ໂບດຄາທໍລິກ ແລະຫວຽດນາມໄດ້ຕົກລົງເຫັນດີວ່າ ພະສັນຕະປາປາ Benedic ຈະແຕ່ງຕັ້ງທູດພິເສດ ຂອງສຳນັກວາຕິກັນຄົນທຳອິດສຳລັບຫວຽດນາມ ຊຶ່ງເປັນສັນຍານຂອງການດີຂຶ້ນໃນຄວາມເຄັ່ງຕຶງ ລະຫວ່າງ ໂບດຄາທໍລິກ ແລະຄອມມິວນີສຕ໌ຫວຽດນາມ.
ທູດພິເສດວາຕິກັນ ຈະບໍ່ໄປຢູ່ປະຈຳໃນຫວຽດນາມ ແຕ່ພວກເຈົ້າໜ້າທີ່ ວັດຄາທໍລິກກ່າວເມື່ອວັນເສົາວານ ນີ້ວ່າການແຕ່ງຕັ້ງທູດພິເສດຄັ້ງນີ້ ເປັນບາດ ກ້າວອັນທຳອິດໄປສູ່ການເສີມສ້າງຄວາມສຳພັນລະຫວ່າງ ວາຕິກັນກັບຮາໂນຍໃຫ້ແຂງແຮງຂຶ້ນ.
ຫວຽດນາມ ມີພົນລະເມືອງນັບຖືສາສະໜາຄາທໍລິກ 6 ລ້ານຄົນ ຊຶ່ງແມ່ນຫລາຍອັນດັບສອງໃນເອເຊຍ ຮອງຈາກຟີລິບປິນ ແຕ່ບໍ່ໄດ້ມີສາຍພົວພັນທາງການທູດຢ່າງເປັນທາງການກັບສຳນັກວາຕິກັນ.
ລັດຖະບານຄອມມິວນີສຕ໌ຫວຽດນາມ ທຳການຄວບຄຸມຕິດຕາມເບິ່ງ ກິດຈະກຳທາງສາສະໜາທຸກຢ່າງ ຢ່າງເຂັ້ມງວດ ແລະຊາວຄາທໍລິກກໍໄດ້ພາກັນ ຮ້ອງທຸກຊ້ຳແລ້ວຊ້ຳອີກ ວ່າພວກເຂົາເຈົ້າໄດ້ຖືກປະຫັດ ປະຫານ.
