣ. ບຸນ​ທອນ ໄດ້​ໃຫ້​ຄວາ​ມ​ເຫັນ​ດັ່ງ​ນີ້

ກ່ຽວກັບຈຸດ​ປະສົງ​ຂອງ​ການເດີນທາງ​ມາປະ​ເທດ​ກາ​ນາ​ດາ ​ແລະ​ສະຫະລັດ ພ້ອມ​
ຄະນະ​ຄັ້ງນີ້ ດຣ. ບຸ​ນທອນ​ ໄດ້ກ່າວ​ເຖິງ​ຈຸດປະ​ສົງຕໍ່ ວີ​ໂອ​ເອ ວ່າ:

ອົງການ​ພັນທະ​ມິດ​ເພື່ອ​ປະຊາທິປະ​ໄຕ​ໃນ​ລາວ ມີ​ສະ​ມາ​ຊິກ ​ແລະ​ເຄືອຄ່າ​ຍຢູ່​ທັງ​ໝົດ
ເຈັດ​ປະ​ເທດ​ທົ່ວ​ໂລກຊຶ່ງ ດຣ. ບຸນ​ທອນ ​ໄດ້​ອະທິບາຍ​ສູ່​ຟັງ​ວ່າ:

ນັບ​ແຕ່​ປະຊາກອນ​ລາວ​ໄດ້​ເຂົ້າ​ມາ​ຕັ້ງ​ຖິ່ນ​ຖານ​ຢູ່​ປະ​ເທດ​ທີ່​ສາມ​ທົ່ວ​ໂລກ ​ເປັນເວລາ
ດົນ​ກວ່າ​ສີ່​ທົດ​ສະ​ວັດ​ຜ່ານ​ມາ ບັນດານັກ​ການ​ເມືອງ​ເຊື້ອສາຍ​ລາວ​ຈຳນວນ​ນຶ່ງ​ຍັງ​ບໍ່
ລົດ​ລະ​ຫລົງ​ລືມ ​ແລະຍັງ​ມີ​ຄວາມ​ເປັນ​ຫ່ວງ ​ຕໍ່​ບ້ານ​ເກີດ​ເມືອງນອນ​ຂອງ​ເຂົາ​ເຈົ້າ. ປັດ
ຈຸ​ບັນ​ນີ້ຢູ່​ໃ​ນສະຫະລັດ ​ແລະ​ຢູ່​ປະ​ເທດ​ຕ່າງໆທົ່ວ​ໂລກ ​ມີ​ອົງການ​ຈັດ​ຕັ້ງ​ການເມືອງ​
ຂອງ​ປະຊາ​ຄົມເຊື້ອສາຍລາວຢ່າງ​ຫລວງຫລາຍ ​ແລະຮວມຢູ່​ໃນ​ນັ້ນ​ກໍ​ແມ່ນ ​ອົງການ​
ພັນທະ​ມິດເພື່ອ​ປະຊາທິປະ​ໄຕ​ໃນ​ລາວ ທີ່​ເປັນ​ອົງ​ນຶ່ງ​ນຳພາ​ການ​ເຄື່ອນ​ໄຫວ ​ເປັນ​
ປາກ​ກະບອກ​ສຽງດ້ານ​ການ​ເມືອງ​ມາ​ເປັນ​ໄລຍະໄລຍະ. ນະຄອນຫລວງ ວໍ​ຊິງ​ຕັນ
​ເມືອງ​ເອກ​ຂອງ​ສະຫະລັດ ​ທີ່​ຕັ້ງ​ໂຮງການ​ລັດຖະບານກາງ ລັດຖະສະພາ​ ແລະ​
ສະຖານ​ທູດຕ່າງໆ​ຂອງ​ໂລກ ໄດ້​ເປັນ​ເວທີ ເປີດ​ກວ້າງ​ຢ່າງ​ເສລີ ປະຊາທິປ​ະ​ໄຕ​
ໃນ​ການ​ປາກ​ເວົ້າ ​ໃຫ້​ແກ່​ບັນດາ​ນັກ​ເຄື່ອນ​ໄຫວທຸກ​ພັກ​ຝ່າຍຢູ່​ເປັນປະຈຳ​.
ດຣ. ບຸນ​ທອນ ຈັນທະ​ລາ​ວົງ ວີ​ເຊີ ​ໄດ້​ກ່າວ​ມ້ວນທ້າຍ ​ແລະ​ຝາກ​ຄວາມ​ຮຽກຮ້ອງ
​ມາ​ຍັງ​ພີ່ນ້ອງ​ເຊື້ອສາຍ​ລາວທີ່ຢູ່ທຸກຫົນ​ແຫ່ງດັ່ງ​ນີ້ :

ນັ້ນ​ແ​ມ່ນການ​ສຳພາດກັບ ດຣ. ບຸນ​ທອນ ຈັນທະ​ລາ​ວົງ ວີ​ເຊີ ​ພ້ອມ​ດ້ວຍ​ຄະນະ ທີ່
​ໄດ້​ມາ​ຢ້ຽມຢາມ​ຫ້ອງຂ່າວຂອງ ວີ​ໂອ​ເອ ພະແນກພາສາລາວ.

ຄວາມເຫັນຂອງທ່ານ

ສະແດງຄວາມເຫັນໃຫ້ເບິ່ງ

XS
SM
MD
LG