H5N1 ເປັນຊື່ຂອງເຊື້ອໄຂ້ຫວັດສັດປີກ ທີ່ມັກພົບເຫັນຢູ່ໃນຝູງສັດປີກທີ່ມີການຕິດ
ເຊື້ອ ຢູ່ໃນເຂດເອເຊຍຕາເວັນອອກສຽງໃຕ້ ແຕ່ວ່າ ເປັນເຊື້ອໄວຣັສ ທີ່ບໍ່ຄ່ອຍມັກ
ຈະຕິດໃສ່ຄົນ. ແຕ່ເມື່ອໃດມັນຫາກຕິດ ໃສ່ຄົນແລ້ວ ໄຂ້ຫວັດສັດປີກຊະນິດນີ້ ໄດ້
ສະແດງໃຫ້ເຫັນວ່າ ມັນສາ ມາດພາໃຫ້ມີການຕິດຕໍ່ໄດ້ຢ່າງງ່າຍດາຍແລະກໍມີ
ຄວາມຮ້າຍແຮງຊຶ່ງເຮັດໃຫ້ຈໍານວນຄົນປ່ວຍຍ້ອນພະຍາດນີ້ ເສຍຊີວິດຫລາຍເຖິງ
60%.
ແຕ່ໃນການທົດລອງທາງດ້ານການແພດ ທີ່ມີລັກສະນະພິເສດອັນນຶ່ງ ພວກນັກວິດ
ທະຍາສາດ ທີ່ມະຫາວິທະຍາໄລວິດຄອນຊິນ ຢູ່ເມືອງເມດີຊັນ ແລະສູນກາງການ
ແພດຂອງມະຫາວິທະຍາໄລ Erasmus ທີ່ປະເທດເນເທີແລນ ໄດ້ອອກແບບສາຍ
ພັນຊະນິດນຶ່ງຂອງເຊື້ອ H5N1 ທີ່ຕິດແປດໄດ້ຢ່າງງ່າຍຂຶ້ນລະຫວ່າງສັດທີ່ລ້ຽງລູກ
ດ້ວຍນໍ້ານົມດ້ວຍກັນ ກວ່າສາຍພັນອັນດັ້ງເດີມ ຊຶ່ງໝາຍຄວາມວ່າ ບາງສາຍພັນ
ຍັງມີຄວາມສາມາດຕິດແປດໃສ່ມະນຸດງ່າຍຂຶ້ນອີກດ້ວຍ.
ເນື່ອງຈາກຄວາມອາດເປັນໄປໄດ້ອັນນີ້ ໄດ້ເຮັດໃຫ້ທີ່ປຶກສາດ້ານຄວາມປອດໄພ
ທາງຊີວະສາດຂອງລັດຖະບານ ມີຄວາມເປັນຫ່ວງ.
ວາລະສານ Science ຫລື ວິດທະຍາສາດທີ່ມີສຳນັກງານຕັ້ງຢູ່ສະຫະລັດ ແລະວາ
ລະສານ Nature ຂອງອັງກິດ ໄດ້ຖືກຂໍຮ້ອງຈາກລັດຖະບານສະຫະລັດ ບໍ່ໃຫ້ພິມ
ລາຍລະອຽດໃດນຶ່ງ ຂອງວິທີການທົດລອງດັ່ງກ່າວ ເພາະວ່າ ຂໍ້ມູນເຫຼົ່ານີ້ອາດສາ
ມາດຖືກພວກກໍ່ການຮ້າຍນໍາເອົາໄປໃຊ້ຜະລິດອາວຸດຊີວະພາບໄດ້.
