ຫວຽດນາມ ກຳລັງພິຈາລະນາແຜນການພັດທະນາພະລັງງານນິວເຄຼຍ ຄືນໃໝ່

ຫວຽດນາມ ກຳລັງ​ພິຈາລະນາ​ແຜນການ​ພັດທະນາ​ພະລັງງານ​ນິວ​ເຄຼຍ ຄືນ​ໃໝ່​ເພື່ອ​ຮັບປະກັນ​ຄວາມ​ໝັ້ນຄົງ​ດ້ານ​ພະລັງງານ​ຂອງປະເທດ ​ແລະ ຊຸກຍູ້​ການ​ຂະຫຍາຍໂຕທາງດ້ານ​ເສດຖະກິດ, ອີງ​ຕາມ​ເອກະສານຂອງ​ລັດຖະບານ​ທີ່​ໄດ້ຖືກກວດສອບ​ໂດຍອົງການຂ່າວ Reuters.

ປະເທດເອເຊຍຕາເວັນອອກສຽງໃຕ້ແຫ່ງນີ້, ຊຶ່ງເປັນສູນກາງອຸດສາຫະກໍາໃນ ພາກພື້ນທີ່ຕ້ອງເພິ່ງພາອາໄສຖ່ານຫີນຢ່າງຫຼວງຫຼາຍ ສໍາລັບການຜະລິດ ກະແສໄຟຟ້າ, ກໍາລັງພະຍາຍາມຊຸກຍູ້ການຜະລິດພະລັງງານທີ່ສະອາດຂຶ້ນ ເພື່ອບັນລຸເປົ້າໝາຍການປ່ອຍມົນລະພິດເປັນສູນ ພາຍໃນປີ 2050.

ອີງຕາມ​ເອກະສານ​ສະບັບ​ວັນ​ພະຫັດ​ວານ​ນີ້​ ລະບຸ​ວ່າ ກະຊວງ​ອຸດສາຫະກຳ​ແລະ​ການ​ຄ້າ​ ຈະ​ດຳ​ເນີນ​ການ​ຄົ້ນ​ຄ້ວາ​ ກ່ຽວກັບປະສົບ​ການ​ພັດທະນາ​ພະລັງງານ​ນິວ​ເຄຼຍຂອງ​ປະ​ເທດ​ອື່ນໆ ​ແລະ ສ້າງບົດສະເໜີ ກ່ຽວກັບ ການພັດທະນາ​ພະລັງງານ​ນິວ​ເຄຼຍຢູ່​ໃນຫວຽດນາມ.

ກະ​ຊວງ​ບໍ່​ໄດ້​ຕອບ​ສະ​ໜອງຕໍ່​ອີ​ເມວ​າຂໍ​ຄຳ​ເຫັນ​ ໃນ​ທັນ​ທີ.

ເອກະສານ​ດັ່ງກ່າວ​ ລະບຸ​ວ່າ ຫວຽດນາມ ​ມີເປົ້າໝາຍທີ່ຈະ​ຍົກລະດັບ​ກຳລັງ​ການ​ຜະລິດ​ໄຟຟ້າ​ ໃຫ້​ໄດ້ 12 – 15 ເປີເຊັນ ຕໍ່​ປີ ​ເພື່ອ “ຮັບປະກັນ​ຄວາມ​ໝັ້ນຄົງ​ດ້ານ​ພະລັງງານຂອງປະເທດ… ​ແລະ ຊຸກຍູ້ການຂະຫຍາຍໂຕທາງ​ເສດຖະກິດປະຈຳປີ 7 ເປີເຊັນ”.

ຂໍ້​ສະ​ເໜີ​ກ່ຽວ​ກັບ​ການ​ພັດ​ທະ​ນາ​ພະ​ລັງ​ງານ​ນິວ​ເຄຼຍ​ດັ່ງກ່າວ ຈະ​ຖືກຍື່ນໄປຫາ​ ​ກົມ​ການ​ເມືອງສູນກາງພັກ, ເຊິ່ງເປັນ​ອົງ​ການທີ່​ມີ​ອຳ​ນາດຕັດສິນໃຈຫຼາຍ​ທີ່​ສຸດ​ຂອງ​ປະ​ເທດ, ເພື່ອພິຈາລະນາ, ອີງ​ຕາມ​ເອ​ກະ​ສານ, ເຖິງ​ແມ່ນ​ວ່າ​ຈະ​ບໍ່​ມີການກຳນົດຂອບເຂດຂອງເວ​ລາໄວ້ກໍຕາມ.

​ໃນ​ປີ 2009, ຫວຽດນາມ ​ໄດ້​ອະນຸມັດ​ແຜນການ​ພັດທະນາ​ໂຮງ​ໄຟຟ້າ​ນິວ​ເຄຼຍ 2 ​ແຫ່ງ​ທຳ​ອິດ, ​ແຕ່​ແຜນການ​ດັ່ງກ່າວ ​ໄດ້​ຖືກ​ຍົກ​ເລີກ​ໃນ​ປີ 2016 ລຸນຫຼັງ​ໄພພິບັດໂຮງງານ​ນິວ​ເຄຼຍ ຟູກູຊີມະ (Fukushima) ຢູ່ ຍີ່ປຸ່ນ ​ແລະ ເນື່ອງ ຈາກ​ມີ​ຂໍ້​ຈຳກັດ​ດ້ານ​ງົບປະມານ.

ໂຮງງານ​ນິວ​ເຄລຍ​ທີ່ຖືກ​ສະ​ເໜີ​ດັ່ງກ່າວ ມີກຳລັງການຜະລິດ​ລວມ 4 ກິ​ກາ​ວັດ (GW), ​ມີ​ແຜນທີ່​ຈະ​ກໍ່ສ້າງ​ໂດຍ​ບໍລິສັດ​ ໂຣຊາຕອມ (Rosatom) ຂອງ​ຣັດ​ເຊຍ ​ແລະ ບໍລິສັດ ພະລັງງານ​ປະລະມານູ ຍີ່ປຸ່ນ (Japan Atomic Power) ຢູ່​ແຂວງ ນິນ ທ່ວນ (Ninh Thuan) ທາງ​ພາກ​ກາງຂອງປະເທດ.

ອ່ານຂ່າວເປັນພາສາອັງກິດລຸ່ມນີ້:

HANOI, Sept 13 (Reuters) - Vietnam is considering resuming plans to develop nuclear power to ensure national energy security and to support economic growth, according to a government document reviewed by Reuters.

The Southeast Asian country, a regional industrial hub heavily reliant on coal for power generation, is also seeking to boost its cleaner energy production to meet its net zero target by 2050.

"The Ministry of Industry and Trade is to conduct research on the nuclear power development experience of other countries and make a proposal to develop nuclear power in Vietnam," according to the document, which was dated Thursday.

The ministry did not immediately respond to an email seeking comment.

The document said Vietnam has a target of raising its power generation capacity by 12%-15% a year to "ensure national energy security... and support an annual economic growth of 7%."

The nuclear power development proposal will be submitted to the Politburo, the country's most powerful decision-making body, for review, according to the document, although no time frame was provided.

In 2009, Vietnam approved plans to develop its first two nuclear power plants, but the plans were shelved in 2016 following the Fukushima nuclear disaster in Japan and due to budget constraints.

The proposed nuclear plants, with a combined capacity of 4 gigawatts (GW), were planned to be built by Russia's Rosatom and Japan Atomic Power Co in the central province of Ninh Thuan.