ລິ້ງ ສຳຫລັບເຂົ້າຫາ

ພວກປັນຍາຊົນ ແລະພວກທີ່ມີອາຊີບວຽກງານຕ່າງໆຊາວຫວຽດ
ນາມ ຈຳນວນຫລາຍໆຮ້ອຍຄົນ ໄດ້ອອກຖະແຫຼງການສະບັບນຶ່ງ
ປະທ້ວງດຳລັດໃໝ່ທີ່ຮວມທັງຂໍ້ກຳນົດໃນການຫ້າມບໍ່ໃຫ້ແບ່ງປັນ ຂ່າວຄາວແລະຂໍ້ມູນຕ່າງໆ ຜ່ານທາງຕາໜ່າງສື່ສັງຄົມ.

ກຸ່ມດັ່ງກ່າວຊຶ່ງຮວມທັງຊາວຫວຽດນາມທີ່ຢູ່ພາຍໃນປະເທດແລະ
ພົ້ນທະເລກ່າວວ່າ ມາດຕະການສະບັບນີ້ ຊຶ່ງຮູ້ກັນໃນນາມດຳລັດ
ເລກທີ 72 ຈະເປັນການລ່ວງລະເມີດ ຢ່າງຮ້າຍແຮງ ຕໍ່ອິດສະຫຼະ
ພາບໃນການສະແດງອອກຊຶ່ງຄວາມຄິດຄວາມເຫັນ ແລະຂັດກັບ
ກົດໝາຍ ພ້ອມທັງລັດຖະທຳມະນູນ ແລະພັນທະນາໆຊາດດ້ານ ສິດທິມະນຸດຂອງຫວຽດນາມນຳດ້ວຍ.

ທ່ານ Nguyen Quang A ອະດີດປະທານສະມາຄົມຂໍ້ມູນຂ່າວຫວຽດນາມແລະຫົວໜ້າສະ ຖາບັນການພັດທະນາຫວຽດນາມຊຶ່ງເປັນອົງການຈັດຕັ້ງທີ່ບໍ່ຂຶ້ນກັບລັດຖະບານແມ່ນຜູ້ນຳພາ ຮ່ວມຄົນນຶ່ງ.

ໃນການໃຫ້ສຳພາດແກ່ວີໂອເອ ພະແນກພາສາຫວຽດນາມນັ້ນ ທ່ານບໍ່ໄດ້ໃຫ້ຄວາມສຳຄັນ
ຕໍ່ການໂຕ້ແຍ້ງຂອງຮາໂນ່ຍ ທີ່ເຫັນພ້ອມກ່ຽວກັບກົດໝາຍສະບັບນີ້.

ທ່ານກ່າວຕື່ມວ່າ ທ່ານບໍ່ຄິດວ່າຖະແຫລງການສະບັບນີ້ ຈະປ່ຽນທ່າທີຂອງລັດຖະບານແຕ່ກໍ ຫວັງວ່າມັນຈະສ້າງຄວາມຕື່ນຕົວໃຫ້ແກ່ປະຊາຊົນ.

ດຳລັດເລກທີ 72 ຊຶ່ງໄດ້ມີການປະກາດໃນເດືອນກໍລະກົດແລະຈະມີຜົນບັງຄັບໃຊ້ໃນເດືອນ ໜ້ານີ້ບັງຄັບວ່ານັກຂຽນຂ່າວລົງອິນເຕີແນັດແລະສື່ສັງຄົມທັງຫຼາຍຄວນຈະແບ່ງປັນຂໍ້ມູນແຕ່ ໃນເລື່ອງສ່ວນຕົວເທົ່ານັ້ນ. ດຳລັດສະບັບນີ້ເວົ້າວ່າ ພວກຜູ້ຊົມໃຊ້ ຈະບໍ່ໄດ້ຮັບອະນຸຍາດໃຫ້
ອ້າງຄຳເວົ້າ ຮວບຮວມ ຫຼືສະຫຼຸບຂໍ້ຄວາມກ່ຽວກັບຂ່າວຄາວຕ່າງໆຈາກບັນດາອົງການຂ່າວ
ແລະເວັບໄຊຂອງລັດຖະບານ.

ສະຫະລັດ ພ້ອມດ້ວຍບັນດາກຸ່ມປົກປ້ອງສິດທິມະນຸດ ຫຼາຍໆກຸ່ມ ແລະອົງການເທັກໂນໂລຈີ ຍັກໃຫຍ່ ເຊັ່ນ Google ແລະ Facebook ຕ່າງກໍໄດ້ຕຳໜິຕິຕຽນ ດຳລັດສະບັບນີ້.
XS
SM
MD
LG