ທ່ານ John Kerry ລັດຖະມົນຕີການຕ່າງປະເທດສະຫະລັດ
ກ່າວວ່າ ການບັນລຸຂໍ້ຕົກລົງຄອງອຳນາດຮ່ວມກັນ ແລະການ
ໂອນອຳນາດດ້ານການເມືອງຢ່າງສຳເລັດຜົນ ໃນອັຟການິສ
ຖານ ສາມາດເປັນຈຸດຫົວລ້ຽວຫົວຕໍ່ ສຳລັບປະເທດໃນເຂດ
ເອເຊຍໃຕ້ ທີ່ໄດ້ຖືກສົງຄາມ ທຳລາຍຢ່າງໜັກ ແຫ່ງນັ້ນ.
ນັກການທູດຂັ້ນສູງສຸດຂອງສະຫະລັດ ໄດ້ຫຼິ້ນບົດບາດອັນສຳ
ຄັນໃນການຊ່ອຍເຈລະຈາໃຫ້ມີຂໍ້ຕົກລົງແບ່ງປັນອຳນາດກັນ
ຊຶ່ງພາຍໃຕ້ຂໍ້ຕົກລົງດັ່ງກ່າວນັ້ນ ຜູ້ສະໝັກເລືອກຕັ້ງສອງທ່ານ
ທີ່ມີບັນຫາຂັດແຍ້ງກັນ ໃນການເລືອກຕັ້ງປະທານາທິບໍດີ ໄດ້
ຕົກລົງກັນ ປະກອບລັດຖະບານສາມັກຄີຊາດຂຶ້ນນັ້ນ.
ໃນທ້າຍເດືອນຜ່ານມານີ້ ທ່ານ Ashraf Ghani ໄດ້ສາບານໂຕເຂົ້າຮັບຕຳແໜ່ງປະທາ
ນາທິບໍດີ ຂຶ້ນແທນປະທານາທິບໍດີHamid Karzai ທີ່ພົ້ນຈາກຕຳແໜ່ງໄປ ແລະທ່ານ Abdullah Abdullah ໄດ້ຂຶ້ນດຳລົງຕຳແໜ່ງເປັນຫົວໜ້າບໍລິຫານ ອັນເປັນຕຳແໜ່ງ
ໃໝ່ທີ່ຄ້າຍໆຄືກັນກັບນາຍົກລັດຖະມົນຕີ.
ໃນການໃຫ້ສຳພາດກັບພະແນກອັຟການິສຖານຂອງວີໂອເອ ທ່ານ Kerry ໄດ້ກ່າວຍ້ອງ
ຍໍຄວາມເປັນລັດຖະບຸລຸດຂອງພວກຜູ້ນຳທັງສອງທີ່ທ່ານກ່າວວ່າ “ໄດ້ມາຮ່ວມກັນ
ດ້ວຍຄວາມສຳນຶກຢ່າງເລິກເຊິ່ງວ່າ ພວກເຂົາເຈົ້າຈຳເປັນຕ້ອງເປັນຜູ້ຮັກຊາດ
ແລະຕ້ອງຍົກລະດັບຂອງ ອັຟການິສຖານຂຶ້ນ.”