ການຄົ້ນຄວ້ານີ້ ໄດ້ຮັບເງິນຊ່ວຍເຫລືອຈາກລັດຖະບານສະຫະລັດ. Dr. Anthony Fauci, ຜູ້ອໍານວຍການສະຖາບັນສຶກສາກ່ຽວກັບອາ ການແພ້ຕ່າງໆ ແລະພະຍາດຕິດຕໍ່ແຫ່ງຊາດສະຫະລັດ ກ່າວວ່າ ການຄົ້ນຄວ້າດັ່ງກ່າວ ໄດ້ຮັບທຶນຊ່ວຍເຫລືອຍ້ອນວ່າ ເຊື້ອໄວຣັສ ແມ່ນບັນຫາຂອງສ່ວນລວມທີ່ສົມຄວນໄດ້ຮັບການເອົາໃຈໃສ່.
ແຕ່ຢ່າງໃດກໍຕາມ Dr. Fauci ກໍເຊື່ອວ່າ ລັດຖະບານຍັງມີໜ້າທີ່ຮັບ ຜິດຊອບໃນການຄວບຄຸມ ຜົນຂອງການທົດລອງດັ່ງກ່າວນັ້ນ.
Dr. Fauci ໃຫ້ຄໍາເຫັນວ່າ “ເຮົາຕ້ອງສູ້ຊົນເຮັດໃຫ້ມີຄວາມດຸ່ນດ່ຽງທີ່ລະອຽດອ່ອນ ລະຫວ່າງການເຮັດໃຫ້ຂໍ້ມູນມີໄວ້ສຳຫຼັບພວກທີ່ມີຄວາມຕ້ອງການຮູ້ ເພື່ອໃຊ້ເຂົ້າໃນດ້ານສຸຂະພາບຂອງສາທາລະນະຊົນ ກັບ ການທີ່ບໍ່ໃຫ້ມັນມີຢ່າງເສລີຫລາຍເກີນໄປ ຈົນເຖິງຂັ້ນວ່າ ຜູ້ໃດກໍໄດ້ ແມ່ນແຕ່ຜູ້ທີ່ບໍ່ສົມຄວນຮູ້ ກໍສາມາດເຂົ້າເຖິງຂໍ້ມູນນັ້ນໄດ້.”
ຫົວໜ້າ ບັນນາທິການຂອງວາລະສານ Science, Dr. Bruce Alberts ເວົ້າວ່າ ສະພາບອັນນີ້ ເປັນວາລະໂອກາດສໍາຄັນ ຢູ່ໃນປະ ຫວັດສາດຂອງການພິມເຜີຍແຜ່ທາງວິດທະຍາສາດ. ທ່ານກ່າວວ່າ ການຄົ້ນຄວ້າດັ່ງກ່າວນີ້ ແລະ ການຕັດສິນໃຈຂອງ ວາລະສານ Science ແລະວາລະສານ Nature ຂອງອັງກິດ ວ່າຈະພິມເຜີຍແຜ່ມັນແນວໃດ ຈະເປັນການຕັ້ງຂໍ້ກໍານົດເທື່ອທໍາອິດ ໃຫ້ແກ່ການພິມເຜີຍແຜ່ໃນອະນາຄົດຂ້າງໜ້າ.
Dr. Alberts ເວົ້າວ່າ ມີທ່າທາງວ່າ ສະພາບການຂົ່ມຂູ່ຂອງພວກກໍ່ ການຮ້າຍທີ່ມີຢູ່ຢ່າງແຜ່ຫລາຍນັ້ນ ອາດຈະເຮັດໃຫ້ການກີດກັນບໍ່ໃຫ້ພວກນັກວິທະຍາສາດ ມີຊ່ອງທາງເຂົ້າເຖິງຂໍ້ມູນທາງວິດທະຍາສາດ ເກີດຂຶ້ນອີກກໍໄດ້ໃນອານາຄົດ.
