ລິ້ງ ສຳຫລັບເຂົ້າຫາ

logo-print

ຍາ​ນາງວ​ຽງ​ຄຳ ນັນ​ທະ​ວົງ​ດວງສ​ີ ​ນັກ​ອອກ​ແບບຜ້າ​ພື້ນ​ເມືອງ​ລາວ​ ໃນ​ລະ​ດັບ​ສາ​ກົນ


ຍາ​ນາງວຽງ​ຄຳ ນັນ​ທະ​ວົງ​ດວງ​ສີ ນັກ​ຕ່ຳ​ຫູກ ນັກ​ອະ​ນຸ​ລັກ ນັກ​ທຸ​ລະ​ກິດ ແລະ​ນັກ​ອອກ​ແບບ​ຜ້າ​ຕ່ຳ​ພື້ນ​ເມືອງ​ລາວ ໃນ​ລະ​ດັບ​ສາ​ກົນ.

ສະ​ບ​າຍ​ດີ​ທ່ານ​ຜູ້ຟັງ​ທີ່​ເຄົາ​ລົບ ໃນ​ລ​າຍ​ການ​ຊີ​ວິດ​ຊາວ​ລາວ​ຂອງ ວີ​ໂອ​ເອ ໃນແລງວັນ
​ພະ​ຫັດ​ມື້​ນີ້ ເຮົາ​ຈະຂໍ​ແນະ​ນຳ​ໃຫ້​ທ່ານ​ໄດ້​ຮູ້​ຈັກ​ກັບ ຍາ​ນາງວຽງ​ຄຳ ນັນ​ທະ​ວົງ​ດວງ​ສີ ​ທີ່
ໄດ້​ເລີ້ມ​ຮຽນຕໍ່າ​ຫູກ​ມາ​ແຕ່​ອາ​ຍຸ 6 ປີກັບ​ແມ່ ແລະ​ແມ່​ຕູ້. ບັດ​ນີ້ຍາ​ນາງໄດ້​ກາຍ​ມາ​ເປັນນັກ
​ຕ່ຳ​ຫູກ ນັກ​ທຸ​ລະ​ກິດ ​ນັກອອກ​ແບບ​ຜ້າແພ​ພື້ນ​ເມືອງ​ລາວ. ຜົນ​ງານ​ຂອງ​ຍາ​ນາງວຽງ​ຄຳ
ໄດ້​ເປັນ​ທີ່​ນິ​ຍົມກັນ​ຢູ່​ໃນ​ປະ​ເທດ​ບີ່​ປຸ່ນ ເກົາ​ຫຼີ​ໃຕ້ ຢູ​ໂຣບ ແລະ​ສະ​ຫ​ະ​ລັດ​ອາ​ເມ​ຣິ​ກາ.
ສ່ວນວ່າຜົນ​ສຳ​ເລັດ​ຂອງ​ຍາ​ນາງວຽງ​ຄຳ​ເປັນ​ມາ​ຢ່າງ​ໃດ​ນັ້ນ ກິ່ງ​ສະ​ຫວັນ ຈະ​ນຳ​ມາ​ສະ​
ເໜີ​ທ່ານໃນ​ອັນ​ດັບ​ຕໍ່​ໄປ.

