ການພົບເຫັນຢ່າງໜ້ອຍ 20 ສົບຢູ່ຕາມຖະໜົນຫົນທາງ ໃນ
ນະຄອນຫລວງ ບູຣຸນດີໃນວັນເສົາມື້ນີ້ ນຶ່ງມື້ຫລັງຈາກພວກມື
ປືນໄດ້ທຳການໂຈມຕີແບບມີການ ປະສານງານກັນ ຕໍ່ຄ້າຍ
ທະຫານ 3 ແຫ່ງໃນນະຄອນຫຼວງ.
ສົບເຫລົ່ານີ້ໄດ້ພົບເຫັນຢູ່ຄຸ້ມ Nyakabiga ໃນນະຄອນຫລວງ
ບູຈຸມບູຣາ. ຍັງບໍ່ທັນເປັນທີ່ຈະແຈ້ງເທື່ອວ່າ ແມ່ນໃຜເປັນຜູຸ້ສັງ
ຫານຜູ້ຄົນຈຸນີ້. ຜູ້ທີ່ເຫັນເຫດການ ຄົນນຶ່ງ ກ່າວຕຍໍ່ອົງການ
ຂ່າວເອພີວ່າ ພວກເຄາະຮ້າຍບາງຄົນຖືກມັດມືໄວ້ຂ້າງ ຫລັງ.
ໃນວັນສຸກວານນີ້ ການໂຈມຕີຄ້າຍທະຫານ ເຮັດໃຫ້ພວກໂຈມ
ຕີ 12 ຄົນຖືກຂ້າ ຕາຍ.ໂຄສົກກອງທັບບູຣຸນດີ ພັນເອກ Gaspard Baratuza ກ່າວຢູ່
ໃນຖະແຫລງການວ່າ ພວກໂຈມຕີ 21 ຄົນຖືກຈັບໄດ້ ພ້ອມດ້ວຍອາວຸດແລະລະເບີດ.
ທ່ານກ່າວວ່າ ທະຫານຫ້າຄົນໄດ້ຮັບບາດເຈັບ. ເຖິງຢ່າງໃດກໍດີ ພວກທະຫານທີ່ຂໍສະ
ຫງວນຊື່ ກ່າວວ່າ ຢ່າງໜ້ອຍທະຫານສາມຄົນໄດ້ເສຍຊີວິດ.
ເລຂາທິການໃຫຍ່ ສະຫະປະຊາຊາດ ທ່ານ Ban Ki-moon
ກ່າວວ່າ ຄວາມຮຸນແຮງແມ່ນມີຄວາມສ່ຽງ ທີ່ຈະເຮັດໃຫ້ “ສະ
ຖານະການຢູ່ໃນບູຣຸນດີ ບໍ່ມີສະ ຖຽນລະພາບຕື່ມຂຶ້ນ.” ທ່ານ
Ban ໄດ້ຮຽກຮ້ອງໃຫ້ “ຄະນະນຳພາ” ຂອງກຸ່ມເຫລົ່ານີ້ ແລະ
ບັນດາເຈົ້າໜ້າທີ່ແຫ່ງຊາດລະເວັ້ນຈາກການເພີ້ມທະວີຄວາມ
ຮຸນແຮງໃດໆ” ອີງຕາມໂຄສົກຂອງທ່ານແລະໄດ້ເຕືອນວ່າ “ຜູ້
ໃດກໍຕາມທີ່ຮັບຜິດ ຊອບຕໍ່ການສັ່ງ ຫລື ກໍ່ຄວາມຮຸນແຮງດ້ານ
ສິດທິມະນຸດ ຈະຕ້ອງເປັນຜູ້ຄວາມຮັບຜິດຊອບ.”
ເອກອັກຄະລັດຖະທູດສະຫະລັດປະຈຳສະຫະປະຊາຊາດ ທ່ານນາງ Samantha
Power ກ່າວວ່າ “ການສົນທະນາຫາລືທາງດ້ານການເມຶອງລະດັບສູງ” ຈຳເປັນຕ້ອງໄດ້
ເລີ້ມໃນທັນທີ ລະຫວ່າງລັດຖະບານແລະຝ່າຍຄ້ານ “ເພື່ອຜ່ອນ ຄາຍສະຖານະການ”
ຫລືບໍ່ດັ່ງນັ້ນ ກໍສ່ຽງຕໍ່ການເຮັດໃຫ້ສະຖານະການ “ກາຍ ເປັນຄວາມຮຸນແຮງຂະໜາດໃຫຍ່.”
