ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ຫວຽດນາມ ເລືອກຫົວໜ້າ ພັກຄອມມິວນິສ ຄົນໃໝ່


ທ່ານຫງຽນຕັນຢຸງ ນາຍົກລັດຖະມຸນຕີຫ%ຍດນາມທີ່ກອງປະຊຸມ
ຫລວງຂອງພັກທີ່ນະຄອນຫລວງຮາໂນຍ ວັນທີ 12 ມັງກອນ 2011
ທ່ານຫງຽນຕັນຢຸງ ນາຍົກລັດຖະມຸນຕີຫ%ຍດນາມທີ່ກອງປະຊຸມ ຫລວງຂອງພັກທີ່ນະຄອນຫລວງຮາໂນຍ ວັນທີ 12 ມັງກອນ 2011

ຄະນະ​ກໍາມະການ​ສູນ​ກາງ​ທີ່​ຫາ​ກໍ​ຖືກ​ເລືອກ​ຕັ້ງ​ໃໝ່ໆ​ຂອງ​ພັກ
ຄອມ​ມິ​ວນິສຫວຽດນາມ​ຈະ​ລົງມະຕິ​ຄັດ​ເລືອກ​ເອົາ​ຫົວໜ້າ​ພັກ
ແລະ​ສະມາຊິກ​ຂອງ​ຄະນະ​ກໍາມະການກົມ​ການ​ເມືອງສູນກາງ
ພັກ 17 ທ່ານໃນ​ວັນ​ອັງຄານ​ມື້​ນີ້ ຊຶ່ງ​ຈະ​ເປັນ​ຜູ້​ກໍາກັບ​ເບິ່ງ​
ນໍາທິດ​ທາງ​ການ​ຕັດສິນ​ໃຈ​ໃນນະ​ໂຍບາຍຕ່າງໆ​ຂອງ​ພັກ​
ໃນ​ດ້ານເສດຖະກິດ​ຂອງ​ປະ​ເທດ​ທີ່​ປະ​ເຊີນກັບ​ບັນຫາ​ຢູ່​ນັ້ນ.

ລາຍ​ງານ​ໜັງສືພິມ​ກ່າວ​ວ່າ ຕໍາ​ແໜ່​ງສູງ​ສຸດ​ຄື ​ເລຂາທິການ
|​ໃຫຍ່​ຂອງ​ພັກ ​ເບິ່ງຄື​ວ່າຈະ​ຕົກເປັນຂອງທ່ານ Nguyen
Phu Trong ໄວ 66 ປີ ຊຶ່ງ​ເວລາ​ນີ້​ເປັນ​ປະທານສະພາ​
ແຫ່ງ​ຊາດ​ນັ້ນ. ທ່ານໄດ້ເປັນ​ນຶ່ງ​ໃນ​ບັນດາ​ສະມາຊິກ​ປະ​ຈໍາ​
175 ທ່ານ​ແລະ​ສະມາຊິກ​ສໍາຮອງ 25 ທ່ານ​ຂອງ​ຄະນະ​ກໍາ
ມະການສູນກາງ ທີ່ໄດ້​ຖືກເລືອກ​ຕັ້ງ​ໃນ​ວັນຈັນ​ວານ​ນີ້ ​ໂດຍ
ພວກ​ຜູ້​ແທນ​ຂອງ​ພັກ ທີ່​ມາ​ຮ່ວມກອງປະຊຸມ​ຫລວງ​ ທີ່​ດໍາ​
ເນີນ​ມາ​ເປັນເວລາ 1 ສັບປະດາ​ນັ້ນ.

ປະທານ​ປະ​ເທດ​ ຊຶ່ງ​ສ່ວນ​ໃຫຍ່​ແລ້ວ​ກໍ​ພຽງ​ແຕ່​ເປັນ​ຕໍາ​ແໜ່​ງພິທີການ​ຊື່ໆນັ້ນ ຄາດ​ວ່າ
ຈະ​ຕົກ​ເປັນ​ຂອງ​ທ່ານ Truong Tan Sang ໄວ 61 ປີ ຊຶ່ງ​ເວລາ​ນີ້​ ທ່ານ​ເປັນ​ຫົວໜ້າ
ກອງ​ເລຂາ​ຂອງ​ພັກ​ຄອມ​ມິ​ວນິສ.

ຄາດ​ວ່າ ທ່ານ​ຫງຽນຕັນ​ຢຸງຈະ​ຮັກສາ​ຕໍາ​ແໜ່​ງນາຍົກລັດຖະມຸນຕີຂອງ​ທ່ານ​ຄື​ເກົ່າເຖີງ
ແມ່ນ​ບໍ່​ມີ​ຄວາມ​ພໍ​ໃຈ​ນໍາ​ການ​ຮັບ​ມື​ທາງ​ດ້ານ​ເສດຖະກິດ​ຂອງ​ທ່ານ​ກໍ​ຕາມ ​ແຕ່ຮອງ​ນາ
ຍົກລັດຖະມຸນຕີ​ແລະ​ລັດຖະມຸນຕີ​ການ​ຕ່າງປະ​ເທດ Pham Gia Khiem ນັ້ນ​ບໍ່​ໄດ້
ຖືກ​ເລືອກ​ໃຫ້ເຂົ້າໄປຢູ່​ໃນ​ຄະນະ​ກໍາມະການ​ສູນ​ກາງຂອງພັກຕື່ມອີກ ​ແລະຈະ​ມີການ
ຕັ້ງຜູ້ໃໝ່ແທນ.

ຄາດ​ວ່າ​ຈະ​ຮູ້ຈັກ​ຜົນການແຕ່ງຕັ້ງ​ຢ່າງ​ເປັນ​ທາງ​ການ​ ​ເວລາ​ກອງ​ປະຊຸມ​ຫລວງ​ຂອງ​
ພັກ​ເສັດສິ້ນ​ລົງ​ໃນ​ວັນ​ພຸດ​ມື້ອື່ນນີ້.

XS
SM
MD
LG