ລິ້ງ ສຳຫລັບເຂົ້າຫາ

ຫວຽດນາ​ມຈະ​ເລີ່ມທໍາ​ການ​ຈັດ​ຕັ້ງ​ປະຕິບັດ​ກົດໝາຍປະຫານ​ຊີວິດນັກ​ໂທດດ້ວຍ​ວິທີ​ສັກຢາ
ແທນທີ່​ຈະ​ເປັນການ​ຍິງ​ເປົ້າ​ ​ໃນ​ວັນ​ສຸກ​ທີ່​ຈະ​ມາ​ເຖິງ​ນີ້.

ພວກ​ສະມາຊິກສະພາ​ນິຕິບັນຢັດ ທີ່​ຊອກ​ຫາ​ຊ່ອງ​ທາງ​ທີ່​ມີ​ມະນຸດສະ​ທໍາ​ຫຼາຍ​ຂຶ້ນ​ໃນການ
ປະຫານ​ຊີວິດນັກໂທ​ດນັ້ນ ​ໄດ້​ຣັບຜ່ານ​ກົດ​ໝາຍ​ດັ່ງກ່າວໃນ​ປີ​ແລ້ວ​ນີ້.

ທາງ​ການຫວຽດນາມ​ໄດ້​ກ່າວ​ວ່າ ວິທີສັກ​ຢາ​ໃສ່ນັ້ນ ສ້າງ​ຄວາມ​ທໍລະມານໃຫ້​ ນັກ​ໂທດ
ນ້ອຍ​ກ່ວາ ​ແລະ​ຍັງ​ລົດ​ຜ່ອນ​ຄວາມ​ກົດ​ດັນທາງ​ຈິດຕະວິທະຍາ​ຕໍ່​ພວກ​ທໍາ​ການ​ສັງຫານ​
ນໍາ​ອີກ.

ຮ່າງ​ກົດໝາຍ​ໃໝ່​ນີ້ ຍັງຈະອະນຸຍາດ​ໃຫ້​ພວກສະມາຊິກ​ຄອບຄົວ​ຮັບເອົາສົບ​ໄປຝັງ​ໄດ້.

ທາງ​ການ​ຫວຽດນາມຖື​ວ່າຂໍ້​ມູນ​ກ່ຽວ​ກັບ​ການ​ປະຫານ​ຊີວິດ​ນັກ​ໂທດ​ເປັນຄວາມ ລັບ
ສະ​ເພາະ​ລັດ. ເພາະສນັ້ນ ຈຶ່ງ​ບໍ່​ມີ​ຂໍ້​ມູນ​ໃດໆ​ທີ່ພໍ​ໜ້າເຊື່ອ​ຖື​ໄດ້​ ກ່ຽວ​ກັບ​ຈໍາ​ນວນ​ນັກ​ໂທດ
ທີ່​ຕ້ອງ​ໂທດ​ປະຫານ​ຊີວິດນັ້ນ.

XS
SM
MD
LG