ເມື່ອປີແລ້ວນີ້ ນັກສຶກສາວິທະຍາໄລຄົນນຶ່ງ ຊື່ວ່າ ທ້າວ Nam
Anh ໄດ້ມີໂອກາດໄປຢ້ຽມຢາມປະເທດໄທ ແລະຢູ່ບໍລິເວນ
ຊາຍແດນທີ່ຕິດກັບປະເທດລາວນັ້ນ ທ້າວ Anh ແມ່ນມີຄວາມ
ປະທັບໃຈ ທີ່ໄດ້ເຫັນທິວທັດ ທີ່ເຮັດໃຫ້ລາວຄິດຮອດບ້ານເກີດ
ທີ່ຫວຽດນາມ. ບັນດາແມ່ນໍ້າ ເຮືອນຊານບ້ານຊ່ອງປຸກມີເສົາສູງ
ແລະວັດຖຸສິ່ງຂອງໃນບັນດາໝູ່ບ້ານຄວນຕັ້ງຢູ່ໃນຂົງເຂດສາມ
ຫຼ່ຽມ ປາກແມ່ນຳ້ຂອງ.
ທ້າວ Anh ເວົ້າວ່າ ບັນດາປະເທດເຫລົ່ານີ້ ແມ່ນຄ້າຍຄືກັນ
ຫຼາຍໄປກວ່າທີ່ຜູ້ຄົນຄິດ ແຕ່ລາວຫວັງວ່າ ຈະກາຍມາເປັນ
ປະຊາຊົມເສດຖະກິດອາຊຽນຫລາຍຂື້ນ ຊຶ່ງໝາຍເຖິງການ
ນຳພາປະເທດສະມາຊິກ ຂອງສະມາຄົມບັນດາປະເທດຊາດໃນເຊດເອເຊຍອາຄະເນ ຫຍັບເຂົ້າໃກ້ຫາກັນຫຼາຍຂຶ້ນ.
ທ້າວ Anh ກຳລັງຕຽມການຕ້ອນຮັບປະຊາຄົມເສດຖະກິດອາຊຽນ ໂດຍການຮຽນພາສາ
ແລະວັດທະນາທຳໄທ ເພື່ອວ່າລາວຈະສາມາດເຮັດວຽກກັບບໍລິສັດໄທ.
ທ້າວ Anh ໄດ້ກ່າວວ່າ “ເປັນທີ່ສຳຄັນຫລາຍ ເພາະວ່າພວກເຮົາຢູ່ໃນປະຊາຄົມດຽວກັນ
ພວກເຮົາເປັນຊາວເອເຊຍດ້ວຍກັນ ພວກເຮົາມີເອກກະລັກແບບດຽວ. ທຸກຄົນຢູ່ໃນ
ປະເທດຂອງພວກເຮົາ ຄວນຮຽນຮູ້ກ່ຽວກັບປະເທດເພື່ອນບ້ານ ເພາະວ່າ ມັນຈະເຮັດໃຫ້
ພວກເຮົາຮັກຫອມປະຊາຄົມຂອງພວກເຮົາຫຼາຍຂື້ນນັບມື້.”
ບັນດາຜູ້ສະໜັບສະໜູນປະຊາຄົມເສດຖະກິດອາຊຽນ ຫວັງວ່າ ປະຊາຊົນຢູ່ທົ່ວຂົງເຂດ
ໃນຈຳນວນເພີ້ມຂຶ້ນຈະພາກັນຄິດຄືກັນກັບທ້າວ Anh ແລະຮັບເອົາໂຄງການທີ່ມີລັກສະ
ນະແບບດຽວກັນ ກັບສະຫະພາບຢູໂຣບນີ້. ແນວຄິດກໍຄືເຮັດໃຫ້ ເຂດເອເຊຍອາຄະເນມີຄວາມເຂັ້ມແຂງຂຶ້ນ ເມື່ອເວົ້າເຖິງຈຳນວນ. ຫວຽດນາມພຽງແຕ່ປະເທດດຽວ ອາດຈະ
ບໍ່ສາມາດແຂ່ງຂັນກັບປະເທດຂະໜາດໃຫຍ່ຄືກັນກັບຈີນ ແລະບຣາຊິນ. ແຕ່ດ້ວຍ 10
ປະເທດຮວມເຂົ້າກັນ ອຳນວຍໃຫ້ອາຊ່ຽນສາມາດເຄື່ອນຄ້າຍຜະລິດຕະພັນ ຕົ້ນທຶນ
ແລະແຮງງານ ຊຶ່ງຈະເຮັດໃຫ້ອາຊຽນກາຍເປັນເສດຖະກິດທີ່ໃຫຍ່ອັນດັບຫ້າຂອງໂລກ
ໃນປີ 2020 ອີງຕາມກຸ່ມປຶກສາຈາກນະຄອນ Boston ຊື່ງປັດຈຸບັນນີ້ ຢູ່່ອັນດັບທີເຈັດ.
