ຫວຽດນາມໄດ້ເລີ້ມຈ່າຍເງິນຄ່າເສຍຫາຍຂັ້ນຕົ້ນ ໃນມູນຄ່າຫຼາຍ
ກວ່າ 7 ລ້ານໂດລາ ໃຫ້ແກ່ເກືອບ 140 ທຸລະກິດ ຊຶ່ງຮວມທັງ
ບໍລິສັດຂອງຊາວໄຕ້ຫວັນແລະຈີນ ທີ່ໄດ້ຖືກໂຈມຕີ ໃນລະຫວ່າງ
ການປະທ້ວງຕໍ່ຕ້ານຈີນ ໃນເດືອນແລ້ວນີ້.
ມີຄົນງານຈີນຢ່າງນ້ອຍ 2 ຄົນຖືກສັງຫານ ແລະອີກຫຼາຍສິບຄົນ
ໄດ້ຮັບບາດເຈັບ ເວລາການປະທ້ວງຕໍ່ຕ້ານຈີນ ໄດ້ກາຍເປັນເຫດ
ການຮຸນແຮງເຖິງຕາຍ ຢູ່ໃນບາງເຂດຂອງຫວຽດນາມ. ມີລາຍ
ງານວ່າ ໄດ້ມີຜູ້ຄົນຫຼາຍກວ່າ 1 ພັນຄົນຖືກຈັບກຸມໃນການພົວ
ພັນຂອງພວກເຂົາເຈົ້າໃນຄວາມຮຸນແຮງເຫຼົ່ານີ້.
ນອກນັ້ນ ຮາໂນ່ຍຍັງໃຫ້ຄຳໝັ້ນສັນຍາວ່າ ຈະຊ່ອຍເຫຼືອພວກບໍລິສັດ ທີ່ໄດ້ຮັບຜົນກະທົບຈາກຄວາມວຸ້ນວາຍທີ່ຮ້າຍແຮງສຸດໃນຮອບຫຼາຍໆປີ ຟື້ນຕົວຄືນ ໂດຍໄດ້ສະເໜີຂໍ້ລິເລີ້ມ ຕ່າງໆ ເຊັ່ນການຍົກເລີກການເສຍພາສີເປັນຕົ້ນ.
ການເຄື່ອນໄຫວດັ່ງກ່າວນີ້ ມີຂຶ້ນໃນຂະນະນທີ່ທາງສະພາແຫ່ງຊາດຫວຽດນາມ ໄດ້ສິ້ນສຸດ ສະໄໝປະຊຸມສາມັນ ຮອບສຸດທ້າຍ ໂດຍອອກຖະແຫຼງຢ່າງແຮງວ່າ ການທີ່ຈີນໄດ້ຕິດຕັ້ງຖານຂຸດນ້ຳມັນ ໃນເຂດທະເລຈີນໃຕ້ນັ້ນ ແມ່ນເປັນ “ການລະເມີດຢ່າງຮ້າຍແຮງ ຕໍ່ອະທິປະໄຕຂອງຫວຽດນາມແລະກົດໝາຍສາກົນນຳດ້ວຍ.”
ແຕ່ວ່າສະພາແຫ່ງຊາດ ກໍບໍ່ໄດ້ມີມະຕິເພື່ອແກ້ໄຂຄວາມເຄັ່ງຕຶງ ໃນເຂດທະເລຈີນໃຕ້ ດັ່ງທີ່ໄດ້ມີການສະເໜີ ໂດຍສະມາຊິກສະພາບາງທ່ານ ຊຶ່ງໄດ້ພາໃຫ້ເກີດມີປະຕິກິລິຍາຕ່າງໆ ນາໆແບບປະສົມປະສານຈາກປະຊາຊົນນັ້ນ..
