ການຕິດຕໍ່ໂດຍກົງ ກັບປະຊາຊົນຢູ່ໃນທົ່ວໂລກ ໂດຍທາງວິທຍຸ ຈະຮັບໃຊ້ຜົນປະໂຫຍດໄລຍະຍາວ ຂອງສະຫະລັດ. ເພື່ອໃຫ້ໄດ້ຮັບປະສິດທິຜົນນັ້ນ ສຽງອາເມຣິກາຫຼື VOA ຈະຕ້ອງໄດ້ຮັບຄວາມສົນໃຈ ແລະໄດ້ຮັບຄວາມນັບຖືຂອງບັນດາຜູ້ຟັງ. ເພາະສະນັ້ນ ຫລັກການເຫຼົ່ານີ້ ຈຶ່ງຈະຄຸ້ມຄອງລາຍການອອກອາກາດ ຂອງສຽງອາເມຣິກາ.
1. ສຽງອາເມຣິກາ ຫຼື VOA ຈະຕ້ອງເປັນແຫລ່ງຂ່າວທີ່ໜ້າເຊື່ອຖື ແລະບໍ່ມີຄວາມສົງໄສ. ຂ່າວຂອງ VOA ຈະເປັນຂ່າວທີ່ຖືກຕ້ອງ ບໍ່ເຂົ້າຂ້າງອອກຂາ ແລະຄົບຖ້ວນ
2. ສຽງອາເມຣິກາ ຫຼື VOA ຈະຕາງໜ້າໃຫ້ອາເມຣິກາ ບໍ່ພຽງແຕ່ສ່ວນໃດສ່ວນນຶ່ງຂອງສັງຄົມອາເມຣິກາ ແລະເພາະສະນັ້ນ ຈຶ່ງຈະສະເໜີແນວຄິດ ແລະສະຖາບັນແບບມີຄວາມກ້ຳເກິ່ງແລະຄົບຖ້ວນ.
3.ສຽງອາເມຣິກາ ຫຼື VOA ຈະສະເໜີນະໂຍບາຍຂອງສະຫະລັດຢ່າງແຈ້ງຂາວ ແລະມີປະສິດທິຜົນ ແລະຍັງຈະສະເໜີການສົນທະນາ ແລະຄວາມຄິດຄວາມເຫັນ ແບບມີຄວາມຮັບຜິດຊອບກ່ຽວກັບນະໂຍບາຍເຫລົ່ານີ້.