ຟັງລາຍງານໂດຍເຕັມ:
ຫລາຍໆມື້ກ່ອນຈະຮອດວັນແມ່ຍິງສາກົນ ຄືວັນທີ 8 ຜ່ານມານັ້ນ Dr. Thi Kim Dung ປະກາດວ່າ ຄລີນິກສ່ວນໂຕຂອງລາວຈະທໍາການ ຜ່າຕັດຟີ ມື້ນຶ່ງ ໃຫ້ພວກແມ່ຍິງ ເພື່ອຕົກແຕ່ງອະໄວຍະວະເພດໃຫ້ເບິ່ງຄືວ່າ ພວກເຂົາເຈົ້າຍັງເປັນສາວບໍລິສຸດຜຸດຜ່ອງຢູ່.
ຂັ້ນຕອນການຜ່າຕັດດັ່ງກ່າວ ກໍຄືການຫຍິບເນື້ອເຍື່ອອັດຊ່ອງຄອດ ຫລືທີ່ເອີ້ນວ່າ ເນື້ອເຍື່ອ
ພົມມະຈາລີ ທີ່ຖືກທໍາລາຍໃນລະຫວ່າງມີເພດສໍາພັນເທື່ອທໍາອິດ ຊຶ່ງພາໃຫ້ແມ່ຍິງມີເລືອດອອກມານັ້ນ.
ແພດຍິງ Dung ກ່າວວ່າ ຂັ້ນຕອນການຜ່າຕັດນີ້ ໄວແລະງ່າຍໆ ແລະແມ່ຍິງຫລາຍຄົນກໍ
ເຕັມໃຈທີ່ຈະຈ່າຍຄ່າຜ່າຕັດ ເຖິງແມ່ນລາຄາຈະຕົກຢູ່ປະມານ 300 - 350 ໂດລາກໍຕາມ.
ດຣ. Dung ກ່າວວ່າ ຜູ້ຊາຍບາງຄົນຢາກແຕ່ງງານກັບແມ່ຍິງພົມມະຈາລີຫລືບໍລິສຸດ ບໍ່ເຄີຍ
ມີເພດສໍາພັນມາກ່ອນ ໂດຍເຊື່ອວ່າມັນຈະນໍາໂຊກລາບມາໃຫ້ ແລະລາວຮູ້ສຶກໂກດແຄ້ນກັບ
ທ່າທີແບບນັ້ນ. ດຣ. ຢຸງ ກ່າວອີກວ່າ ລາວຢາກຊ່ວຍພວກແມ່ຍິງ ທີ່ບໍ່ໝັ້ນໃຈ ຍ້ອນວ່າ
ພວກເຂົາເຈົ້າມີເພດສໍາພັນມາແລ້ວກ່ອນແຕ່ງງານ ບໍ່ວ່າຈະເປັນດ້ວຍຄວາມສະມັກໃຈ ຫລື
ຖືກຂົ່ມຂືນກໍຕາມ.
ການຜ່າຕັດດັ່ງກ່າວນີ້ ກໍາລັງເປັນທີ່ນິຍົມກັນ. ດຣ. Dung ກ່າວວ່າ ເມື່ອຫ້າປີກ່ອນ ລາວມີ
ລູກຄ້າມາຜ່າຕັດພຽງນຶ່ງຫລືສອງຄົນຕໍ່ເດືອນ ແຕ່ມາບັດນີ້ ມີຫລາຍຂຶ້ນ ປະມານ 30 ຄົນ
ຕໍ່ເດືອນ.
ເຫດຜົນຂອງໂຕເລກທີ່ເພີ່ມຂຶ້ນນີ້
ຍັງຄຸມເຄືອຢູ່. ບາງຄົນໂຕ້ແຍ້ງ
ວ່າ ຢູ່ໃນຫວຽດນາມ ການຜ່າ
ຕັດແບບນັ້ນສາມາດໃຫ້ອໍານາດ
ແກ່ແມ່ຍິງເພີ່ມຂຶ້ນ ຍ້ອນວ່າມັນ
ໃຫ້ທາງເລືອກໃນການມີເພດສໍາ
ພັນກ່ອນແຕ່ງງານໄດ້້ ໂດຍຈະ
ບໍ່ທໍາລາຍໂອກາດທີ່ຈະຊອກຄູ່
ຄອງຜູ້ທີ່ຕົນມັກນັ້ນອີກ.
