ນັກຂຽນຂ່າວລົງອິນເຕີແນັດຫວຽດນາມທີ່ມີຊື່ສຽງຄົນໜຶ່ງ ແລະຜູ້
ຊ່ວຍຂອງລາວ ໄດ້ຖືກດຳເນີນຄະດີຢູ່ໃນນະຄອນຫຼວງ Hanoi
ໃນວັນພຸດມື້ນີ້ ໃນຂໍ້ຫາພິມເຜີຍແຜ່ບົດຄວາມຕິຕຽນລັດຖະບານ.
ທ່ານ Nguyen Huu Vinh ແລະ Nguyen Thi Minh Thuy
ໄດ້ຖືກຄຸມຂັງມາ ນັບແຕ່ເຂົາເຈົ້າໄດ້ຖືກຈັບໃນປີ 2014. ບັນດາ
ໄອຍະການ ກ່າວວ່າ ບົດຄວາມຫລາຍໆສະບັບຂອງທ່ານ
Nguyen Huu Vinh ອາຍຸ 60 ປີນັ້ນ ທີ່ໄດ້ພິມເຜີຍແຜ່ທາງອິນ
ເຕີແນັດນັ້ນ ເປັນບົດຄວາມທີ່ບິດເບືອນ ເປັນແນວຄິດແຕ່ ພຽງ
ຂ້າງດຽວຂອງພັກຄອມມິວນິສ ທີ່ກຳລັງປົກຄອງປະເທດຢູ່ໃນເວລາ ຊຶ່ງຈະເປັນຜົນກະທົບຕໍ່ຄວາມເຊື່ອໝັ້ນຂອງປະຊາຊົນກັບບັນດາຜູ້ນຳຂອງຕົນ.
ທ່ານ Vinh ເປັນທີ່ຮູ້ກັນໃນອີກຊື່ນຶ່ງວ່າ Anh Ba Sam ໄດ້ເລີ້ມລາຍງານຂ່າວທາງອິນ
ເຕີແນັດ “Ba Sam” ຂຶ້ນໃນປີ 2007. ລາຍງານຂອງທາງໄດ້ເຊື່ອມຕໍ່ໃສ່ເລື້ອງຕ່າງໆ
ຈາກແຫລ່ງຂ່າວລັດຖະບານ ພ້ອມລາຍງານຂ່າວຂອງບັນດານັກເຄື່ອນໄຫວທັງຫລາຍ.
ບັນດາໄອຍະການ ກຳລັງຮຽກຮ້ອງໃຫ້ຈຳຄຸກທ່ານ Vinh ຫ້າຫາຫົກປີ ແລະສອງຫາສາມ
ປີແກ່ ທ່ານນາງ Thuy.
ບັນດາຜູ້ສະໜັບສະໜູນທ່ານ Vinh ຫລາຍສິບຄົນ ພາກັນເຕົ້າໂຮມກັນຢູ່ນອກສານ ໃນ
Hanoi ນະຄອນຫລວງຫວຽດນາມ ເພື່ອຮຽກຮ້ອງໃຫ້ປ່ອຍໂຕທ່ານ.
ບັນດາກຸ່ມປົກປ້ອງສິດທິມະນຸດ ໄດ້ຕິຕຽນຫວຽດນາມ ໃນການຈັບກຸມນັກຂຽນ ແລະບັນ
ດານັກເຄື່ອນໄຫວຕາມອຳເພີໃຈ ໃນການສະແດງແນວຄິດຂອງເຂົາເຈົ້າອອກມາແບບສັນຕິ.
