ປະທານປະເທດຂອງຫວຽດນາມ ແລະເປັນ ຫົວໜ້າພັກຄອມມິວນິສ ທ່ານ ໂຕ ລາມ ແມ່ນມີກຳນົດຈະພົບກັບບັນດາຜູ້ຕາງໜ້າຈາກບໍລິສັດໃຫຍ່ຂອງ ສະຫະລັດ ຈຳນວນນຶ່ງ ທີ່ລວມມີບໍລິສັດ Google ແລະ Meta ໃນລະຫວ່າງການເດີນທາງມາຢ້ຽມຢາມສະຫະລັດ ໃນອາທິດໜ້ານີ້ ເຊິ່ງສອງຄົນທີ່ໄດ້ຮັບການແຈ້ງ ໃຫ້ຊາບກ່ຽວກັບແຜນການດັ່ງກ່າວ ໄດ້ບອກອົງການຂ່າວຣອຍເຕີສ໌.
ເຟສບຸກ ທີ່ເປັນຂອງ Meta ແມ່ນມີຢູ່ໃນປະເທດທີ່ມີປະຊາກອນ 100 ລ້ານຄົນ ແລະເປັນນຶ່ງໃນຖານຜູ້ຊົມໃຊ້ທີ່ໃຫຍ່ທີ່ສຸດໃນທົ່ວໂລກ ແລະ Google ຜະລິດໂທລະສັບສະຫຼາດຂອງຕົນຢູ່ທີ່ນັ້ນ ໂດຍຜ່ານບັນດາບໍລິສັດຜູ້ສະໜອງ ແລະມີແຜນການສ້າງສູນກາງຂໍ້ມູນໃຫຍ່ ອີງຕາມລາຍງານຂອງຣອຍເຕີສ໌ ເມື່ອເດືອນແລ້ວນີ້.
ໃນການເດີນທາງຄັ້ງທຳອິດຂອງທ່ານມາ ສະຫະລັດ ນັບຕັ້ງແຕ່ທ່ານໄດ້ຖືກ ສະເໜີຊື່ໃນຕົ້ນເດືອນສິງຫາ ໃຫ້ເປັນຫົວໜ້າຂອງພັກ, ເຊິ່ງເປັນວຽກງານທີ່ມີ ອຳນາດສູງສຸດຂອງປະເທດ, ທ່ານ ລາມ ແມ່ນມີກຳນົດທີ່ຈະພົບປະກັບບັນດາ ຜູ້ຕາງໜ້າຂອງບໍລິສັດ, ສອງບຸກຄົນໄດ້ກ່າວ ໂດຍຜູ້ນຶ່ງໃຫ້ຂໍ້ສັງເກດວ່າ ແຕ່ລະບໍລິສັດຈະພົບປະກັບທ່ານ ລາມ ແຍກກັນຕ່າງຫາກ. ທັງສອງກໍບໍ່ໄດ້ ບອກວ່າ ຈະປຶກສາຫາລືກັນເລືີ່ອງຫຍັງ.
ອີກສອງຄົນທີ່ຮູ້ຈັກດີກັບແຜນການດັ່ງກ່າວ ໄດ້ກ່າວວ່າ ທ່ານລາມ ຍັງຈະເຂົ້າ ຮ່ວມກອງປະຊຸມເວທີສົນທະນາດ້ານທຸລະກິດ ກັບບັນດາຜູ້ຕາງໜ້າຂອງ ທະລະກິດ ສະຫະລັດ ໃນວັນທີ 23 ກັນຍາ.
ແຫລ່ງຂ່າວທັງສີ່ຄົນ ໄດ້ປະຕິເສດທີ່ຈະລະບຸຕົນໂຕ ເນື່ອງຈາກວ່າ ຂໍ້ມູນທີ່ ກ່າວມານັ້ນ ແມ່ນບໍ່ໄດ້ຖືກເປີດເຜີຍຕໍ່ສາທາລະນະ.
ສະພາທຸລະກິດຂອງ ສະຫະລັດ-ອາຊຽນ ຫຼື USABC ເຊິ່ງເປັນນຶ່ງໃນບັນດາ ຜູ້ຈັດງານຂອງວັນທີ 23 ກັນຍາ ກໍໄດ້ປະຕິເສດທີ່ຈະແບ່ງປັນລາຍຊື່ຂອງບັນ ດາຜູ້ເຂົ້າຮ່ວມ.
ບໍລິສັດ Google ແລະ Meta ກໍບໍ່ໄດ້ຕອບຕໍ່ການຂໍຮ້ອງໃຫ້ມີຄວາມເຫັນ.
Vietnam's president and ruling Communist Party chief To Lam is set to meet representatives from several U.S. corporations, including Google and Meta, during a visit to the United States next week, two people briefed about the plans told Reuters.
Meta's Facebook has in the 100-million-people country one of its largest user bases worldwide, and Google makes its smartphones there through suppliers and plans a large data centre, according to a Reuters report last month.
In his first trip to the United States since he was named in early August as head of the party, the country's most powerful job, Lam is scheduled to meet representatives of Google and Meta, the two people said, with one noting each of the companies would have a separate meeting with him. Neither said what will be discussed.
Another two people familiar with the plans said Lam will also attend on Sept. 23 a business forum with other U.S. business representatives.
All the four sources declined to be identified because the information was not public.
The US-ASEAN Business Council (USABC), which is one of the organizers of the Sept. 23 event, declined to share a list of participants.
Google and Facebook did not reply to requests for comment.
ຟໍຣັມສະແດງຄວາມຄິດເຫັນ