ໝໍ Dung ກ່າວວ່າ ແມ່ນແຕ່
ໃນກໍລະນີທີ່ພວກຜູ້ຊາຍອາດ
ເລືອກແຕ່ງງານກັບແມ່ຍິງທີ່ບໍ່
ບໍລິສຸດ ປະສົບການທາງເພດ
ສໍາພັນຂອງແມ່ຍິງກໍອາດສາ
ມາດກາຍເປັນຕົ້ນຕໍຂອງບັນ
ຫາຜົວເມຍຜິດກັນໄດ້ ໃນ
ອະນາຄົດ.
ນາງ Khuat Thu Hong ຜູ້ອໍານວຍການສະຖາບັນວິທະຍາສາດສັງຄົມ ໃນຫວຽດນາມກ່າວວ່າ ເຖິງແມ່ນວ່າຫວຽດນາມໄດ້ກາຍເປັນປະເທດເສລີເປີດກວ້າງທາງເພດສໍາພັນຫລາຍຂຶ້ນກໍຕາມ ແຕ່ກໍຍັງມີປະເພນີຄ່ານິຍົມໃນຄວາມສໍາຄັນຂອງຍິງພົມມະຈາລີນັ້ນຢູ່.
“ປັດຈຸບັນນີ້ ບໍ່ມີໃຜດອກທີ່ຈະປະຫລາດໃຈກ່ຽວກັບເລຶ່ອງມີເພດສໍາພັນກ່ອນ
ແຕ່ງງານ. ມັນຖືເປັນເລຶ່ອງທໍາມະດາໄປແລ້ວ ດັ່ງນັ້ນ ພວກຜູ້ຊາຍຈຶ່ງເຂົ້າໃຈ
ດີວ່າ ມັນຍາກທີ່ຈະຊອກຫາແມ່ຍິງບໍລິສຸດໄດ້. ແຕ່ວ່າໃນຄວາມເປັນຈິງແລ້ວ
ມັນແຕກຕ່າງໄປຈາກທີ່ພວກຄົນເວົ້າກັນ.”
ນອກນີ້ແລ້ວ ມັນກໍຍັງມີຄວາມຮຽກຮ້ອງຕ້ອງການການຜ່າຕັດຈາກພວກແມ່ຍິງ ທີ່ຖືກລະ
ເມີດທາງເພດ. ດຣ.Ngyuen Thu Giang ແພດຝ່າຍແມ່ຍິງ ກ່າວວ່າ ການຜ່າຕັດອາດ
ສາມາດຊ່ວຍປິ່ນປົວບາດແຜທີ່ໄດ້ຮັບຈາກ ຄວາມຊອກຊໍ້ານັ້ນໄດ້. ແຕ່ ດຣ. ຈຽງ ກ່າວວ່າ
ການບໍາບັດແບບນີ້ ບໍ່ຄືກັນກັບການສ້າງເຍື່ອພົມມະຈາລີຄືນໃໝ່ ໃຫ້ເປັນສາວບໍລິສຸດທຽມນັ້ນ.
“ມັນແຕກຕ່າງກັນ. ສະຖານະການອັນທໍາອິດນັ້ນບໍ່ຖືກຕ້ອງ ພວກເຂົາເຈົ້າ
ພະຍາຍາມເອົາພົມມະຈາລີຄືນມາ. ສ່ວນສະຖານະການທີ່ສອງ ແມ່ນເພື່ອ
ປິ່ນປົວບາດແຜ ທີ່ໄດ້ຮັບຈາກການຖືກລະເມີດທາງເພດນັ້ນ.”
ເຖິງແມ່ນວ່າການຜ່າຕັດຈະສ້ອມແຊມບາດແຜທາງຮ່າງກາຍ ຈາກການຖືກຝ່າຝືນທາງເພດ
ກໍຕາມ ແຕ່ມັນກໍບໍ່ສາມາດລົບລ້າງຄວາມຊອກຊໍ້າສະເທືອນໃຈຂອງພວກແມ່ຍິງໄດ້. ດຣ.
