ພັກຄອມມິວນິດຫວຽດນາມຊຶ່ງປົກຄອງປະເທດໃນປັດຈຸບັນໄດ້ໄຂກອງປະຊຸມໃຫຍ່ຄັ້ງທີ 11 ຂອງຕົນດ້ວຍການຊັ່ງຊາຕີລາຄາແບບກົງໄປກົງມາກ່ຽວກັບຂໍ້ ບົກຜ່ອງຂອງຕົນເອງ ແລະທໍາການໂຈມຕີຢ່າງໜັກຕໍ່ພວກທີ່ຕໍາໜິຕິຕຽນຕົນ.
ທ່ານ Nong Duc Manh ເລຂາທິການພັກຄອມມິວນິດທີ່
ຈະພົ້ນອອກຈາກຕໍາແໜ່ງໄປ ໄດ້ກ່າວຍ້ອງຍໍການພັດທະນາ
ດ້ານເສດຖະກິດຂອງຕົນໃນວັນພຸດມື້ນີ້ໃນຄໍາປາໄສເປີດກອງ
ປະຊຸມໃຫຍ່ຂອງພັກ ຊຶ່ງຈະຄັດເລືອກເອົາຄະນະນໍາພາຂັ້ນ
ສູງສຸດແລະວາງແຜນໂຄງການເສດຖະກິດຂອງປະເທດໃນໄລຍະ 5 ປີຕໍ່ໜ້າ.
ແຕ່ທ່ານ Nong Duc Manh ເຕືອນວ່າອັດຕາການເຕີບໂຕເສດຖະກິດໃນປັດຈຸບັນອາດຈະບໍ່ຍືນຍົງໄດ້ ແລະວ່າພວກບໍລິສັດຕ່າງໆຂາດຄຸນນະພາບ ປະສິດທິພາບແລະການແຂ່ງຂັນ.
ທ່ານກ່າວຕໍ່ໄປວ່າປະເທດຍັງບໍ່ສາມາດຫລຸດຜ່ອນການສໍ້ລາດບັງຫລວງແລະການໃຊ້ຈ່າຍຢ່າງຟຸມເຟືອຍ ຫລືກໍາຈັດການເຊື່ອມໂຊມລົງໃນດ້ານສິນລະທໍາແລະການດຳລົງຊີວິດນັ້ນໄດ້.
ທ່ານ Nong Duc Manh ໄດ້ທໍາການໂຈມຕີຢ່າງໜັກຕໍ່ພວກທີ່ຕໍາໜິຕິຕຽນໃນເວລາ
ພຽງນຶ່ງມື້ຫລັງຈາກກຸ່ມສົ່ງເສີມສິດທິມະນຸດລະຫວ່າງຊາດທີ່ມີຊື່ສຽງກຸ່ມນຶ່ງໄດ້ຕ້ອງຕິ
ຫວຽດນາມໃນການປາບປາມຢ່າງໜັກຕໍ່ພວກຄັດຄ້ານລັດຖະ ບານກ່ອນເປີດກອງປະ
ຊຸມໃຫຍ່ຂອງພັກນັ້ນ.
ທ່ານກ່າວຕື່ມວ່າ ພວກກໍາລັງທີ່ເປັນສັດຕູ ພວມໃຊ້ເລື້ອງລະບອບປະຊາທິປະໄຕແລະສິດທິມະນຸດໃນຄວາມພະຍາຍາມເພື່ອໂຄ່ນລົ້ມພັກຄອມມູນິສ ຫວຽດນາມທີ່ປົກຄອງປະເທດໃນປັດຈຸບັນ.
