ຕໍາຫລວດຫວຽດນາມໄດ້ກັກຕົວປະຊາຊົນຫລາຍສິບຄົນ ທີ່ປະກອບສ່ວນໃນການໂຮມ
ຊຸມນຸມຕໍ່ຕ້ານຈີນທີ່ນະຄອນຫລວງຮາໂນ່ຍ ໃນວັນອາທິດມື້ນີ້.
ບໍ່ເທົ່າໃດນາທີ ຫລັງຈາກການປະທ້ວງໄດ້ເລີ່ມຕົ້ນຂຶ້ນ ພວກເຈົ້າໜ້າທີ່ນອກເຄຶ່ອງແບບ
ກໍໄດ້ເຄຶ່ອນເຂົ້າໄປຫາພວກໂຮມຊຸມນຸມ ແລະໄດ້ຕ້ອນເອົາພວກປະທ້ວງຢ່າງໜ້ອຍ 40
ຄົນ ໄປຂຶ້ນລົດບັສທີ່ຈອດລໍຖ້າຢູ່ ແລະ ກໍຂັບພາພວກປະທ້ວງ ອອກໄປຈາກທີ່ນັ້ນ.
ເມື່ອວັນພະຫັດຜ່ານມານີ້ ຄະນະກໍາມະການປະຊາຊົນຂອງຮາໂນຍ ໄດ້ສັ່ງໃຫ້ຢຸດການ
ໂຮມຊຸມນຸມຕໍ່ຕ້ານຈີນ ໂດຍຕັກເຕືອນວ່າ ລັດຖະບານຈະໃຊ້ມາດຕະການທີ່ຈໍາເປັນ ຕໍ່
ພວກໃດທີ່ບໍ່ປະຕິບັດຕາມຄໍາສັ່ງ.
ຄໍາສັ່ງໄດ້ກ່າວເຖິງການປະທ້ວງວ່າ ເກີດຂຶ້ນມາເອງ ແລະຮັບຮູ້ວ່າມັນເກີດຍ້ອນຄວາມ
ຮັກຊາດ ແຕ່ກໍເວົ້າວ່າ ການປະທ້ວງໄດ້ມີຜົນກະທົບໃນທາງລົບຕໍ່ຄວາມເປັນລະບຽບ
ຮຽບຮ້ອຍຂອງສັງຄົມ ແລະພາບພົດຂອງນະຄອນຫລວງຮາໂນ່ຍ ຊຶ່ງໃນຂະນະດຽວກັນ
ກໍມີຜົນກະທົບໃນທາງລົບຕໍ່ກິດຈະກໍາດ້ານການທູດຂອງລັດແລະພັກທີ່ປົກຄອງປະເທດ ຢູ່ໃນເວລານີ້.
ພວກປະທ້ວງ ໄດ້ພາກັນໄປໂຮມຊຸມນຸມໃນເມືອງຫລວງຮາໂນຍ ທຸກໆວັນອາທິດ ເປັນ
ເວລາ ປະມານ 11 ອາທິດມາແລ້ວ ເພື່ອປະທ້ວງພຶດຕິການຂອງຈີນ ໃນຂົງເຂດທະເລ
ຈີນໃຕ້. ລັດຖະບານຫວຽດນາມກ່າວວ່າ ກໍ່າປັ່ນຂອງຈີນໄດ້ເຂົ້າໄປແຊກແຊງໂດຍເຈດ ຕະນາຕໍ່ກິດຈະກໍາສໍາຫລວດ ບໍ່ນໍ້າມັນ ໃນເຂດນ່ານນໍ້າທີ່ເປັນຂໍ້ຂັດແຍ້ງກັນຢູ່ນອກຝັ່ງ ຂອງຫວຽດນາມນັ້ນ.