ຈຽງ ກ່າວວ່າ ພວກແມ່ຍິງທີ່ຖືກຂົ່ມຂືນ ບາງຄົນທີ່ຄິດວ່າ ຈະໄປຮັບການຜ່າຕັດນັ້ນ ໄດ້
ປ່ຽນຄວາມຄິດຂອງພວກເຂົາເຈົ້າ ພາຍຫລັງໄດ້ລະບາຍຄວາມຮູ້ສຶກກ່ຽວກັບປະສົບປະ
ການຂອງເຂົາເຈົ້າ ຜ່ານການປຶກສາຫາລືກັບລາວ.
“ຖ້າຫາກວ່າລາວຈະຜ່າຕັດເພື່ອໃຫ້ໄດ້ແຕ່ງງານນັ້ນ ບາງເທື່ອ ພວກເຮົາ
ກໍບອກໃຫ້ລາວກັບມາໃໝ່ ພ້ອມກັບແມ່ຫລືແຟນ ແລະບາງທີແຟນຂອງລາວ
ກໍຍອມຮັບເລຶ່ອງທີ່ລາວຖືກຂົ່ມຂືນ. ບາງເທື່ອແຟນ ຂອງລາວກໍເວົ້າວ່າ ລາວ
ບໍ່ຈໍາເປັນຜ່າຕັດກໍໄດ້.”
ດຣ. ຈຽງ ຍັງມີຕໍາແໜ່ງເປັນ ຮອງຜູ້ອໍານວຍການສະຖາບັນສຸຂະພາບປະຊາຄົມແລະ
ການພັດທະນາປະຊາຄົມ ຫລືທີ່ເອີ້ນວ່າ LIGHT ຫລືແສງສະຫວ່າງນັ້ນ. ໝໍຈຽງກ່າວວ່າ
ສູນກາງຂອງລາວມີແມ່ຍິງ ສາມຫາສີ່ຄົນຕໍ່ເດືອນ ເຂົ້າມາຂໍປິ່ນປົວອາການເລືອດອອກ
ບໍ່ຢຸດ ຫລືອັກເສບຫລັງຈາກການຜ່າຕັດຕົກແຕ່ງອະໄວຍະວະແລ້ວ ຊຶ່ງບັນຫາດັ່ງກ່າວນີ້
ອາດເປັນໄພເຖິງຂັ້ນບໍ່ສາມາດມີລູກໄດ້.
ນອກຈາກຄວາມສ່ຽງທາງຮ່າງກາຍແລ້ວ ນັກສັງຄົມວິທະຍາ Khuat Thu Hong ກ່າວວ່າ
ການປະຕິບັດນີ້ສ້າງຄວາມເສຍຫາຍໃຫ້ແກ່ສະຖານະພາບທາງສັງຄົມຂອງສະຕີໄດ້.
“ແນ່ນອນ ເວລາພວກເຮົາເວົ້າເຖິງຄວາມສະເໝີພາບທາງເພດເນາະ
ເປັນຫຍັງພວກຜູ້ຊາຍຈຶ່ງບໍ່ພາກັນເຮັດສິ່ງໃດສິ່ງນຶ່ງ ເພື່ອໃຫ້ເປັນຂອງ
ຂວັນແກ່ພວກແມ່ຍິງແດ່? ຍາມໃດ ກໍມີແຕ່ພວກແມ່ຍິງເອງ ທີ່ຕ້ອງໄດ້
ເຮັດສິ່ງໃດສິ່ງນຶ່ງ ນັບຕັ້ງແຕ່ການສ້ອມແປງເຍື່ອພົມມະຈາລີຄືນໃໝ່
ເພື່ອເຮັດໃຫ້ຊ່ອງຄອດງາມຄືເກົ່າ. ຂ້ອຍວ່າມັນເປັນເລຶ່ອງຕະລົກອີຫລີ.”
ນາງຮົງ ກ່າວຕໍ່ໄປວ່າ ການສ້າງເຍື່ອພົມມະຈາລີຄືນໃໝ່ນັ້ນແມ່ນເຮັດໃຫ້ຄວາມບໍ່ສະເໝີ
ພາບທາງເພດ ແຮ່ງຊໍ້າຮ້າຍລົງໄປຢູ່ໃນຫວຽດນາມ ເພາະມັນກົດດັນພວກແມ່ຍິງ ໃຫ້
ປະຕິບັດຕາມຄວາມຕ້ອງການຂອງເພດຊາຍທີ່ ມີແນວຄິດລ້າສະໄໝນັ້ນ.
