ລິ້ງ ສຳຫລັບເຂົ້າຫາ

logo-print

ຄວາມ​ຮຸ​ນ​ແຮງ ​ຍັງ​ເກີດ​ຂຶ້ນ ຢູ່ ຟິ​ລິບ​ປິນ ເຖິງ​ແມ່ນ ມີ​ຂໍ້​ຕົກ​ລົງ​ ປົກ​ຄອງ​ຕົນ​ເອງ ກັບ​ຊາວ​ມຸ​ສ​ລິມ


ປະ​ທານ​າ​ທິບ​ໍ​ດີ ທ່ານ​ໂຣດ​ຣິ​ໂກ ດູ​ເຕີ​ເຕ (ກາງ) ແລະ​ບັນ​ດາ​ຜູ້​ນຳ​ ມຸ​ສ​ລິມ ວັນ​ທີ 6 ສິງ​ຫາ 2018.

ຄວາມ​ຮຸ​ນ​ແຮງ​ເຖິງ​ຕາຍ​ໄດ້​ປາ​ກົດ​ອອກ​ມາ​ຢູ່​ໃນ​ພາກ​ສ່ວນຂອງ​ເຂດ​ທີ່ວຸ້ນວາຍ ທາງ​
ພາກ​ໃຕ້​ຂອງ​ປະ​ເທດ​ຟິ​ລິບ​ປິນ ເຖິງ​ແມ່ນ​ວ່າ​ມີ​ຂໍ້​ຕົກ​ລົງ​ແບ່ງ​ປັນ​ການປົກ​ຄອງ​ຕົນ​ເອງ
​ກັບບັນ​ດາ​ກຸ່ມມຸ​ສ​ລິມ​ທ້ອງ​ຖິ່ນ ແລະ​ພວກ​ເຈົ້າ​ໜ້າ​ທີ່​ ທີ່​ກຳ​ລັງ​ສີ້ງ​ຊອມ​ເບິ່ງ​ການ​ກໍ່​ການ​
ຮ້າຍ​ໂດຍກຸ່ມ​ການ​ເມືອງ​ທີ່​ບໍ່​ໄດ້​ຮວມ​ຢູ່​ໃນ​ຂໍ້​ຕົກ​ລົງ.

ໃນ​ທ້າຍ​ເດືອນ​ສິງ​ຫາ ແລະ​ຕົ້ນ​ເດືອນ​ກັນ​ຍາ ໄດ້​ມີ​ລະ​ເບີດ​ແຕກ​ຂື້ນ​ສອງ​ຄັ້ງ​ຢູ່ແຂວງ
ຊອ​ລ​ຕັນ ກູ​ດາ​ຣັ​ຕ ທາງພາກ​ໃຕ້​ຂອງ​ຟິ​ລິບ​ປິນ. ລະ​ເບີດ​ລູກ​ນຶ່ງ​ໄດ້​ເຮັດ​ໃຫ້​ສອງ​ຄົນ
​ເສຍ​ຊີ​ວິດ ແລະ​ໄດ້​ຮັບ​ບາດ​ເຈັບ 30 ຄົນ ​ທີ່ສື່​ມວນ​ຊົນທ້ອງ​ຖິ່ນ​ໄດ້​ລາຍງານ. ລະ​ເບີດ
​ອີກ​ລູກ​ນຶ່ງ​ໄດ້​ສັງ​ຫ​ານ​ສາມ​ຄົນ. ໃນ​ກາງ​ເດືອນ​ກັນ​ຍາ “ລະ​ເບີດ​ທີ່​ເຮັດ​ເອົາ​ເອງ” ໄດ້​
ເຮັດ​ໃຫ້​ມີ​ຜູ້​ໄດ້​ຮັບ​ບາດ​ເຈັບ​ເຈັດ​ຄົນ ເວ​ລາ​ມັນ​ແຕກ​ຂຶ້ນຢູ່ເມືອງ​ເຈ​ເນ​ຣານ ແຊນ​ຕົ​ສ.
ພວກ​ທະ​ຫານ​ໄດ້​ພົບ​ເຫັນການ​ລະ​ດົມພວກ​ກະ​ບົດ​ອື່ນໆ​ໃນ​ວັນ​ທີ 21 ກັນ​ຍາ ອັນ​ທີ່​
ເຂົາ​ເຈົ້າ​ຢ້ານ​ວ່າ​ໄດ້​ເປັນ​ການ​ໂຈມ​ຕີ​.

