ລິ້ງ ສຳຫລັບເຂົ້າຫາ

ນັກເຄື່ອນໄຫວ 7 ຄົນ ຖືກດໍາເນີນຄະດີ ໃນຫວຽດນາມ

  • ສິງ ບູຣົມມະວົງ

ທ່ານ Duong Kim Khai ນັກບວດທີ່ແຍກໂຕອອກຈາກກຸ່ມ Mennonites ທີ່ພວມຖືກດໍາເນີນຄະດີໃນຫວຽດນາມ, ວັນທີ 30 ພຶດສະພາ 2011.


















ພວກ​ນັກ​ເຄື່ອນ​ໄຫວ​ຕໍ່ສູ້​ເພື່ອ​ກໍາມະສິດ​ທີ່​ດິນຫວຽດນາມ 7 ຄົນ​ໄດ້​ຖືກດໍາ​ເນີນ​ຄະດີ​ໃນ​ວັນ​
ຈັນ​ມື້​ນີ້​ ​ໃນ​ຂໍ້​ຫາ​ຖານ​ສ້າງ​ຄວາມ​ປັ່ນ​ປ່ວນ​ເພື່ອ​ໂຄ່ນ​ລົ້ມ​ລັດຖະບານ​ແລະ​ເປັນ​ສະມາຊິກ​ຂອງ​
ຂະ​ບວນການ​ຝ່າຍ​ຄ້ານ Viet Tan ທີ່​ຕ້ອງ​ຫ້າມ​ຫລື​ຜິດ​ກົດໝາຍ​ນັ້ນ.

ພວກ​ຜູ້​ຕ້ອງ​ຫາ 7 ຄົນ​ນີ້​ແມ່ນ​ຮວມທັງ​ທ່ານ Duong Kim Khai ນັກບວດຂອງ​ກຸ່ມ​ສາ
ສະໜາ​ທີ່​ແຍກ​ໂຕ​ອອກຈາກກຸ່ມ Mennonites ​ແລະ​ເອີ້ນວ່າກຸ່ມ The Cattle Shed
Congregation ຍ້ອນຄອກສັດໃນ​ທົ່ງ​ນາ​ທີ່​ພວກ​ເຂົາ​ເຈົ້າ​ໃຊ້​ເປັນບ່ອນ​ປະກອບ​ສາສະໜາ​
ກິດ​ຂອງ​ເຂົາເຈົ້າ​ນັ້ນ. ກ່ອນ​ໜ້າ​ນີ້ ທ່ານ Duong Kim Khai ກໍໄດ້​ຈໍາ​ຄຸກ​ເປັນ​ເວລາ 2 ປີ
ໃນ​ຂໍ້​ຫາ​ທໍາ​ພິທີ​ທາງ​ສາສະໜາທີ່​ບໍ່​ໄດ້​ຮັບ​ອະນຸຍາດ​ ຢູ່ໃນ​ເຮືອນ​ຂອງ​ທ່ານ​.

ບັນດາ​ເຈົ້າ​ໜ້າ​ທີ່​ຂະ​ບວນການ Viet Tan ທີ່​ມີ​ຫ້ອງການ​ຕັ້ງ​ຢູ່​ໃນ​ສະຫະລັດ​ກ່າວ​ວ່າ ​ໃນ​ຫວ່າງ​ໄວໆ​ຜ່ານ​ມາ​ນີ້ ທ່ານ Khai ​ໄດ້​ໃຫ້​ຄໍາແນະນໍາ​ທາງ​ກົດໝາຍ​ແກ່​ພວກ​ຊາວ​ກະສິກອນ​ທີ່​ເຮືອນຊານ​ຂອງ​ພວກ​ເຂົາເຈົ້າໄດ້​ຖືກ​ລັດຖະບານ​ຍຶດ​ເອົາ​ແລະ​ມອບ​ທີ່​ດິນ​ຂອງ​ເຂົາ​ເຈົ້າ​ໃຫ້​ພວກບຸກ​ເບີກ​ທີ່​ດິນ​ນັ້ນ.

ສະມາຊິກ​ລັດຖະສະພາ​ສະຫະລັດ 5 ທ່ານ​ພາຍ​ໃຕ້​ການ​ນໍາພາຂອງຜູ້​ແທນ​ສະພາ​ຕໍ່າ Ed
Royce ຈາກ​ລັດ California ​ໄດ້ຂຽນຈົດໝາຍ​ ໄປ​ຫາ ​ນາຍົກ​ລັດຖະມົນຕີ ຫງວຽນຕັນ​
ຢຸ​ງ ຂອງ​ຫວຽດນາມ​ໃນ​ສັບປະດາແລ້ວ​ນີ້ ​ຮ້ອງ​ຂໍໃຫ້​ປ່ອຍ​ໂຕ​ພວກ​ຈໍາ​ເລີຍ 7 ຄົນ​ນີ້. ຈົດ
ໝາຍ​ສະບັບ​ນີ້​ເອີ້ນ​ການ​ດໍາ​ເນີນ​ຄະດີ​ດັ່ງກ່າວ​ວ່າ ​ເປັນ​ຮອຍ​ດ່າງ​ແປ້ວຢູ່​ໃນປະວັດ​ດ້ານ​ເສລີ
ພາບ​ໃນ​ການ​ເຊື່ອ​ຖື​ສາ​ສະໜາ​ທີ່ພວມເປັນ​ບັນຫາ​ຫລາຍ​ຂຶ້ນນັບ​ມື້ຂອງ​ຫວຽດນາມ​ນັ້ນ.

XS
SM
MD
LG