ການສຶກສາກ່ຽວກັບເຊື້ອ H5N1 ໄດ້ສືບຕໍ່ສະແດງໃຫ້ເຫັນວ່າ ມັນເປັນ ການງ່າຍທີ່ຈະພັດທະນາຫຼືປັບປ່ຽນເຊື້ອໄວຣັສຊະນິດນີ້ ກ້າວເຂົ້າໄປ ສູ່ສະພາບທີ່ສາມາດແຜ່ຜາຍໄດ້ ໂດຍຜ່ານອາກາດ ຍ້ອນການໄອ ຫລືຈາມ ຊຶ່ງສາມາດກາຍເປັນໂຣກລະບາດຮ້າຍແຮງໄດ້.
Dr. Alberts ກ່າວອີກວ່າ ສະນັ້ນແລ້ວ ລັດຖະບານສະຫະລັດຈຶ່ງໄດ້ໃຫ້ທຶນຊ່ວຍເຫລືອແກ່ການຄົ້ນຄວ້ານີ້ ເປັນຜູ້ທໍາອິດ. ພວກນັກວິດທະ ຍາສາດ ຢາກເຂົ້າໃຈເຊື້ອໄວຣັສ ໃນຮູບແບບທີ່ກັນດານທີ່ສຸດ ເພື່ອວ່າພວກເຂົາເຈົ້າຈະສາມາດ ເລີ້ມເຮັດວຽກໃນການຜະລິດຢາ ແລະຢາວັກຊິນຕ້ານເຊື້ອໄຂ້ຫວັດສັດປີກສາຍພັນ H5N1 ເພື່ອປ້ອງກັນການລະບາດຢ່າງຮ້າຍແຮງ ໄປທົ່ວໂລກ.
ແຕ່ວ່າ ພວກວິພາກວິຈານເວົ້າວ່າ ຂໍ້ຈໍາກັດໃນການພິມເຜີຍແຜ່ການ ຄົ້ນຄວ້າ ໄດ້ກໍ່ໃຫ້ເກີດມີຄວາມເປັນຫ່ວງ ທີ່ຖືກຕ້ອງເໝາະສົມຕາມ ກົດໝາຍ ກ່ຽວກັບວ່າໃຜຄວນໄດ້ຮັບອະນຸຍາດເຂົ້າເຖິງຄວາມຮູ້ນັ້ນ ໄດ້. ທ່ານ Paul Roepe ຜູ້ອໍານວຍການຮ່ວມຂອງສູນກາງພະຍາດຕິດຕໍ່ ເວົ້າວ່າ ເຊື້ອໄວຣັສເຫລົ່ານີ້ ມັກຈະປ່ຽນຮູບໃໝ່ຢູ່ເລື້ອຍໆ. ບໍ່ ຊ້າກໍນານ ທ່ານເຊື່ອວ່າ ພວກນັກໄວຣັສວິທະຍາ ທັງໝົດຢູ່ທົ່ວໂລກ ຈະສາມາດຄິດອອກ ກ່ຽວກັບການປ່ຽນແປງຂອງສາຍພັນ H5N1.
ການບໍ່ເຫັນດີເຫັນພ້ອມນໍາ ກ່ຽວກັບການເກັບຮັກສາເຊື້ອໄວຣັສສາຍພັນໃໝ່ H5N1 ໄວ້ຢູ່ໃນຫ້ອງທົດລອງທີ່ຮັບປະກັນຄວາມປອດໄພໃນສະຫະລັດ ແລະຢູໂຣບ ຍັງໄດ້ສ້າງຄວາມວິຕົກກັງວົນກ່ຽວກັບຄວາມ ເປັນໄປໄດ້ວ່າ ເຊື້ອໄວຣັສສາຍພັນໃໝ່ ອາດຫລົບໜີໄປ ຫລືຖືກລັກເອົາໄປ ດັ່ງນັ້ນຈຶ່ງພາໃຫ້ມີຮຽກຮ້ອງ ເຮັດໃຫ້ສະຖານຄົ້ນຄວ້າເຫຼົ່ານີ້ມີຄວາມປອດໄພເພີ່ມຂຶ້ນ.