Viengkham Nanthavongdouangsy
please wait

No media source currently available

0:00 0:00:58 0:00
ລິງໂດຍກົງ

​ການນຸ່ງຖືບອກໃຫ້ຮູ້ເຖິງ ຮີດຄອງປະເພນີຂອງຊົນ​ເຜົ່າມະນຸດຊາດ. ການ​ລ້ຽງ​ມ້ອນ
ຍ້ອມ​ຝ້າຍ ເຂັນ​ຝ້າຍ ຕໍ່າຫູກໃຫ້ເປັນສີ້ນຜືນແພວາ ແມ່ນຄວາມສີວິໄລ ພື້ນເມືອງ
ໂບຮານອັນເກົ່າແກ່ຂອງຊົນຊາດລາວ. ສິນ​ລະ​ປະ​ດັ່ງ​ກ່າ​ວ​ນີ້ໄດ້ຖືກຖ່າຍທອດທາງ
ປາກເປົ່າ ສິດ​ສອນກັນມາເປັນເວລາຫຼາຍໆເຊັ່ນຄົນ ໂດຍ​ທີ່​ບໍ່​ມີຫລັກສູດການສອນ
ຢູ່ໃນສະຖາບັນການສຶກສາໃດໆ. ບັນດານັກຕໍ່າຫູກພື້ນເມືອງລາວ ແມ່ນເປັນຜູ້ມີພອນ
ສະຫວັນອັນປະເສີດທີ່ໄດ້ຮຽນຮູ້ມາຈາກແມ່ ແລະແມ່ຕູ້ ຜູ້ທີ່ໄດ້ສືບທອດບອກສອນກັນ
ມາແຕ່ສະໄໝໂບຮານນະການ ຈົນມາຮອດສັດຕະວັດທີ 21. ສິນລະປະການຕໍ່າຜ້າ
ພື້ນເມືອງລາວບັດ​ນີ້ ບໍ່ພຽງແຕ່ໃຊ້ແຕ່ຢູ່ພາຍໃນຄອບຄົວ ເພື່ອເປັນ​ຂອງ​ຂວັນ​ໃຫ້​ກັນ
ແຕ່ໄດ້ແຜ່​ຂະ​ຫຍາຍກາຍ​ມາເປັນ​ທີ່​ນິຍົມຈາກໂລກພາຍນອກ ແລະ​ຢູ່​ໃນວົງ​ການ
ແຟຊັນສາກົນ ທີ່ມີຊື່ສຽງຂອງໂລກ.

ຍ​າ​ນາງວຽງ​ຄຳ ນັນ​ທະ​ວົງດວງ​ສີ ເວ​ລາ​ນັ້ນ ອາ​ຍຸ 6 ປີ.
ຍ​າ​ນາງວຽງ​ຄຳ ນັນ​ທະ​ວົງດວງ​ສີ ເວ​ລາ​ນັ້ນ ອາ​ຍຸ 6 ປີ.

ຍານາງວຽງຄຳ ນັນທະວົງດວງສີ ໄດ້ເລີ້ມຮຽນການຕໍ່າຫູກຈາກແມ່ ແລະ​ແມ່​ຕູ້ ຕັ້ງ​ແຕ່
ອາຍຸ 6 ປີ. ຫລັງ​ຈາກ​ນັ້ນກໍ​ໄດ້ພັດທະນາຕົນເອງ ສັງເກດເບິ່ງສິ່ງແວດລ້ອມ ປັບປຸງ
ຄຸນນະພາບ ແລະອອກແບບໃຫ້ທັນສະໄໝ ປັບໃຫ້ເຂົ້າກັບວົງການແຟຊັນສາກົນ
ແລະຂາຍ​ຢູ່​ໃນຕະຫຼາດໂລກດັ່ງ ຍາ​ນາງວຽງຄຳ ໄດ້ກ່າວເຖິງ​ເບື້ອງ​ຕົ້ນຕໍ່​ ວີໂອເອ
ຟັງດັ່ງນີ້:

ຜ້າ​ຕ່ຳ​ລາວ ທີ່​ນຳ​ໄປ​ອອກ​ແບບຕົກ​ແຕ່ງ ເປັນເຄື່ອງ​ນຸ່ງ ຢູ່ໃນ​ສັງ​ຄົມ​ສູງ ​ຂອງ​ຊາວ​ຍີ່​ປຸ່ນ.
ຜ້າ​ຕ່ຳ​ລາວ ທີ່​ນຳ​ໄປ​ອອກ​ແບບຕົກ​ແຕ່ງ ເປັນເຄື່ອງ​ນຸ່ງ ຢູ່ໃນ​ສັງ​ຄົມ​ສູງ ​ຂອງ​ຊາວ​ຍີ່​ປຸ່ນ.

ການ​ຕ່ຳ​ຫູກ​ເປັນ​ວຽກ​ທີ່​ໃຊ້​ເວ​ລາຫຼາຍ ຂຶ້ນຢູ່ກັບຄວາມວອງ​ໄວ ​ພ້ອມ​ທັງລວດ​ລາຍ​
ການ​ອອກ​ແບບ. ຖ້າ​ຫາກ​ເປັນ​ລາຍ​ທີ່ມີ​ຄວາມສະ​ລັບຊັບ​ຊ້ອນ ຈະຕ້ອງ​ໄດ້​ໃຊ້​ເວ​ລາ
ຫຼາຍ​ເດືອນ. ຍາ​ນາງວຽງ​ຄຳ ນັກ​ຕ່ຳ​ຫູກສະ​ໄໝ​ໃໝ່ ພ້ອມ​ທັງ​ເປັນ​ຜູ້​ອອກ​ແບບ ສິດ
​ສອນ​ໃຫ້​ບັນ​ດາ​ນັກ​ຕໍ່​າຫູກ​ໄດ້​ຮຽນ​ຮູ້​ກ່ຽວ​ກັບ​ລະ​ບົບ​ການ​ອອກ​ແບບ ເພື່ອ​ຈະ​ນຳ​ໄປ
​ປະ​ຕິ​ບັດ ໄດ້​ກ່າວ​ເຖິງ​ຂັ້ນ​ຕອນ​ທີ່ວ່າ​ນີ້ສູ່ຟັງ​ວ່າ:

