ສະພາແຫ່ງຊາດຫວຽດນາມໄດ້ຄັດເລືອກເອົານາຍົກລັດຖະມົນຕີຫງຽນ ຕັນຢຸງ ດໍາລົງຕໍາ
ແໜ່ງເປັນສະໄໝທີສອງໃນວັນອັງຄານມື້ນີ້ ຊຶ່ງເສີມບົດບາດຂອງທ່ານໃຫ້ແຂງແຮງຂຶ້ນໃນ
ຖານະເປັນນັກການເມືອງທີ່ມີອໍານາດຫລາຍທີ່ສຸດຂອງປະເທດ.
ການລົງມະຕິເຫັນດີຢ່າງຖ້ວມລົ້ນຈາກສະພາແຫ່ງຊາດທີ່ມີສະມາຊິກ 500 ທ່ານນັ້ນຖືວ່າ
ເປັນພິທີທາງການອັນໜຶ່ງຫລັງຈາກທ່ານຢຸງໄດ້ຮັບການສະໜັບສະໜຸນຈາກກອງປະຊຸມ
ຫລວງຂອງພັກຄອມມີວນິດທີ່ປົກຄອງປະເທດໃນປັດຈຸບັນໃນເດືອນມັງກອນຕົ້ນປີນີ້.
ໃນການດໍາລົງຕໍາແໜ່ງສະໄໝທໍາອິດຂອງທ່ານນັ້ນ ທ່ານຢຸງໄດ້ນໍາພາປະເທດຜ່ານຜ່າ
ຊ່ວງເວລາທີ່ການເສດຖະກິດມີການເຕີບໂຕຂຶ້ນຢ່າງໄວ ຮວມທັງການເຂົ້າເປັນສະມາຊິກ
ອົງການການຄ້າໂລກ ແຕ່ທ່ານໄດ້ປະເຊີນກັບການຕໍາໜິຕິຕຽນຢ່າງຮ້າຍແຮງໃນປີແລ້ວ
ນີ້ ຫລັງຈາກບໍລິສັດ ວິສາຫະກິດຕໍ່ເຮືອແຫ່ງຊາດ Vinashin ໄດ້ເປັນໜີ້ສິນຢ່າງຫຼວງ
ຫຼາຍ ເຮັດໃຫ້ບໍລິສັດດັ່ງກ່າວເກືອບພັງທະລາຍລົງນັ້ນ.
ເພື່ອຮັບປະກັນໃຫ້ທ່ານໄດ້ຖືກເລືອກຕັ້ງໃໝ່ນັ້ນ ທ່ານຢຸງໄດ້ຕໍ່ສູ້ກັບການທ້າທາຍຈາກ
ທ່ານ ເຈືອງຕັນຊັງ ເຈົ້າໜ້າທີ່ສຳຄັນຂອງພັກ ທີ່ໄດ້ຖືກຄັດເລືອກໃຫ້ເປັນປະທານປະເທດ
ຊຶ່ງສ່ວນໃຫຍ່ເປັນຕໍາແໜ່ງໃນພິທີການຊື່ໆໃນວັນຈັນວານນີ້. ຫລັງຈາກທ່ານຖືກເລືອກ
ຕັ້ງແລ້ວ ທ່ານຊັງ ໄດ້ສະເໜີແຕ່ງຕັ້ງຢ່າງເປັນທາງການໃຫ້ທ່ານຢຸງໃຫ້ດໍາລົງ ຕໍາແໜ່ງ
ນາຍົກລັດຖະມົນຕີ.
