ຄອບຄົວຂອງນາຍ Dieu Cay ນັກຂຽນຂ່າວລົງໃນ internet
ທີ່ ຕໍ່ຕ້ານລັດຖະບານຫວຽດນາມ ກ່າວວ່າ ນາຍ Dieu Cay
ໄດ້ຖືກປ່ອຍໂຕອອກຈາກຄຸກ ຢ່າງລັບໆ ແລະຖືກບັງຄັບໃຫ້
ອອກຈາກປະເທດ.
ນາງ Duong Thi Tan ເມຍຂອງນາຍ Dieu Cay ກ່າວຕໍ່
ພະແນກຫວຽດນາມ ວີໂອເອວ່າ ຜົວຂອງນາງໄດ້ຖືກນຳໂຕໄປ
ຍັງສະໜາມບິນ Noi Bai ໂດຍກົງຈາກຄຸກໃນວັນອັງຄານວານ
ນີ້. ເຖິງຢ່າງໃດກໍດີ ໃນຂະນະທີ່ນາງສະແດງຄວາມຮູ້ບຸນຄຸນຕໍ່
ການຊ່ອຍເຫຼືອຂອງສະຫະລັດນັ້ນ ນາງກ່າວວ່າ ສິ່ງທີ່ບໍ່ດີນັ້ນ
ກໍແມ່ນການປ່ອຍໂຕຜົວຂອງລາວນີ້ ບໍ່ໄດ້ໃຫ້ສັນຍານໃດໆຂອງ
ການປ່ຽນແປງໃນນະໂຍບາຍຕ່າງໆຂອງປະເທດຂອງຫວຽດ
ນາມເລີຍ.
ນາງ Duong Thi Tan ກ່າວວ່າ “ ໃນນາມຜົວຂອງຂ້າພະເຈົ້າ ຂ້າພະເຈົ້າຂໍສະແດງຄວາມຮູ້ບຸນຄຸນຕໍ່ລັດຖະບານສະຫະລັດ. ເຖິງຢ່າງໃດກໍດີ ການແຊກແຊງຂອງສະຫະລັດ ປາກົດວ່າ ໃຫ້ອະນຸມັດແກ່ພວກເຈົ້າໜ້າທີ່ຫວຽດນາມ ສືບຕໍ່ທຳການຈັບກຸມພວກນັກໂທດການເມືອງເປັນໂຕປະກັນ ແລະແລກປ່ຽນພວກນັກໂທດເຫຼົ່ານີ້ ເພື່ອຜົນປະ ໂຫຍດຕ່າງໆໃນອະນາຄົດ. ຊ່ອງທາງການຕໍ່ສູ້ເພື່ອປະຊາທິປະໄຕຂອງປະຊາຊົນຫວຽດນາມ ມາຮອດປັດຈຸບັນນີ້ ແນ່ນອນຍັງເປັນການທ້າທາຍຫຼາຍ. ປະຊາຄົມນາໆຊາດ ຄວນຈະສະໜັບສະໜຸນພວກເຮົາໃນ ຊ່ອງທາງອື່ນໆ ເຊັ່ນ ການຕິດຕາມ ການເອົາມາດຕະການລົງໂທດຕ່າງໆ ແລະຊ່ອງທາງອື່ນໆທີ່ເຂັ້ມງວດຂຶ້ນ ແທນທີ່ເອົາພວກນັກໂທດ ຈິດສຳນຶກອອກຈາກ
ປະເທດ ເທື່ອລະຄົນໆໄປນັ້ນ.”
ນາຍ Dieu Cay ໄດ້ໂອ້ລົມກັນກັບຄອບຄົວຂອງລາວຈາກ ຮົງກົງ ບ່ອນທີ່ລາວຕໍ່ຖ້ຽວບິນມາຍັງສະຫະລັດນັ້ນ.
ໃນເດືອນແລ້ວນີ້ ນາງ Duong Thi Tan ກ່າວວ່າ ຜົວຂອງລາວໄດ້ ປະຕິເສດຕໍ່ຄຳຮຽກ
ຮ້ອງຂອງພວກເຈົ້າໜ້າທີ່ ທີ່ໃຫ້ລາວຂຽນຄຳຮ້ອງຊອກຫາທາງຂໍຂະມາໂທດ ຫຼັງຈາກຮັບໃຊ້ໂທດຢູ່ໃນຄຸກມາເກີນກວ່າ ເຄິ່ງນຶ່ງຂອງກຳນົດການລົງໂທດຈຳຄຸກທັງໝົດ 12 ປີນັ້ນ.
ທ່ານນາງ Marie Harf ໂຄສົກປະຈຳກະຊວງການຕ່າງປະເທດສະຫະລັດ ກ່າວໃນວັນອັງຄານມວານນີ້ວ່າ ສະຫະລັດສະແດງຄວາມ ຍິນດີໃນການປ່ອຍໂຕ ແລະຜູ້ຂຽນຂ່າວລົງໃນ internet ຄົນນີ້ ທີ່ໄດ້ເລືອກເອົາການເດີນທາງມາສະຫະລັດ ເພື່ອຮ່ວມກັບຄອບຄົວຂອງລາວຢູ່ທີ່ນີ້.