ແຜນ​ທີ່​ເກາະ​ມິນ​ດາ​ນາວ ປະ​ເທ​ດຟິ​ລິບ​ປິນ.
ແຜນ​ທີ່​ເກາະ​ມິນ​ດາ​ນາວ ປະ​ເທ​ດຟິ​ລິບ​ປິນ.

ການ​ໂຈມ​ຕີ​ຫຼັງ​ຈາກ​ຫຼາຍ​ທົດ​ສະ​ວັດ​ຂອງ​ຄວາມ​ຮຸນ​ແຮງ​ຢູ່​ເກາະ​ມິນ​ດາ​ນາວ ບ່ອນ​ທີ່​
ປະ​ມານ 120,000 ຄົນ​ໄດ້​ເສຍ​ຊີ​ວິດ​ເນື່ອງ​ຈາກ​ການ​ສູ້​ລົບ​ໂດ​ພວກ​ກະ​ບົດ​ມຸ​ສ​ລິມ ຜູ້​
ທີ່​ຕ້ອງການຈະ​ຄວ​ບ​ຄຸມຊັບ​ພະ​ຍ​າ​ກອນ​ຫຼາຍ​ຂຶ້ນ​ເພື່​ອໃນ​ປ​ະ​ເທດ​ທີ​ມີ​ຊາວຄ​ຣິ​ສ​ສ່ວນ
ເປັນ​ຊົນ​ກຸ່ມ​ໃຫຍ່.

ໃນ​ເດືອນ​ສິງຫາທີ່​ຜ່ານ​ມາ ​ລັດ​ຖະ​ບານ​ໄດ້​ຮັບ​ຮູ້​ເອົາ​ກົດ​ໝາຍ​ຄັ້ງປະ​ຫວັດ​ສາດ ທີ່​ໃຫ້
ຊາວ​ມຸ​ສ​ລິມ​ມີ​ສິດ​ໃນ​ການ​ຄວບ​ຄຸມເກາະ​ມິນ​ດາ​ນາວ​ຫຼາຍ​ຂຶ້ນ. ແຕ່​ວ່າ ພວກ​ກະ​ບົດ​ທັງ
ໝົດ 20 ກຸ່ມ​ບໍ່​ໄດ້​ຮວມ​ຢູ່​ນຳ.

ພວກ​ນັກ​ວິ​ເຄາະ​ກ່າວ​ວ່າ ພວກ​ກະ​ບົດ​ຜູ້​ມີ​ຄວາມ​ຮູ້​ສຶກຖືກປະ​ຕິ​ເສດ ໄດ້​ພາ​ກັນ​ລຸກ​ຂຶ້ນ
ຕໍ່ສູ້​ຕ້ານ. ເຂົາ​ເຈົ້າ​ກ່າວ​ວ່າ ຈຳ​ນວນ​ນຶ່ງ​ໄດ້​ບັນ​ດານ​ໃຈ​ໂດຍ​ລັດ​ອິ​ສ​ລາມ ທີ່​ເປັນ​ກຸ່ມ​ກໍ່
ການ​ຮ້າຍ​ຕາ​ເວັນ​ອອກ​ກາງ ທີ່​ໄດ້​ພະ​ຍາ​ຍາມ​ໃນ​ສອງ​ສາມ​ປີ​ທີ່​ຜ່ານ​ມາ ເພື່ອ​ຂະ​ຫຍາຍ
​ຢູ່​ໃນ​ເອ​ເຊຍ​ອາ​ຄະ​ເນ.

ອ່າ​ນ​ຂ່າວ​ນີ້​ເປັນ​ພາ​ສາ​ອັງ​ກິດ

ທ່ານອາດຈະມັກເລື້ອງນີ້ຄືກັນ

XS
SM
MD
LG