ຕໍາຫຼວດຫວຽດນາມຈັບກຸມປະຊາຊົນ 20 ຄົນທີ່ເຂົ້າຮ່ວມໃນການປະທ້ວງຢູ່ນອກນະ
ຄອນຫຼວງຮາໂນຍ.
ການຕໍ່ສູ້ກັນໄດ້ເລີ້ມຂຶ້ນໃນວັນອັງຄານວານນີ້ ເວລາພວກຊາວບ້ານຫຼາຍຮ້ອຍຄົນປະ
ທະກັນກັບພວກຕໍາຫຼວດປາບຈະລາຈົນແລະພວກກໍາລັງຮັກສາຄວາມປອດໄພອື່ນໆ
ອີກຈໍານວນຫຼາຍເຖິງ 3 ພັນຄົນ. ພວກຊາວບ້ານກ່າວວ່າ ທາງການໄດ້ທໍາຄວາມພະ
ຍາຍາມທີ່ຜິດກົດ ໝາຍເພື່ອຂັບໄລ່ພວກຊາວກະສິກອນອອກຈາກທີ່ດິນຂອງເຂົາເຈົ້າ
ສຳຫຼັບນຳໄປເປັນບ່ອນປຸກສ້າງເມືອງດາວທຽມໃໝ່ຂຶ້ນນັ້ນ.
ພວກຊາວບ້ານພາກັນໄປຕັ້ງຄ້າຍພັກແຮມໃນຄືນວັນຈັນຜ່ານມານີ້ໃນການຄາດກັນໄວ້
ລ່ວງໜ້າວ່າ ຈະມີການຂັບໄລ່ ພວກຊາວກະສິກອນອອກຈາກທີ່ດິນຊຶ່ງໄດ້ເປັນຈຸດສູງ
ສຸດຂອງບັນຫາຂັດແຍ່ງເລື້ອງທີ່ດິນມາເປັນເວລາ 6 ປີໃນເຂດ Hung Yen ຂອງເມືອງ
Van Giangນັ້ນ.
ບັນດາເຈົ້າໜ້າທີ່ກ່າວວ່າ ຕໍາຫຼວດໄດ້ໃຊ້ແກັສນໍ້າຕາ ແລະຍິງປືນເຕືອນເພື່ອຂັບໄລ່ໃຫ້
ພວກປະທ້ວງແຕກໜີໄປ ຊຶ່ງລາຍງານເວົ້າວ່າ ພວກປະທ້ວງເຫຼົ່ານີ້ໄດ້ທໍາການຕອບໂຕ້
ດ້ວຍການແກວ່ງກ້ອນຫີນ ແລະດິນຈີ່ໃສ່ພວກຕໍາຫຼວດ.
ການຂັດແຍ່ງກັນເລື້ອງທີ່ດິນໄດ້ກາຍມາເປັນບັນຫາທີ່ເພີ່ມທະວີຂຶ້ນນັບມື້ຢູ່ໃນຫວຽດ
ນາມ ທີ່ເປັນປະເທດຄອມມີວນິດ ຊຶ່ງທີ່ດິນທັງໝົດແມ່ນເປັນຂອງລັດແລະສິດທິໃນການ
ຊົມໃຊ້ທີ່ດິນບໍ່ໄດ້ໃຫ້ຄໍາອະທິບາຍຢ່າງຈະແຈ້ງມາໂດຍຕະຫຼອດ.