ອົງການປົກປ້ອງນັກຂ່າວ ຮຽກຮ້ອງໃຫ້ຫວຽດນາມ ຍົກຟ້ອງ ອະດີດບັນນາທິການ

ອົງການສົ່ງ​ເສີມສິດ​ເສລີພາບ​ໃນ​ດ້ານ​ຂ່າວສານ ທີ່​ມີຫ້ອງການ
​ຕັ້ງຢູ່​ໃນ​ນະຄອນ​ນິວຢອກ ​ໄດ້​ຮຽກຮ້ອງ​ໃຫ້​ຫວຽດນາມ
“ຍົກ​ເລີກ​ຂໍ້​ກ່າວ​ຫາວ່າ​ຫລອກລວງ” ຕໍ່ ທ່ານນາງ Kim
Quoc Hoa ອະດີດ​ບັນ​ນາທິການ​ໃຫຍ່ ຂອງ​ໜັງສືພິມ
The Elderly.

ນອກນັ້ນ ຄະນະ​ກຳມະການ​ປົກ​ປ້ອງ​ນັກ​ຂ່າວ ຫຼື CPJ ຍັງ​ຂໍ​
ໃຫ້​ຫວຽດນາມ “ອະນຸຍາດ​ໃຫ້​ສື່​ມວນ​ຊົນ​ມີ​ບົດບາດ ​ໃນ​
ການ​ກວດ​ສອບ ​ແລະ ສ້າງ​ຄວາມ​ກ້ຳ​ເກິ່​ງ ໂດຍ​ປາດ​
ສະ​ຈາກ ການ​ຢ້ານ​ກົວ​ວ່າ​ຈະ​ຖືກ​ແກ້ແຄ້ນ.”

ທ່ານນາງ Hoa ​ໄດ້​ຖືກ​ກ່າວ​ຫາ ​ໃນຕົ້ນອາທິດ​ນີ້​ ວ່າ “ເປີດ​ເຜີຍ​ຂໍ້​ມູນ​ລັບ ທີ່​ກ່ຽວ​ພັນ​
ເຖິງ​ຄວາມ​ໝັ້ນຄົງ​ແຫ່ງ​ຊາດ” ແລະ “ລະ​ເມີ​ດ ​ສິດເສລີພາບ ​ແລະ ສິດປະຊາທິ-
ປະ​ໄຕ​ຕ່າງໆ ​ໃນ​ການ​ລົງ​ບົດ​ຄວາມຫຼາຍໆ ສະບັບ ທີ່​ໄດ້​ພິມເຜີຍ​ແຜ່ບົດຄວາມ
ແລະ​ຂໍ້​ມູນ​ທີ່​ບໍ່​ມີ​ຄວາມ​ຈິງ” ຊຶ່ງ​ມີ​ໂທດ​ທາງ​ອາຍາ​ ພາຍ​ໃຕ້ມາດຕາ 258 ຂອງກົດໝາຍ
​ອາຍາຫວຽດນາມ.

ທ່ານ Huynh Ngoc Chenh ນັກ​ຂຽນ​ຂ່າວ​ທາງ​ອິນ​ເຕີ​ເນັດ ຫຼື blogger ອະດີດຜູ້ຈັດການ ​
ຝ່າ​ຍບັນນາທິການ ຂອງ​ໜັງສືພິມ Thanh Nien ຫຼືຊາວໜຸ່ມ ກ່າວ​ຕໍ່​ວີ​ໂອ​ເອພາສາ​ຫວຽດ
ນາມ​ວ່າ ​ໃນ​ວົງ​ການສື່​ມວນ​ຊົນ​ທັງຫຼາຍ ​ແມ່ນພາກັນຕົກ​ໃຈ ​ຕໍ່ການດຳ​ເນີນ​ຄະດີ​ດັ່ງກ່າວ​.

ທ່ານ Chenh ກ່າວ​ຕື່ມ​ວ່າ ທ່ານ​ນາງ Hoa ​ແມ່ນ​ເປັນ​ບັນນາທິການ​ອະ​ວຸ​ໂສ ​ຄົນ​ທຳ​ອິດ
ຂອງ​ນັກ​ສື​ພິມ​ລັດຖະບານ ທີ່​ໄດ້​ຖືກດຳ​ເນີນ​ຄະດີ ພາຍ​ໃຕ້​ມາດຕາ 258 ອັນເປັນ​ກົດໝາຍ
​ຕໍ່ຕ້ານ​ລັດ ທີ່​ບໍ່​ຈະ​ແຈ້ງ ​ແລະ ກວ້າງຂວາງ ຊຶ່ງ​ມີ​ການ​ຕຳ​ນິຕິຕຽນກັນ​ຫຼາຍ ໂດຍກຸ່ມ​ປົກປ້ອງ​ ສິດທິ​ມະນຸດ ໂດຍຟ້ອງຮ້ອງພວກຄັດຄ້ານລັດຖະບານ ດ້ວຍຄວາມຜິດທາງ ອາຍາ.

ອົງການ CPJ ກ່າວ​ວ່າ “ການ​ກ່າວ​ຫາດັ່ງກ່າວ​ ​ເປັນ​ທ່າອຽງຂອງ​ການ​ຮາວີລົບກວນ
ທາງ​ດ້ານ​ກົດໝາຍ ຕໍ່​ບັນດາ​ນັກ​ຂ່າວ ຜູ້​ທີ່​ເຈາະ​ຈີ້ມ​ເລື່ອງ​ ສໍ້​ລາດ​ບັງ​ຫລວງຕ່າງໆ
​ທີ່​ມີຄວາມຫລໍ່ແຫລມຢູ່​ໃນ​ຫວຽດນາມ.”

​ເມື່ອຫຼາຍໆ​ປີ ​ບໍ່​ນານ​ມາ​ນີ້ ໜັງສື​ພິມ The Elderly ​ໄດ້​ເລີ້ມການ​ສືບ ສວນ​ສອບ​ສວນ​ຢ່າງ​
ໃຫຍ່ ​ເຂົ້າ​ໃນ​ການ​ນຳ​ໃຊ້​ທຶນ​ຂອງ​ລັດ​ ໄປ​ໃນ​ທາງ​ທີ່​ຜິດ ທີ່​ນຳ​ໄປ​ສູ່​ການ​ຕັກ​ເຕືອນ​ຕໍ່ບັນດາ ເຈົ້າໜ້າ​ທີ່​ອາ​ວຸ​ໂສຂອງ​ຫວຽດ ນາມຫລາຍໆຄົນ.