ຍາ​ນາງວຽງ​ຄຳ ກ່າວ​ມ້ວນ​ທ້າຍປຽບ​ທຽບຫລັກ​ສູດ​ການ​ຕໍ່າຫູກສະ​ໄໝ​ໂບ​ຮານ ກັບ​
ການ​ອອກແບບ​ສະ​ໄໝໃໝ່ ເພື່ອໃຫ້​ທັນ​ກັບ​ຄວາມ​ຕ້ອງ​ການ​ຂອງຕະ​ຫລາດ​ສາກົນ
​ດັ່ງ​ນີ້:

ຍານາງວຽງ​ຄຳ ນັນ​ທະ​ວົງ​ດວງ​ສີ
ຍານາງວຽງ​ຄຳ ນັນ​ທະ​ວົງ​ດວງ​ສີ

​ໃນ​ລະ​ຍະເວ​ລາ​ມາຢ້ຽມ​ຢາມ​ສະ​ຫະ​ລັດ​ເປັນ​ເທື່ອ​ທີ​ສອງ ຍາ​ນາງ​ວຽງ​ຄຳ ໄດ້​ຖືກເຊີນ
ມາອະ​ທິ​ບາຍ​ກ່ຽວ​ກັບ​ການຍ້ອມ​ຜ້າ​ແພ ແລະ​ຕໍ່າ​ຫູກຢູ​ຫໍພິພິດທະພັນຜ້າ​ແພພື້ນ​ເມືອງ
ຫຼື Textile Museum ທີ່ນະຄອນຫຼວງ ວໍຊິງຕັນໃນ​ວັນ​ເສົາ ວັນທີ 27 ຕຸ​ລາ ທີ່​ຜ່ານ​ມາ.
ພິ​ພິດ​ທະ​ພັນ​ຜ້າ​ແພ​ໃນເມື່ອກ່ອນໄດ້ເປີດມາ ແຕ່ປີ 1924 ​ຈົນ​ເຖິງປິ 2015 ແລ້ວປັດ​ຈຸ
ບັນ​ນີ້ ໄດ້ມາຕັ້ງຢູ່ໃນ ມະຫາວິທະຍາໄລ ຈອດຈ໌ ວໍຊິງຕັນ ໃນນະຄອນຫຼວງວໍຊິງຕັນ
ນີ້ເອງ. ຫໍພິພິດທະພັນນີ້ ມີຜ້າແພພື້ນ​ເມືອງຈາກທົ່ວໂລກ ຮວມທັງ​ຜ້າແພ ພື້ນເມືອງ
ໂບຮານລາວປະມານ 300 ຜືນ. ໃນປີໜ້າ 2019 ນີ້ຄາດວ່າ ​ຜ້າ​ແພ​ພື້ນເມືອງໂບ​ຮານ
ລາວຈະ​ນຳ​ອອກມາສະແດງໃຫ້ສາທາລະນະຊົນໄດ້ຊົມ​.

ຫໍ​ພິ​ພິດ​ທະ​ພັນ​ຜ້າ​ແພ​ພື້ນ​ເມືອງ​ໂລກ ທີ່ ມະ​ຫາ​ວິ​ທະ​ຍາ​ໄລ ຈອດ​ສ໌ ວ​ໍ​ຊິງ​ຕັນ ນະ​ຄອນ​ຫຼວງວໍ​ຊິງ​ຕັນ.
ຫໍ​ພິ​ພິດ​ທະ​ພັນ​ຜ້າ​ແພ​ພື້ນ​ເມືອງ​ໂລກ ທີ່ ມະ​ຫາ​ວິ​ທະ​ຍາ​ໄລ ຈອດ​ສ໌ ວ​ໍ​ຊິງ​ຕັນ ນະ​ຄອນ​ຫຼວງວໍ​ຊິງ​ຕັນ.

ຄວາມເຫັນຂອງທ່ານ

ສະແດງຄວາມເຫັນໃຫ້ເບິ່ງ

ທ່ານອາດຈະມັກເລື້ອງນີ້ຄືກັນ

XS
SM
MD
LG