ຊາວຫວຽດນາມ ເກືອບ 140,000 ຄົນ ໄດ້ພາກັນລົງນາມ ໃນໜັງສືຮ້ອງຮຽນໃຫ້ລັດຖະ ບານທ່ານໂອບາມາ ທຳການສືບສວນຢ່າງເປັນອິດສະຫຼະ ເບິ່ງໄພພິບັດຕໍ່ສິ່ງແວດລ້ອມ ທີ່ເຮັດໃຫ້ປາເປັນຈຳນວນຫຼວງຫຼາຍຕາຍ ຢູ່ໃນເຂດແຄມຝັ່ງທະເລ ທາງພາກກາງຂອງ ຫວຽດນາມ.
ການເຄື່ອນໄຫວດັ່ງກ່າວມີຂຶ້ນໃນຂະນະທີ່ປະເທດໃນເຂດເອເຊຍຕາເວັນອອກສຽງໃຕ້ ແຫ່ງນີ້ ພວມດີ້ນຮົນຢາກຮູ້ຈັກວ່າ ແມ່ນຜູ້ໃດ ຫລືແມ່ນຫຍັງແທ້ ທີ່ເຮັດໃຫ້ປາ ຈຳນວນຫລາຍໆລ້ານໂຕຕາຍແລະເປັນຜົນກະທົບຕໍ່ຊີວິດການເປັນຢູ່ຂອງປະຊາຊົນໃນເຂດດັ່ງ ກ່າວ.
ໃນເວັບໄຊ ພວກເຮົາປະຊາຊົນ ຫຼື We the People ທີ່ບໍລິຫານງານໂດຍທຳນຽບຂາວ ນັ້ນ ພວກຮ້ອງຮຽນກຸ່ມນຶ່ງທີ່ອ້າງຕົນເອງວ່ າມາຈາກແຂວງຮາຕິນ ຊຶ່ງເປັນເຂດທີ່ໄດ້ຮັບຜົນກະທົບຮ້າຍແຮງສຸດ ເຂດນຶ່ງນັ້ນ ຮຽກຮ້ອງໃຫ້ສະຫະລັດ ສະໜອງການຊັ່ງຊາ ຢ່າງ ເປັນອິດສະຫຼະກ່ຽວກັບໂຮງງານເຫລັກຊຶ່ງຕັ້ງຢູ່ໃນໃຈກາງຂອງເຂດທີ່ເກີດບັນຫານັ້ນ.
ມີການອ້າງຊື່ບໍລິສັດ Formosa Plastics ໃນໜັງສືຮ້ອງຮຽນດັ່ງກ່າວ ເຖິງແມ່ນວ່າການສືບສວນ ທີ່ຮຽກຮ້ອງໃຫ້ມີຂຶ້ນໂດຍທາງການຮາໂນ່ຍ ຍັງບໍ່ທັນພົບເຫັນວ່າ ມີການເຊື່ອມໂຍງກັນເທື່ອ ກ່ຽວກັບການຕາຍເປັນຈຳນວນຫລວງຫລາຍຂອງປາແລະໂຮງງານເຫລັກມູນຄ່າ 10 ພັນ 600 ລ້ານໂດລາ ທີ່ບໍລິຫານງານໂດຍກຸ່ມບໍລິສັດຈາກແຂວງຮາຕິນ.
ຜູ້ຕາງໜ້າຂອງບໍລິສັດ Formosa ບໍ່ໄດ້ໃຫ້ຄຳຕອບຕໍ່ການຮ້ອງຂໍຄວາມເຫັນຂອງວີໂອ ເອກ່ຽວກັບການວິພາກວິຈານ ທີ່ແນໃສ່ບໍລິສັດຂອງເຂົາເຈົ້າກ່ອນທີ່ຈະອອກຂ່າວນັ້ນ.
ການສືບສວນໃນຂັ້ນຕົ້ນກ່ຽວກັບການຕາຍຢ່າງລຶກລັບເປັນຈຳນວນຫຼວງຫຼາຍຊຶ່ງໄດ້ປະ ກາດໂດຍອົງການປົກປ້ອງສິ່ງແວດລ້ອມຂອງຫວຽດນາມ ໄດ້ຖິ້ມໂທດໃສ່ ຟອງແດງ ຊຶ່ງເປັນປາກົດການທຳມະຊາດທີ່ຮູ້ກັນໃນນາມ ການລະບາດ ຂອງໄຄທະເລ ແລະສານພິດເຄມີຢູ່ໃນນ້ຳເສຍແມ່ນສອງສາເຫດທີ່ສຳຄັນ.
ທ່ານ Le An Hung ນັກເຄື່ອນໄຫວຕໍ່ຕ້ານຈີນທີ່ມີຊື່ສຽງຢູ່ທີ່ຮາໂນ່ຍ ກ່າວວ່າ ທ່ານໄດ້ ລົງນາມໃນໜັງສືຮ້ອງຮຽນດັ່ງກ່າວ ຫຼັງຈາກໄດ້ສູນເສຍຄວາມເຊື່ອໝັ້ນ ໃນດ້ານສິນທຳແລະຄວາມເປັນກາງ ຂອງພະແນກການຕ່າງໆຂອງຫວຽດນາມ.
