ຫວຽດນາມໃຫ້ການຢືນຢັນອີກຄັ້ງ
ນຶ່ງວ່າ ຕົນມີຈຸດປະສົງຈະພັດທະ
ນາພະລັງງານນິວເຄລຍເພື່ອຈຸດ
ປະສົງໃນທາງສັນຕິ.
ກະຊວງວິທະຍາສາດ ແລະເທັກ
ໂນໂລຈີຂອງຫວຽດນາມ ໄດ້
ເປັນເຈົ້າພາບຈັດກອງປະຊຸມ
ນາໆຊາດວ່າດ້ວຍການພັດທະ
ນາພະລັງງານນິວເຄລຍຂອງ
ໂລກແລະຄວາມໝັ້ນຄົງ ໃນວັນ
ອັງຄານວານນິ້ ທີ່ນະຄອນ
ຫລວງຮ່າໂນຍ.
ກອງປະຊຸມທີ່ວ່ານີ້ ຈັດຂຶ້ນດ້ວຍການຮ່ວມມືກັບ ອົງການພະລັງງານນິວເຄລຍຂອງອັງກິດ
ແລະສະມາຄົມນິວເຄລຍຂອງໂລກ.
ອົງການຂ່າວຂອງທາງການຫວຽດນາມ ລາຍງານໃນວັນອັງຄານວານນີ້ວ່າ ໂຮງໄຟຟ້າ
ນິວເຄລຍແຫ່ງທຳອິດ ຂອງຫວຽດນາມມີກຳນົດທີ່ຈະເປີດ
ໃຊ້ໃນປີ 2020.
ຫວຽດນາມໄດ້ສົນທະນາຫາລືກ່ຽວກັບ ແຜນການທີ່ຈະພັດທະນາພະລັງງານນິວເຄລຍ
ໃນຮອບຫຼາຍໆທົດສະວັດຜ່ານມາ ຊຶ່ງສ່ວນໃຫຍ່ແລ້ວ ແມ່ນກັບຍີ່ປຸ່ນແລະຣັດເຊຍ.
ໃນປີ 2010 ຍີ່ປຸ່ນໄດ້ຊະນະການປະມູນ ເພື່ອສ້າງເຕົາແຍກນິວເຄລຍ 2 ໜ່ວຍ ຢູ່ທີ່
ຫວຽດນາມ.
ໃນລະຫວ່າງເດີນທາງໄປຢ້ຽມຢາມກຸງໂຕກຽວໃນເດືອນຕຸລາຜ່ານມານັ້ນ ນາຍົກລັດ
ຖະມົນຕີຫວຽດນາມ ທ່ານ Nguyen Tan Dung ກ່າວຕໍ່ເຈົ້າໜ້າທີ່ຍີ່ປຸ່ນວ່າ ທ່ານ
ຕ້ອງການຢາກໃຫ້ໄພພິບັດທີ່ໂຮງໄຟ ຟ້ານິວເຄລຍ Fukushima ຂອງຍີ່ປຸ່ນ ເປັນ
ພື້ນຖານສຳລັບການສ້າງ ໂຮງໄຟຟ້ານິວເຄລຍທີ່ປອດໄພທີ່ສຸດ ໃນໂລກ.
