ສານຫວຽດນາມໄດ້ຕັດສິນລົງໂທດຄຸນພໍ່ຂອງສາສະໜາໂປຣແຕັສຕັງ ນິກາຍເມັນໂນໄນ
ໃຫ້ຕິດຄຸກເຖິງ 11 ປີ ຍ້ອນບ່ອນທຳລາຍຄວາມ ສາມັກຄີແຫ່ງຊາດ.
ສື່ມວນຊົນຂອງທາງການຫວຽດນາມ ລາຍງານໃນວັນອັງຄານນີ້ວ່າ ຄຸນພໍ່ Nguyen
Cong Chinh ໄດ້ຖືກພົບເຫັນວ່າມີຄວາມຜິດໃນການຂຽນ ແລະນຳເຜີຍແຜ່ເອກກະສານ
ທີ່ກ່າວໂຈມຕີເຈົ້າໜ້າທີ່ລັດ ຖະບານ ແລະ “ບິດເບືອນກ່ຽວກັບສະຖານະການ ພາຍໃນ
ປະເທດ ຂອງຫວຽດນາມ.” ນອກນັ້ນຄຸນພໍ່ Chinh ຍັງຖືກກ່າວຫາວ່າມີສ່ວນພົວພັນ
ກັບກຸ່ມຕໍ່ຕ້ານລັດຖະບານ.
ໂດຍສະເພາະຢ່າງຍິງແລ້ວ ມີລາຍງານວ່າ ຄຸນພໍ່ Chinh ໄດ້ຮ້ອງ ທຸກຊໍ້າແລ້ວຊໍ້າອີກໄປ
ຍັງອົງການຈັດຕັ້ງຢູ່ນອກປະເທດ ກ່ຽວກັບການກ່າວຫາວ່າຫວຽດນາມໄດ້ປະພຶດປະຕິ
ບັດແບບບໍ່ຖືກຕ້ອງຕໍ່ພວກ ນັບຖືສາສະໜາກຸ່ມນ້ອຍແລະການຂາດເສລີພາບໃນການ
ນັບຖືສາສະໜາ.
ຄຸນພໍ່ Chinh ອາຍຸ 43 ປີ ໄດ້ຖືກຈັບໃນປີກາຍນີ້ ຢູ່ທີ່ແຂວງ Gia Lai ໃນເຂດພາກ
ກາງຂອງຫວຽດນາມ ແລະໄດ້ມີການພົບເຫັນວ່າຄຸນພໍ່ Chinh ມີຄວາມຜິດໃນມື້ວັນ
ຈັນວານນີ້ ລຸນຫຼັງການຄະດີແບບສັ້ນໆນຶ່ງມື້.
ກຸ່ມປົກປ້ອງສິດທິມະນຸດ Human Rights Watch ທີ່ມີສຳນັກງານໃນສະຫະລັດກ່າວ
ວ່າ ການຕັດສິນໂທດຄຸນພໍ່ Chinh “ເປັນການສະແດງອອກໃຫ້ເຫັນອີກຄັ້ງນຶ່ງ” ທີ່ຫວຽດ
ນາມບໍ່ໃຫ້ການນັບຖືອິດສະຫຼະ ພາບໃນການເຊື່ອຖືສາສນາ.