ພັກຄອມມີວນິສຫວຽດນາມທີ່ປົກຄອງປະເທດໃນປັດຈຸບັນກ່າວວ່າ ພວກຜູ້ແທນພັກຈະລົງ ມະຕິທີ່ກອງປະຊຸມຫລວງຂອງພັກໃນວັນຈັນມື້ນີ້ ຄັດເລືອກເອົາສະມາຊິກຂອງຄະນະກໍາ ມະການສູນກາງພັກໃໝ່ 200 ຄົນ ຊຶ່ງຈະເປັນຜູ້ກໍາກັບເບິ່ງນໍາທິດທາງນະໂຍບາຍຂອງພັກ ໃນ 5 ປີຕໍ່ໜ້າ.
ໜັງສືພິມຂອງພັກ Saigon Giai Phong ກ່າວວ່າ ພວກສະມາຊິກສູນກາງພັກທີ່ຖືກເລືອກຕັ້ງໃໝ່ຈະລົງມະຕິທາງລັບກັນຮອບສອງ ໃນວັນອັງຄານມື້ອື່ນ ເພື່ອຄັດເລືອກເອົາສະມາຊິກ 17 ຄົນ ຂອງຄະນະກໍາມມະການກົມການເມືອງ ທີ່ມີອໍານາດນັ້ນ.
ນອກນີ້ ພວກສະມາຊິກຂອງຄະນະກໍາມະການສູນກາງພັກຍັງຈະເລືອກເອົາຫົວໜ້າພັກຄົນ
ໃໝ່ ໃນວັນອັງຄານເຊ່ນກັນ. ຄາດວ່າ ທ່ານຫງຽນຕັນຢຸງ ຈະຮັກສາຕໍາແໜ່ງນາຍົກລັດຖະ
ມຸນຕີຂອງທ່ານຢູ່ຕໍ່ໄປ ເຖິງແມ່ນໄດ້ມີການຊ່ວງຊີງກັນພາຍໃນພັກ ໃນປີຜ່ານມາກໍຕາມ.
ການລົງມະຕິຕ່າງໆເຫລົ່ານີ້ ແມ່ນເປັນການມ້ວນທ້າຍກອງປະຊຸມຫລວງຂອງພັກ ທີ່ມີຂຶ້ນທຸກໆ 5 ປີ ແລະໄດ້ເລີ້ມຂຶ້ນໃນສັບປະດາຜ່ານມາ. ບັນດາຜູ້ນໍາພັກກ່າວວ່າ ເຂົາເຈົ້າຫວັງວ່າການລົງມະຕິຄັດເລືອກເອົາຄະນະກໍາມະການສູນກາງພັກໃໝ່ໃນຄັ້ງນີ້ ຈະຂະຫຍາຍສະ ມາຊິກອອກໄປຮວມເອົາພວກຄົນທີ່ໜຸ່ມກ່ວາແລະມີຄວາມຮູ້ຄວາມຫລັກ ຫລາຍກວ່າເກົ່າ.
ໜັງສືພິມ Saigon Giai Phong ຍັງກ່າວຕື່ມວ່າ ພາຍໃຕ້ກົດລະບຽບໃໝ່ພວກສະມາ
ຊິກຂອງຄະນະກໍາມະການສູນກາງພັກໃໝ່ໃນຈໍານວນ 20 ສ່ວນຮ້ອຍ ຈະມີອາຍຸຕໍ່າກວ່າ
50ປີ ແລະ 10 ສ່ວນຮ້ອຍ ຈະເປັນແມ່ຍິງ. ຍັງບໍ່ເປັນທີ່ຈະແຈ້ງເທື່ອວ່າ ເວລາໃດຈະມີ
ການປະກາດຜົນຂອງການຄັດເລືອກໃຫ້ຊາບ.
