ນາຍົກລັດຖະມົນຕີຫວຽດນາມ ໄດ້ຂໍຂະມາໂທດຕໍ່ສະພາ
ແຫ່ງຊາດທີ່ໄດ້ປ່ອຍໃຫ້ບໍລິສັດລັດວິສາຫະກິດຕໍ່ເຮືອ ເປັນ
ໜີ້ສິນ ໃນຈໍານວນເທົ່າກັບ 4.5 ເປີເຊັນຂອງຜົນຜະລິດ ຮວມທັງໝົດຂອງຊາດ.
ນາຍົກລັດຖະມົນຕີ Nguyen Tan Dung ກ່າວຕໍ່ບັນດາ
ຜູ້ແທນລັດຖະດອນໃນວັນພຸດມື້ນີ້ວ່າ ສາເຫດສ່ວນນຶ່ງຂອງ
ການພັງທະລາຍລົງ ຂອງບໍລິສັດດັ່ງກ່າວ ແມ່ນເກີດຈາກ
ສະພາວະເສດຖະກິດຕົກຕໍ່າຂອງໂລກ ແຕ່ກໍຍອມຮັບວ່າ
ລັດຖະບານຂອງທ່ານບໍ່ໄດ້ກໍາກັບດູແລ ນໍາກຸ່ມອຸດສາຫະກໍາຕໍ່ເຮືອຂອງຫວຽດນາມ ຫລື Vinashin ນັ້ນຢ່າງພຽງພໍ.
ທ່ານ Tan Dung ກ່າວຕື່ມວ່າ ທ່ານພ້ອມດ້ວຍຄະນະ
ລັດຖະມົນຕີຂອງທ່ານໄດ້ທໍາການສ່ອງແສງຕົນເອງ ເພື່ອ
ກໍານົດຄວາມຮັບຜິດຊອບຂອງເຂົາເຈົ້າ ແລະວ່າຈະມີການ
ເປີດເຜີຍຜົນຂອງການສ່ອງແສງນີ້ ໃຫ້ປະຊາຊົນຮູ້ໃນຂັ້ນ ຕໍ່ໄປ.
ບໍລິສັດຕໍ່ເຮືອ Vinashin ໄດ້ຖືກຍົກຍ້ອງໃຫ້ເປັນໂຕຢ່າງຂອງການເສດຖະກິດເສລີຂອງ
ຫວຽດນາມ ຍ້ອນໄດ້ເຕີບໂຕຂຶ້ນຢ່າງໄວແລະຂະຫຍາຍອອກເປັນຫລາຍດ້ານ ນັບແຕ່
ການຜະລິດຫົວອາຫານລ້ຽງສັດໄປຮອດການສ້າງສະຖານທີ່ທ່ອງທ່ຽວ. ການດໍາເນີນ
ການທີ່ວ່ານີ້ ໄດ້ເຮັດໃຫ້ບໍລີສັດມີໜີ້ສິນ ສະສົມຂຶ້ນເຖິງ 4 ພັນ 300 ລ້ານໂດລາສະຫະ
ລັດ ຊຶ່ງໄດ້ພາໃຫ້ບໍລິສັດດັ່ງກ່າວ ເກືອບລົ້ມລະລາຍລົງໃນຕົ້ນປີນີ້.
